Gujarat Election 2022: જિગ્નેશ મેવાણી ભાજપ અને AAPના બદલે કૉંગ્રેસમાં કેમ જોડાયા, જાણો શું આપ્યો જવાબ

ગુજરાત વિધાનસભાની ચૂંટણીનો મુકાબલો આ વખતે ખૂબ જ રસપ્રદ બનવાનો છે. ચૂંટણીમાં ભાગ લઈને AAPએ ચૂંટણીને ત્રિકોણીય ફોર્મેટમાં ફેરવી દીધી છે.

જિગ્નેશ મેવાણી

Why Jignesh Mevani Join Congress: ગુજરાત વિધાનસભાની ચૂંટણીનો મુકાબલો આ વખતે ખૂબ જ રસપ્રદ બનવાનો છે. ચૂંટણીમાં ભાગ લઈને AAPએ ચૂંટણીને ત્રિકોણીય ફોર્મેટમાં ફેરવી દીધી છે. બીજી તરફ, ગુજરાતના વડગામમાં  જિગ્નેશ મેવાણી  અપક્ષ ઉમેદવાર બનવાને બદલે હવે કોંગ્રેસ વતી ચૂંટણી મેદાનમાં ઉતર્યા છે. ગયા વર્ષે સપ્ટેમ્બર 2021માં તેઓ કોંગ્રેસ પાર્ટીમાં જોડાયા હતા. તેઓ અગાઉ વડગામથી અપક્ષ તરીકે ચૂંટણી લડીને ધારાસભ્ય બન્યા હતા. જો કે આ વખતે પણ તેઓ વડગામથી ચૂંટણી લડી રહ્યા છે. જિગ્નેશ મેવાણીએ હિન્દી ન્યૂઝ વેબસાઈટ ધ લલ્નટોપને આપેલા ઈન્ટરવ્યુમાં જણાવ્યું કે કયા કારણોસર તેઓ ભાજપ કે AAPને બદલે કોંગ્રેસ પાર્ટીમાં જોડાયા છે.

જિગ્નેશ મેવાણી શા માટે કોંગ્રેસમાં જોડાયા ?

જિગ્નેશ મેવાણી કોંગ્રેસમાં જોડાવાનું મુખ્ય કારણ એ હતું કે તેઓ રાહુલ ગાંધીથી ખૂબ પ્રભાવિત હતા. કોંગ્રેસમાં જોડાતા પહેલા તેઓ ઘણી વખત રાહુલ ગાંધીને પણ મળ્યા હતા. જેમાં તેઓ રાહુલ ગાંધીને મળ્યા અને ખબર પડી કે રાહુલ ગાંધી એવા વ્યક્તિ છે જે ક્યારેય અંગત મીટિંગમાં કે જાહેર મંચ પર જૂઠું બોલતા નથી. જિગ્નેશ મેવાણીએ રાહુલ ગાંધી વિશે એવો પણ દાવો કર્યો હતો કે તેઓ એવા વ્યક્તિ છે જે આ દેશના લોકોને ક્યારેય છેતરશે નહીં. આ સિવાય તે વાસ્તવમાં ઉદારવાદી અને ડેમોક્રેટિક વ્યક્તિ છે. કોંગ્રેસમાં આવવાનું મુખ્ય કારણ પાર્ટી દ્વારા દલિતો માટે કામ કરવાનું જણાવ્યું હતું.

જિગ્નેશ મેવાણીએ કહ્યું કે કોંગ્રેસમાં દલિતો, આદિવાસીઓ, મજૂરો અને લઘુમતીઓના મુદ્દા પર બોલવાની તેમને હંમેશા સ્વતંત્રતા મળશે. ઉલ્લેખનીય છે કે, ગુજરાત વિધાનસભાની તમામ 182 બેઠકો માટે બે તબક્કામાં 1 અને 5 ડિસેમ્બરે ચૂંટણી યોજાશે.  ગુજરાત વિધાનસભાની ચૂંટણી માટે બે તબક્કામાં 1 અને 5 ડિસેમ્બરે મતદાન થવાનું છે. તેથી પ્રથમ તબક્કાના મતદાન માટે એક સપ્તાહ બાકી છે.  8 ડિસેમ્બરના રોજ ગુજરાત વિધાનસભા ચૂંટણીના પરિણામ આવશે. 

રાજ્યમાં બે તબક્કામાં ચૂંટણી યોજાશે. પ્રથમ તબક્કા માટે પહેલી ડિસેમ્બરના રોજ મતદાન યોજાશે, જ્યારે બીજા તબક્કા માટે પાંચમી ડિસેમ્બરના રોજ મતદાન યોજાશે. ચૂંટણી પરિણામ આઠમી ડિસેમ્બરના રોજ જાહેર કરવામાં આવશે.

ABP C-Voter Gujarat Poll: 15 કે 20 નહી, આટલા ટકા ગુજરાતના મત AAPને મળવાનું અનુમાન, ભાજપ-કૉંગ્રેસ બંનેને ઝટકો

એબીપી ન્યૂઝ માટે સી-વોટર દ્વારા હાથ ધરવામાં આવેલા તાજેતરના ઓપિનિયન પોલમાં ભાજપને આ વખતે 45.4 ટકા વોટ શેર મળવાની સંભાવના છે. ભાજપને છેલ્લી ચૂંટણીની સરખામણીમાં 3.7% વોટ શેરનું નુકસાન સહન કરવું પડી શકે છે. સર્વે અનુસાર, કોંગ્રેસને 29.1 ટકા વોટ શેર મળી શકે છે, જે મુજબ પાર્ટીને 12.4 ટકા વોટ શેર ઘટી શકે છે. ઓપિનિયન પોલના પરિણામો અનુસાર, આમ આદમી પાર્ટીને 20.2 ટકા વોટ શેર મળી રહ્યા છે.

સર્વેઃ ગુજરાત ચૂંટણી 2022માં કોને કેટલો વોટ શેર મળશે?

ભાજપ - 45.4% વોટ શેર
કોંગ્રેસ - 29.1% વોટ શેર
AAP - 20.2% વોટ શેર