Gujarat Assembly Election 2022: ગુજરાતમાં પ્રચંડ જીત બાદ બીજેપી હેડક્વાર્ટર પહોંચ્યા ગૃહમંત્રી અમિત શાહ અને પીએમ મોદી
Election Results 2022 LIVE Updates: ગુજરાત ચૂંટણી પરિણામ LIVE રાજ્યના તમામ મતગણતરી મથકોએ આવશ્યક તૈયારીઓ પૂર્ણ કરી દેવામાં આવી છે.
Background
ગુજરાત ચૂંટણી પરિણામ LIVE | આજે ગુજરાત વિધાનસભાની ચૂંટણીનું પરિણામ જાહેર કરવામાં આવશે. આજે 1600થી વધુ ઉમેદવારોના ભાવિનો ફેંસલો થશે. અમદાવાદ, સુરત, વડોદરા, રાજકોટ સહિતના તમામ જિલ્લામાં મતગણતરીને લઈ પ્રશાસને પણ તૈયારીઓને આખરી ઓપ આપ્યો છે. અમદાવાદ શહેર અને જિલ્લાની 21 બેઠક પરના EVM ગુજરાત કોલેજ,એલડી એન્જિનિયરિંગ કોલેજ અને આંબાવાડીની સરકારી કોલેજ ખાતેના સ્ટ્રોંગ રૂમમાં રખાયા છે. જેની પેરામિલિટ્રી ફોર્સના જવાનો સુરક્ષા કરી રહ્યાં છે. તો, સીસીટીવી મારફતે પણ નજર રખાઈ રહી છે. સવારે આઠ વાગ્યે વિધાનસભા મુજબ 14 ટેબલ પર મતગણતરી થશે તો વડોદરા શહેર અને જિલ્લાની 10 બેઠકની મતગણતરી MS યુનિવર્સિટીની પોલિટેક્નિક કોલેજમાં થશે અને સુરત શહેરની 6 બેઠકની ગણતરી SVNIT કોલેજમાં જ્યારે ગ્રામ્યની 10 બેઠકની ગણતરી ગાંધી એન્જિનિયરિંગ કોલેજમાં થશે.
રાજ્યના તમામ મતગણતરી મથકોએ આવશ્યક તૈયારીઓ પૂર્ણ કરી દેવામાં આવી છે એમ કહીને શ્રીમતી પી. ભારતીએ જણાવ્યું હતું કે, સમગ્ર કાઉન્ટિંગ પ્રોસેસ માટે 182 કાઉન્ટિંગ ઓબ્ઝર્વર્સ, 182 ચૂંટણી અધિકારી અને 494 મદદનીશ ચૂંટણી અધિકારી ફરજ બજાવશે. મતગણતરી માટે વધારાના 78 મદદનીશ ચૂંટણી અધિકારી હશે. આ ઉપરાંત 71 વધારાના મદદનીશ ચૂંટણી અધિકારીઓને ઇલેક્ટ્રોનિકલી ટ્રાન્સમિટેડ પોસ્ટલ બેલેટ સિસ્ટમ માટે જવાબદારી સોંપવામાં આવી છે.
શ્રીમતી પી. ભારતીએ જણાવ્યું હતું કે, તમામ કાઉન્ટિંગ સ્ટાફની નિમણૂક થઈ ગઈ છે. સેકન્ડ રેન્ડમાઇઝેશન પણ આજે પૂર્ણ કરાશે અને મતગણતરી પહેલા સવારે 5:00 વાગે થર્ડ રેન્ડમાઇઝેશન પ્રક્રિયા કરાશે. મતદાન કેન્દ્રના દરેક ટેબલ પર એક માઈક્રો-ઑબ્ઝર્વર, કાઉન્ટીંગ સુપરવાઈઝર અને કાઉન્ટીંગ આસિસ્ટન્ટને ફરજ સોંપવામાં આવી છે. આ ઉપરાંત કાઉન્ટીંગ હૉલમાં બે માઈક્રો-ઑબ્ઝર્વર મૂકવામાં આવશે. મતગણતરીની સમગ્ર પ્રક્રિયાની વિડિયોગ્રાફી કરવામાં આવશે.
મતગણતરી મથકો પર ભારતના ચૂંટણી પંચ દ્વારા માન્યતા પ્રાપ્ત અધિકારીઓ, નિરિક્ષકો, ફરજરત કર્મચારીઓ-અધિકારીઓ, ઉમેદવારો તથા કાઉન્ટીંગ એજન્ટ્સ અને દરેક ઉમેદવારના કાઉન્ટિંગ એજન્ટ્સ પણ પ્રવેશ કરી શકશે. રિટર્નિંગ ઑફિસર/આસિસ્ટન્ટ રિટર્નિંગ ઑફિસર, ઉમેદવાર-કાઉન્ટીંગ એજન્ટ્સ તથા ભારતના ચૂંટણી પંચ દ્વારા નિમણૂંક પામેલા ઑબ્ઝર્વર્સની હાજરીમાં સ્ટ્રોંગરૂમમાંથી EVM બહાર કાઢી કાઉન્ટીંગ હૉલમાં ગોઠવવામાં આવશે. સવારે 8:00 વાગે સૌપ્રથમ પોસ્ટલ બેલેટની ગણતરી કરાશે અને 8:30 વાગ્યાથી પોસ્ટલ બેલેટની સાથે સાથે EVMના મતોની ગણતરી પણ શરુ કરાશે.
મુખ્ય નિર્વાચન અધિકારીશ્રીએ જણાવ્યું હતું કે, રાજ્યના તમામ કાઉન્ટીંગ સેન્ટર્સને કોમ્પ્યુટર, ઈન્ટરનેટ, ટેલિફોન અને ફેક્સ જેવી અત્યાધુનિક સંચારસુવિધાથી સજ્જ કરવામાં આવ્યા છે. મોબાઈલ ટેલિફોન, આઈ-પેડ કે લેપટૉપ જેવા ઈલેક્ટ્રોનિક ઉપકરણો મતગણતરી કેન્દ્રમાં લઈ જઈ શકાશે નહીં. કમિશનના ઑબ્ઝર્વર્સ, રિટર્નિંગ ઑફિસર, આસિસ્ટન્ટ રિટર્નિંગ ઑફિસર અને કાઉન્ટીંગ સુપરવાઈઝર્સ પર આ પ્રતિબંધ લાગુ પડશે નહીં. દરેક મતગણતરી કેન્દ્રમાં મિડિયા સેન્ટર ઉભુ કરવામાં આવ્યું છે. મિડિયા સેન્ટર સિવાય મતગણતરી કેન્દ્રના સંકુલમાં ક્યાંય પણ મોબાઈલ ફોનનો ઉપયોગ કરી શકાશે નહીં.
બનાસકાંઠા બેઠક પર આવ્યું ચોંકાવનારુ પરિણામ
ગુજરાત વિધાનસભાની ચૂંટણીના પરિણામોમાં કોંગ્રેસ પક્ષની આબરૂ બચાવવામાં મહત્વનો યોગદાન હોય તો તે છે બનાસકાંઠા જિલ્લાનું. બનાસકાંઠાની 9 બેઠકો પૈકી 4 બેઠકો પર કોંગ્રેસ અને 4 બેઠકો પર ભાજપે જીત મેળવી છે જ્યારે એક અપક્ષને ફાળે ગઈ છે. જોકે બનાસકાંઠા જિલ્લાના પરિણામોમાં કેટલા અપસેટ પણ જોવા મળ્યા. ધાનેરા બેઠક પરથી અપક્ષના ઉમેદવાર જીત્યા તો પાલનપુર બેઠક પરથી ભાજપને બે ટર્મ બાદ અહીં જીત મેળવવામાં સફળતા મળી છે. માત્ર એટલું જ નહીં પરંતુ રાજ્ય સરકારમાં રાજ્યકક્ષાના મંત્રી કીર્તિસિંહ વાઘેલા એ પણ હારનો સામનો કરવો પડ્યો છે
જરાત વિધાનસભા ચૂંટણીનું ચિત્ર થયું સ્પષ્ટ
ગુજરાત વિધાનસભા ચૂંટણીનું પરિણામ જાહેર થઈ ગયું છે. 182 વિધાનસભા સીટ પર 156 બેઠક જીતીને બીજેપીએ તમામ રેકોર્ડ તોડ્યા છે. તો બીજી તરફ કોંગ્રેસને 17 બેઠકો મળી છે જ્યારે આમ આદમી પાર્ટીને 5 બેઠકો જીતી છે. કુતિયાણાની એક બેઠક પર સમાજવાદી પાર્ટીના ઉમેદવાર કાંધલ જાડેજા જીત્યા છે જ્યારે 3 બેઠકો પર અપક્ષ ઉમેદવારોને જીત મળી છે. તમને જણાવી દઈએ કે 2017મા કોંગ્રેસને 77 બેઠક મળી હતી જ્યારે બીજેપીને 99 બેઠક મળી છે.
ટોપ સ્ટોરી
ટ્રેન્ડિંગ સમાચાર
