Navsari: નવસારીમાં ફાર્મહાઉસમાં દારૂની મહેફિલમાં પડ્યો ભંગ, પોલીસે નવ જણાને ઝડપ્યા

નવસારીમાં એક ફાર્મહાઉસમાં ચાલી રહેલી દારૂની મહેફિલ પર પોલીસે દરોડા પાડ્યા હતા.

નવ જણાને ઝડપ્યા હતા.

નવસારીઃ નવસારીમાં એક ફાર્મહાઉસમાં ચાલી રહેલી દારૂની મહેફિલ પર પોલીસે દરોડા પાડ્યા હતા. મળતી જાણકારી અનુસાર, નવસારીના આસુંદર ગામ પાસેના ફાર્મ હાઉસમાંથી દારૂની મહેફિલ માણતા નવ શખ્સો ઝડપાયા હતા. પોલીસે દરોડા પાડી ત્રણ કાર, છ મોબાઈલ જપ્ત કર્યા હતા.

મળતી જાણકારી અનુસાર, નવસારી સુરત રોડ ઉપર આવેલા ફાર્મ હાઉસ પર દરોડા પાડી પોલીસે દારૂની મહેફિલ માણતા નવ શખ્સોને ઝડપ્યા હતા. આસુંદર ગામ નજીકના ગેટવે વીલેજ ફાર્મ હાઉસમાં મોડી રાત્રે દારૂની મહેફીલ જામી હતી. આ મહેફિલમાં સુરત શહેરના 25 જેટલા લોકો આવ્યા  હોવાનું માનવામાં આવી રહ્યું છે. મોડી રાત્રે નવસારી ગ્રામ્ય પોલીસે માહિતીના આધારે આધારે દારૂની મહેફિલ પર દરોડા પાડ્યા હતા.

ફાર્મ હાઉસ માંથી પોલીસને મોંઘીદાટ વિદેશી દારૂની બોટલો મળી આવી હતી. નવસારી ગ્રામ્ય પોલીસે નવ જેટલા આરોપીઓની અટકાયત કરી હતી. પોલીસે ત્રણ કાર, છ મોબાઈલ ફોન,દારૂની બોટલો સહિતનો મુદ્દામાલ જપ્ત કરી વધુ તપાસ હાથ ધરી હતી.

સુરતમાં રત્ન કલાકાર અને ડૉક્ટરને હનીટ્રેપમાં ફસાવ્યા

સુરતના રત્નકલાકાર અને ડૉક્ટરને હનીટ્રેપમાં ફસાવી બળાત્કારના કેસમાં ફસાવી દેવાની ધમકી આપનારી ત્રણ મહિલા સહિત કુલ 11 લોકોની ગેંગને ઝડપી પાડવામાં સુરત જિલ્લા પોલીસને મોટી સફળતા મળી છે.  

સુરતના રૂઘનાથપુરામાં રત્નકલાકાર રહેતા યુવાનને થોડા દિવસ અગાઉ કારખાનામાં રજા હોવાથી કામરેજ ચાર રસ્તા પાસે ફરવા આવતાં  એક મહિલાએ લિફ્ટ માંગી રત્નકલાકાર સાથે વાતચીત કરી મોબાઈલ નંબર લઈને કેનાલ રોડ પર ઊતરી ગઈ હતી. બાદમાં મહિલાએ ફરવા જવા માટે રત્નકલાકારને ફોન કરીને જણાવતાં બાઈક પર ગલતેશ્વર ફરવા માટે જતાં રસ્તામાં નહેર પાસે બાઈક ઊભી રાખતાં હનીટ્રેપ કરતી ટોળકીએ રત્નકલાકારને માર મારી બળાત્કારના કેસમાં ફસાવી દેવાની ધમકી આપી હતી. એટલું જ નહિ મોબાઈલ ફોન લઈને ક્રેડિટ કાર્ડ અને એટીએમ કાર્ડ લઈને કેન્ડલવૂડ શોપિંગ પાસે આરતી પટેલ નામની યુવતીએ રૂપિયા 6000નું પેટ્રોલ તેમજ હાઈપર માર્ટમાં 48,317, રોકડા 18000 રુપિયા ઉપાડી લીધા હતા.

સમગ્ર મામલે રત્ન કલાકારે આ હનીટ્રેપની ટોળકી વિરુદ્ધ કામરેજ પોલીસ મથકમાં ફરિયાદ નોંધાવી હતી. જોકે, જ્યારે આ ટોળકી દ્વારા અમરોલીના ડોક્ટરને પણ ફેસબુકમાં મેસેજ કરીને વાવ ખાતે આવેલા એક શોપીંગ સેન્ટર પાસે બોલાવી નજીકમાં જ રિદ્ધિ એપાર્ટમેન્ટમાં મિત્રના ફ્લેટ પર લઈ જઈ રૂમમાં વાતચીત કરવા માટે લઈ ફસાવી દઈ ચપ્પુ બતાવી બળાત્કારના કેસમાં ફસાવી દેવાની ધમકી આપી હતી. આ ડોકટર પાસેથી રોકડા રૂપિયા 1 લાખ તેમજ ડોક્ટરના મિત્ર પાસેથી રૂપિયા 50000 લઈ લેતાં આ ટોળકી સામે ફરિયાદ નોંધાવી હતી. જોકે, કામરેજ પોલીસે ગણતરીના કલાકોમાં જ આ  ટોળકીના ત્રણ મહિલા સહિત 11 ઈસમોને ઝડપી પાડી જેલ હવાલે કર્યા છે. પોલીસે બે ફોર વ્હીલર ,ચાર મોટર સાયકલ,12 મોબાઈલ મળી 5 લાખથી વધુનો મુદ્દામાલ કબજે કર્યો