Gujarat Rain: આગામી બે દિવસ માટે અંબાલાલની ભારે વરસાદની આગાહી, ક્યાં વરસશે મેઘો ?
Gujarat Rain Forecast News: અંબાલાલ પટેલે ગુજરાત માટે મોટી આગાહી કરી છે, તેમણે કહ્યું કે, 14 અને 15 જુલાઈએ રાજસ્થાનના ભાગોમાં સિસ્ટમ જશે
Gujarat Rain Forecast News: ગુજરાતમાં મેઘરાજાએ છેલ્લા કેટલાક દિવસોથી વિરામ લીધો છે, જોકે, ક્યાંક છૂટાછવાયા ઝાપટાં પડી રહ્યાં છે. હવે આ બધાની વચ્ચે ગુજરાતમાં જાણીતા હવામાનકાર અંબાલાલ પટેલે ફરી એકવાર ભારે વરસાદની આગાહી કરી છે. આગામી બે દિવસ સૌરાષ્ટ્રના વિસ્તારોમાં મેઘરાજા ફરીથી પાછી ભારે બેટિંગ કરશે. હવામાન વિભાગની આગાહીના પગલે માછીમારોને બે દિવસ દરિયાથી દૂર રહેવાની સલાહ અપાઇ છે.
અંબાલાલ પટેલે ગુજરાત માટે મોટી આગાહી કરી છે, તેમણે કહ્યું કે, 14 અને 15 જુલાઈએ રાજસ્થાનના ભાગોમાં સિસ્ટમ જશે. 17 અને 18 માં ઉત્તર ભારત તરફ સિસ્ટમ જતા ત્યાં વરસાદ રહેશે. જોકે, 18 અને 19 જુલાઈ વરસાદનું જોર ઘટશે. 22 જુલાઈએ લો પ્રેશર સિસ્ટમ બનતા વરસાદ વધશે. બીજી સિસ્ટમના કારણે 23 થી 30 સુધી રાજ્યમાં વરસાદી માહોલ રહેશે. 26 થી 30 જુલાઈ દરમિયાન રાજ્યમાં ભારે પવન સાથે વરસાદ રહશે. સાબરકાંઠા, અરવલ્લી, મહીસાગર, દાહોદ અને, પંચમહાલમાં આજે ભારે વરસાદની આગાહી છે. આજથી બે દિવસ ભારેથી અતિભારે વરસાદની આગાહી છે. આજથી સૌરાષ્ટ્રમાં બે દિવસ ભારે વરસાદની આગાહી છે. સુરજગઢમાં મોન્સૂન ટ્રફ પસાર થતા ભારે વરસાદની આગાહીનો રાઉન્ડ આવ્યો છે. અમદાવાદમાં પણ વીજળીના કડાકા સાથે હળવાથી મધ્યમ વરસાદની આગાહી છે.
હવામાન નિષ્ણાતે કહ્યું કે, 1 ઓગસ્ટથી ગુજરાતમાં વાદળછાયું વાતાવરણ રહેશે. 6 થી 10 ઓગસ્ટમાં ભારે વરસાદની શકયતા છે, જ્યાં તાપી નદીનું જળ સ્તર વધશે. આ પહેલા નર્મદા અને સાબરમતી નદીમાં જળ સ્તર વધવાની શકયતા પણ વ્યક્ત કરી. આ ઉપરાંત તેમણે જુલાઈમાં 100 ટકા સારો વરસાદ રહેવાની આશા વ્યક્ત કરી છે.
ગુજરાતમાં વરસાદના બીજા રાઉન્ડની શરૂઆત થઈ છે. 24 કલાકમાં રાજ્યના 121 તાલુકામાં વરસાદ નોંધાયો. બનાસકાંઠામાં મોડીરાત બાદથી મેઘાની બેટિંગ ચાલી રહી છે. બનાસકાંઠાના દાંતીવાડામાં 6.5 ઈંચ વરસાદ આવ્યો. તો પાલનપુરમાં 4.5, ડીસામાં 3.75 ઈંચ વરસાદ, ભાવનગરના ઉમરાડા, પાલિતાણામાં 3 ઈંચ વરસાદ, બનાસકાંઠાના વડગામમાં વરસ્યો 2.5 ઈંચ વરસાદ, ગીરસોમનાથના ઉનામાં 2.25 ઈંચ વરસાદ નોંધાયો. તો ધ્રાંગધ્રા, ગઢડા, કપરાડામાં 2 ઈંચ વરસાદ વરસ્યો. રાજ્યમાં અત્યાર સુધીમાં સરેરાશે 49 ટકાથી વધુ વરસાદ નોંધાયો.
ટોપ સ્ટોરી
ટ્રેન્ડિંગ સમાચાર
