Gujarat : સરકાર સામે વધુ બે આંદોલનના મંડાણ, જોણો કોણે કોણે અને કેમ શરૂ કર્યું આંદોલન?
ગુજરાત રાજ્ય વનરક્ષક કર્મચારી મંડળ દ્વારા હડતાળ શરૂ કરવામાં આવી છે. ગ્રેડ પે સહિત વિવિધ માંગને લઈ વનકર્મીઓ નારાજગી વ્યક્ત કરવામાં આવી છે.
અમરેલીઃ ગુજરાત રાજ્ય વનરક્ષક કર્મચારી મંડળ દ્વારા હડતાળ શરૂ કરવામાં આવી છે. ગ્રેડ પે સહિત વિવિધ માંગને લઈ વનકર્મીઓ નારાજગી વ્યક્ત કરવામાં આવી છે. રાજ્ય સરકાર દ્વારા હકારાત્મક નિર્ણય નહિ આપતા વનવિભાગના કર્મચારીઓ રાજયભરમાં આજે હડતાળ ઉપર છે. ધારી ગીર પુર, અમરેલી ડીવીઝન, શેત્રુંજી ડીવીઝનમાં ફોરેસ્ટર સહિત કર્મચારીઓ અચોક્કસ મુદતની રજા ઉપર ઉતર્યા છે.
250 ઉપરાંત કર્મચારીઓ કામગીરીનો આજે અચોક્કસની રજા ઉપર ઉતરતા સિંહો સહિત વન્યપ્રાણીઓ ઉપર જોખમ વધી શકે છે. સમગ્ર ગુજરાતમાં સૌથી વધુ સિંહોની સંખ્યા અમરેલીમાં છે. સરકાર સામે કર્મચારીઓ નું વધુ એક આંદોલન થશે શરૂ. પગાર વધારાની માગ સાથે મધ્યાન ભોજન કર્મચારીઓએ કર્યું આંદોલનનું એલાન. કુકિંગ કોસ્ટ અને અનાજ જથ્થા મા વધારો કરવાની માગણી. પડતર માંગણીઓ નહિ સ્વીકારવામાં આવે તો 15 સપ્ટેમ્બર થી આંદોલન શરૂ થશે.
રાજ્યમાં હાલ ઘણા સરકારી કર્મચારી પોતાની માગણીને લઈને આંદોલન કરી રહ્યા છે. શિક્ષકોથી લઈને આરોગ્ય કર્મચારીઓ રસ્તા પર ઉતર્યા છે. તો બીજી તરફ હવે રાજ્ય સરકાર સામે વધુ એક આંદોલન સક્રિય થવાના એંધાણ છે. વીસીઇનું સ્થગિત થયેલ આંદોલન 8 સપ્ટેમ્બરથી ફરી શરૂ થશે. સરકાર સાથેની મંત્રણા બાદ 8 મહિના થયા હોવા છતાંય ઉકેલ ન આવતા આંદોલન પાછું ચાલુ કરાશે.
ભાજપના સાંસદે એવું તે શું કહ્યું કે, ઉત્તર ગુજરાતનું રાજકારણ ગરમાયું
પાટણના ભાજપ સાંસદ ભરતસિહ ડાભી અર્બુદા સેનાના કાર્યલયના ઉદ્ઘાટનમાં પહોંચ્યા હતા. વિપુલ ચોધરીની અર્બુદા સેનાના કાર્યલયનું ઉદ્ઘાટન ભરતસિંહ ડાભીએ કર્યું. જો કે આ સમયે તેમણે નિવેદન આપ્યું તેને લઈને રાજકારણ ગરમાયું છે. તેમણે 2022ની વિધાનસભાની ચુંટણીમાં વિપુલ ચોધરીને સક્રિય રાજકારણમાં લાવી ફરી ગૃહમંત્રી બનાવવાની ઈચ્છા કરી. પાટણના સાંસદ ભરતસિંહ ડાભીએ લોકોને સંબોધન કરતા કહ્યુ કે, આપણે વિપુલ ચોધરીને 2022માં સક્રિય રાજકારણમાં લાવી ફરી ગૃહ રાજ્યમંત્રી બનાવવા છે. ભાજપના સાંસદના આ નિવેદનથી મહેસાણાનું રાજકારણ ફરી ગરમાયું છે.
ઉદ્યોગપતિઓના દેવા માફ કરે છે પરંતુ ખેડૂતોના દેવા માફ નથી કરતા
રાહુલ ગાંધીએ કહ્યું કે જો કોગ્રેસની સરકાર બનશે તો ખેડૂતોનું વીજ બિલ માફ કરાશે. ત્રણ હજાર અંગ્રેજી માધ્યમની સ્કૂલ અને દીકરીઓને મફત શિક્ષણ આપીશું. સરદાર પટેલની મૂર્તિ બનાવનારી સરકાર હજારો સ્કૂલ બંધ કરી રહી છે. કોગ્રેસ નેતાએ કહ્યું કે કોગ્રેસની સરકાર બનશે તો ગેસ સિલિન્ડર 500 રૂપિયામાં આપીશું. ઉપરાંત 10 લાખ યુવાઓને રોજગારી આપવાનું પણ રાહુલ ગાંધીએ વચન આપ્યું હતું.
ટોપ સ્ટોરી
ટ્રેન્ડિંગ સમાચાર
