Gujarat Assembly Session Live : સર્વ સંમિતિથી વિધાનસભામાં ઢોર નિયંત્રણ બિલ પાછું ખેંચાયું
ગુજરાત વિધાનસભાનું આજથી બે દિવસનું ટુકું સત્ર શરૂ થશે. મોંઘવારી,ડ્ર્ગ્સ સહિતના મુદ્દા છવાશે. પ્રથમ બેઠકમાં પૂર્વ વિધાનસભા સભ્યોના અવસાન અંગે શ્રદ્ધાંજલિ પાઠવવામાં આવશે.
LIVE
Background
Gujarat Assembly : ગુજરાત વિધાનસભાનું આજથી બે દિવસનું ટુકું સત્ર શરૂ થશે. મોંઘવારી,ડ્ર્ગ્સ સહિતના મુદ્દા છવાશે. પ્રથમ બેઠકમાં પૂર્વ વિધાનસભા સભ્યોના અવસાન અંગે શ્રદ્ધાંજલિ પાઠવવામાં આવશે. રખડતા ઢોર નિયંત્રણ વિધેયક વિધાનસભા સત્ર માં પરત ખેંચવામાં આવશે.
વિધાનસભા પોલીસ છાવણીમાં ફેરવાઇ. અલગ અલગ આંદોલન ને લઈને વિધાનસભા સચિવાલયમા ચુસ્ત પોલીસ બંદોબસ્ત ગોઠવી દેવાયો છે. ગેટ નંબર 1 અને 4 ના એન્ટ્રી ગેટ પર સખત પોલીસ પહેરો.
વિધાનસભાના ટૂંકા સત્ર મામલે વિધાનસભામાં વિપક્ષના નેતા સુખરામ રાઠવાએ જણાવ્યું હતું કે, સરકાર પ્રશ્નો રજુ કરવાનો અમારો અધિકાર છીનવ્યો છે. ગુજરાતના વિવિધ પ્રશ્નો રજૂ ન થાય તે માટે ટૂંકું સત્ર રાખ્યું છે. અમારા ધારાસભ્યો શુ કરશે તે અંગે ચર્ચા કરીશું. વિધાનસભા સત્ર પહેલા કોંગ્રેસ પક્ષના ધારાસભ્યોની મળી બેઠક. પ્રભારી રઘુ શર્મા, નેતા વિપક્ષ, પ્રદેશ પ્રમુખ સહિત કોંગ્રેસ પક્ષના ધારાસભ્યો રહ્યા હાજર. વિધાનસભામાં સરકારને ઘેરવાની ઘડાય રણનીતિ. બે દિવસીય સત્રમાં કોંગ્રેસ પક્ષ કરશે આક્રમક રીતે સરકારની નીતિઓનો વિરોધ.
પ્રવક્તા મંત્રી વાઘાણીએ કોંગ્રેસ પર કર્યા પ્રહાર
પ્રજા હવે કોંગ્રેસની સાથે નથી. જનતા ભાજપની સાથે છે. કોંગ્રેસ દેખાડા કરી વિધાનસભાની ગરીમાનો ભંગ કરી રહી છે.
સર્વ સંમિતિથી વિધાનસભામાં ઢોર નિયંત્રણ બિલ પાછું ખેંચાયું
સર્વ સંમિતિથી વિધાનસભામાં ઢોર નિયંત્રણ બિલ પાછું ખેંચાયું.
કોંગ્રેસ પક્ષના તમામ ધારાસભ્યોને આજના દિવસ માટે સસ્પેન્ડ
વેલમા આવેલ કોંગ્રેસ પક્ષના તમામ ધારાસભ્યોને આજના દિવસ માટે સસ્પેન્ડ કરવામાં આવ્યા. સાર્જન્ટ દ્વારા તમામ ધારાસભ્યોને ઊંચકીને ગૃહ બહાર લઈ જવાઈ રહ્યા છે.
કોંગ્રેસ પક્ષના ધારાસભ્યો વેલમા આવી ગયા
કોંગ્રેસના નારા અને હોબાળો ચાલુ. વિધાનસભા અધ્યક્ષે કોંગ્રેસ પક્ષના ધારાસભ્યોને શાંતિ રાખવા અપીલ કરી. સરકારી કર્મચારીઓના પ્રશ્નો અને આંદોલનો બાબતે ચર્ચા કરવા માટે શૈલેષ પરમારની માગણી. સરકારને વિનંતી કરીએ છીએ. તમામ વિભાગના કર્મચારીઓના પ્રશ્નો છે. કોંગ્રેસની માગણી છે કે આંદોલનો ચાલે છે એની ચર્ચા કેમ ના થાય. સરકાર એનો જવાબ આપે . કોંગ્રેસ પક્ષના ધારાસભ્યો વેલમા આવી ગયા. સાર્જન્ટ પહોંચ્યા.
કોંગ્રેસના ધારાસભ્યોએ હાથમાં પ્લે કાર્ડ રાખીને વિરોધ નોંધાવ્યો
ટૂંકી મુદતના પ્રશ્નોથી સત્રની શરૂઆત. નેતા વિપક્ષ સુખરામ રાઠવા બોલવા ઉભા થયા. અડધા કલાક ની ચર્ચા માટે સમય આપવા રજુઆત કરી. કોંગ્રેસ પક્ષના ધારાસભ્યો વિધાનસભામા ઉભા થયા. હાથમાં પ્લે કાર્ડ રાખીને વિરોધ નોંધાવ્યો. સત્ર ચાલુ થાય તે પહેલાં જ હોબાળો. ગૃહમાં કોંગ્રેસ પક્ષના ધારાસભ્યો પોતાની જગ્યા પર ઉભા થયા. મેજ તરફ નારાઓ લગાવવાતા આવ્યા. સરકારી કર્મચારીઓ ને ન્યાય આપો ના નારાઓ લગાવ્યા. ગૃહમાં હોબાળો કોંગ્રેસનો વિરોધ. વિવિધ પ્રશ્નો અને માંગણીઓ ને લઈને વિરોધ. સરકારી કર્મચારી, આંદોલનકારીઓને ન્યાય આપવાના નારાઓ કોંગ્રેસ પક્ષ દ્વારા શરૂ.
ટ્રેન્ડિંગ સમાચાર
ટોપ સ્ટોરી
