શોધખોળ કરો

Weather Update:રાજયમાં ચોમાસાની વિધિવત શરૂઆત, આગામી 5 દિવસ આ વિસ્તારમાં વરસાદની આગાહી

લાંબી પ્રતિક્ષા બાદ આખરે હવે ગુજરાતમાં પણ ચોમાસાની શરૂઆત થઇ ચૂકી છે. રાજ્યમાં ચોમાસાની એન્ટ્રી થતાં રાજયભરમાં છૂટછવાયો વરસાદ વરસી રહ્યો છે.

Written By : gujarati.abplive.com | Updated at : 25 Jun 2023 01:59 PM (IST)

Monsoon has arrived in the state, rain forecast in the area for the next 5 days Weather Update:રાજયમાં ચોમાસાની વિધિવત શરૂઆત, આગામી 5 દિવસ આ વિસ્તારમાં વરસાદની આગાહી

પ્રતીકાત્મક તસવીર

Weather Update:લાંબી પ્રતિક્ષા બાદ આખરે હવે ગુજરાતમાં પણ ચોમાસાની શરૂઆત થઇ ચૂકી છે. રાજ્યમાં ચોમાસાની એન્ટ્રી થતાં રાજયભરમાં છૂટછવાયો વરસાદ વરસી રહ્યો છે. હવામાન વિભાગે આગામી 5 દિવસ ભારે વરસાદની આગાહી કરી છે.

ગુજરાતમાં ચોમાસાની દસ્તકને લઈને મહત્વની માહિતી હવામાન વિભાગે આપી છે. ગુજરાતના કેટલાક વિસ્તારમાં ચોમાસાની એન્ટ્રી થઇ ચૂકી છે. આગામી બે દિવસમાં આખા ગુજરાતમાં ચોમાસાને એન્ટ્રી થઇ જશે.અંદાજે 10 દિવસ ગુજરાતમાં ચોમાસની મોડી એન્ટ્રી થઇ છે. રાજ્યમાં ચોમાસાનો વરસાદ શરૂ થતાં ખેડૂતો માટે રાહતના સમાચાર છે. આગામી પાંચ દિવસ અમદાવાદ, સુરત, વડોદરામાં ભારે વરસાદનો અનુમાન હવામાન વિભાગે વ્યકત કર્યો છે.

ભાવનગર શહેર અને જિલ્લામાં પણ આજે વરસાદી માહોલ જોવા મળ્યો. અહીં ભાવગનર સહિત ઘોઘા અને આસપાસના ગ્રામ્ય વિસ્તારમાં પણ વરસાદ થતાં વાતાવરણમાં ઠંડક પ્રસરી ગઇ. ખોખરા, સિદસર, વાળુકડ સહિતના ગામમાં વરસાદ વરસતા ખેડૂતોએ રાહતનો શ્વાસ લીધો છે.

રાજ્યમાં ચોમાસાની એન્ટ્રી થતાં જ ગીર સોમનાથ જિલ્લાના ગ્રામ્ય વિસ્તારમાં મેધરાજાની એન્ટ્રી થઇ હતી.તાલાલા અને આસપાસના વિસ્તારમાં વરસાદ પડ્યો છે. આકોલાવાડી, ધાવા, સુરવા, માધપુર સહિતના આસપાસના ગ્રામ્ય વિસ્તારમાં વરસાદ વરસ્યો. ચોમાસાની શરૂઆતના આ વરસાદથી મગફળી,સોયાબિન સહીતના પાકને ફાયદો થતાં ખેડૂતોમાં પણ ખુશી જોવા મળી રહી છે.

રાજ્યભરમાં પ્રિમોનસૂન એક્ટિવિટિ, જાણો છેલ્લા 24 કલાકમાં ક્યાં કેટલો પડ્યો વરસાદ?

હવામાન વિભાગના અનુમાન મુજબ આગામી 24 કલાકમાં રાજ્યમાં ચોમાસુ દસ્તક દેશે. જેના ભાગ રૂપે રાજ્યભરમાં પ્રિમોનસૂન એક્ટિવિટિ જોવા મળી રહી છે. છેલ્લા 24 કલાકમાં રાજયમાં ક્યાં કેટલો વરસાદ પડ્યો જાણીએ.

છેલ્લા 24 કલાકમાં રાજ્યના 111 તાલુકામાં વરસાદ