Junagadh Rain: ઘેડ પંથક જળબંબાકાર, સ્થળ ત્યાં જળ જેવી સ્થિતિ
હવામાન વિભાગની આગાહી મુજબ લો પ્રેશર સિસ્ટમના કારણે આગામી દિવસમો ગુજરાતમાં સાર્વત્રિક વરસાદનું અનુમાન છે.
Latest Junagadh News: સૌરાષ્ટ્રમાં હાલ સારો વરસાદ પડી રહ્યો છે. જૂનાગઢ જિલ્લાના ઘેડમાં વરસાદી પાણી ફરી વળ્યા છે. મૂળિયાશા ગામની બજારમાં પાણી ફરી વળ્યા છે, પરિણામે સ્થળ ત્યાં જળ જેવી સ્થિતિ નિર્માણ પામી છે. મૂળિયાશા ગામમાં દફન વિધિ માટે લોકો પાણીમાં ચાલીને પસાર થતાં જોવા મળ્યા હતા. ગઈ કાલે જૂનાગઢ જિલ્લાના માળીયા, માંગરોળ અને માણાવદરમા ભારે વરસાદ પડ્યો હતો.
હવામાન વિભાગની આગાહી મુજબ લો પ્રેશર સિસ્ટમના કારણે આગામી દિવસમો ગુજરાતમાં સાર્વત્રિક વરસાદનું અનુમાન છે. લો પ્રેશર એરિયા ઓડિશા પર બનેલ છે જે ધીમે ઘીમે ગુજરાત તરફ આગળ વઘતા ઉત્તર ગુજરાત, દક્ષિણ ગુજરાત અને ખાસ કરીને સૌરાષ્ટ્રના કેટલાક જિલ્લામાં ભારે વરસાદનું અનુમાન છે. હવામાન વિભાગની આગાહી મુજબ ગુજરાતમાં 22 જુલાઇ સુઘી વરસાદ પડવાની શકયતા છે. ઉલ્લેખનિય છે કે, છેલ્લા કેટલાક દિવસોમાં ગુજરાતમાં ક્યાંક ભારે તો ક્યાંક ગરમીનો અનુભવ થયો હતો જોકે 22 જુલાઇ સુધીમાં જ્યાં વરસાદ નથી પડ્યો ત્યાં પણ વરસાદ પડી શકે છે. એટલે કે સાર્વત્રિક વરસાદનું અનુમાન છે. 17 જુલાઇ એટલે કે આજે સૌરાષ્ટ્રના ત્રણ જિલ્લામાં ભારે વરસાદનું રેડ એલર્ટ જાહેર કર્યું છે. સૌરાષ્ટ્રનાં અમરેલી, દેવભૂમિ દ્વારકા અને સુરેન્દ્રનગરમાં અતિભારે વરસાદ પડવાની આગાહી કરવામાં આવી છે.
આગામી ત્રણથી ચાર દિવસ સુધી સૌરાષ્ટ્ર અને દક્ષિણ ગુજરાતમાં ભારે વરસાદનુ અનુમાન છે. દક્ષિણ ગુજરાતમાં સુરત તાપી ડાંગ નવસારીમાં ભારે વરસાદનું અનુમાન છે તો સૌરાષ્ટ્રમાં ભાવનગર અમેરેલી, બોટાદ, જામનગર, જૂનાગઢમાં પણ વરસાદની શકયતા છે. ખાસ કરીને આવનાર દિવસોમાં . કચ્છમાં પણ ચોમાસુ એક્ટિવ થતા વરસાદની શરૂઆત થશે. 18થી 22 સુધી કચ્છ અને સૌરાષ્ટ્રમાં વધુ વરસાદ પડે તેવી શક્યતા જોવાઇ રહી છે. ઉતર ગુજરાતમાં પણ વરસાદી શક્યતા છે. ખેડા અમદાવાદ આણંદમાં હળવાથી મધ્યમ વરસાદનું અનુમાન છે.
કેટલાક રાજ્યમાં ચોમાસું ભરપુર જામ્યું છે. આવી સ્થિતિમાં ઘણા એવા રાજ્યો છે જે પૂરની ઝપેટમાં આવ્યા છે. ભારતીય હવામાન વિભાગ (IMD) એ દેશના ઘણા ભાગોમાં ભારેથી અતિ ભારે વરસાદ માટે ઓરેંજ ચેતવણી જાહેર કરી છે. IMD અનુસાર, તામિલનાડુ, મધ્ય મહારાષ્ટ્ર, પશ્ચિમ મધ્યપ્રદેશ, પૂર્વ રાજસ્થાન, ઉત્તરાખંડ, કોંકણ, ગોવા, સૌરાષ્ટ્ર, કચ્છ, દક્ષિણ આંતરિક કર્ણાટકમાં 17 જુલાઈએ ભારેથી અતિ ભારે વરસાદની આગાહી કરવામાં આવી છે.
ટોપ સ્ટોરી
ટ્રેન્ડિંગ સમાચાર
