સૌરાષ્ટ્રની આ નગરપાલિકામાં 36માંથી 21 બેઠક પર કોંગ્રેસના ઉમેદવારોએ ફોર્મ પાછા ખેંચતા ભગવો લહેરાયો

ભાજપે ચૂંટણી લડ્યા વગર જ જિલ્લા તાલુકા પંચાયતની 219 બેઠક પર જીત મેળવી છે. ફોર્મ પરત ખેંચવાની મુદ્દત પૂર્ણ થતા ઉમેદવારોને લઈ ચિત્ર સ્પષ્ટ થયું છે.

સ્થાનિક સ્વરાજ્યની ચૂંટણી માટે સુરત જિલ્લા ભાજપ દ્વારા તાલુકા, જિલ્લા પંચાયત અને નગરપાલિકાની બેઠકો માટે ઉમેદવારોની જાહેરાત કરવામાં આવી છે. સુરત જિલ્લા પંચાયત ની 36 બેઠક , 9 તાલુકા પંચાયત ની કુલ 184 બેઠક તેમજ 4 નગર પાલિકાની 116 બેઠક પર ઉમેદવારોની જાહેરાત કરવામાં આવી છે.

મહેસાણાની જેમ જ ગીર સોમનાથના ઉના નગરપાલિકામાં પણ ભાજપે ચૂંટણી વગર જીત મેળવી લીધી છે. ઉનામાં 36માંથી 21 બેઠકો પર કોંગ્રેસના ઉમેદવારોએ ફોર્મ પાછા ખેંચતા ભાજપના ઉમેદવારોની જીત થઈ હતી. ઉના નગરપાલિકા પર ચૂંટણી પહેલા જ ભાજપના ભગવો લહેરાતા ઉના ભાજપે આતશબાજી સાથે જીતનો જશ્ન મનાવ્યો હતો. આ તકે પાલિકાના પૂર્વ પ્રમુખ કે.સી. રાઠોડે ચૂંટણી પહેલા જ બાકીની 15 સીટો પર ભાજપના જ ભવ્ય વિજયનો વિશ્વાસ વ્યકત કર્યો છે. ભાજપે ચૂંટણી લડ્યા વગર જ જિલ્લા તાલુકા પંચાયતની 219 બેઠક પર જીત મેળવી છે. ફોર્મ પરત ખેંચવાની મુદ્દત પૂર્ણ થતા ઉમેદવારોને લઈ ચિત્ર સ્પષ્ટ થયું છે. ચૂંટણી પહેલા કૉંગ્રેસના 165થી વધુ ઉમેદવારો પાણીમાં બેસી ગયા છે. ઉમેદવારી પત્રો ભરવાના અંતિમ દિવસે જ મેંડેટમાં ગરબડ થવાના કારણે અનેક ઉમેદવારો ફોર્મ ભરી નહીં શકતા ભાજપને બિનહરિફ બેઠકો મળવાની શરૂઆત થઈ હતી. અત્યાર સુધીમાં જિલ્લા પંચાયતની 24 તાલુકા પંચાયતની 110 અને નગર પાલિકાની 85 બેઠક પર ભાજપના ઉમેદવારો બિનહરીફ જાહેર થયા છે. રાજયમાં 28 ફેબ્રુઆરીએ 31 જિલ્લા પંચાયત, 231 તાલુકા પંચાયત અને 81 નગરપાલિકા ચૂંટણી યોજાશે.