Gujarat Rain: આજે અને કાલે રાજ્યમાં ભારે વરસાદની આગાહી, જાણો ક્યાં પડશે વરસાદ 

રાજ્યના હવામાન વિભાગ દ્વારા વરસાદને લઈ આગાહી કરવામાં આવી છે. હવામાન વિભાગ મુજબ આજે અને આવતીકાલે દક્ષિણ ગુજરાત ભારે વરસાદની આગાહી કરવામાં આવી છે.  

પ્રતિકાત્મક તસવીર

Source : તસવીર- ABP અસ્મિતા

અમદાવાદ: રાજ્યના હવામાન વિભાગ દ્વારા વરસાદને લઈ આગાહી કરવામાં આવી છે. હવામાન વિભાગ મુજબ આજે અને આવતીકાલે દક્ષિણ ગુજરાત ભારે વરસાદની આગાહી કરવામાં આવી છે.  ઉત્તર અને મધ્ય ગુજરાત પણ હવામાન વિભાગે ભારે વરસાદની આગાહી કરી છે.  

હવામાન વિભાગના જણાવ્યા અનુસાર, છત્તીસગઢ પર ડિપ્રેશન સર્જાતા ગુજરાતમાં વરસાદ વરસ્યો છે. જો કે, ત્રણ દિવસ બાદ વરસાદનું જોર ઘટશે.  આજે સુરત, નવસારી, તાપી, વલસાડ, ડાંગ, ભરૂચ, નર્મદા, છોટાઉદેપુર, દાહોદ, બનાસકાંઠા, સાબરકાંઠા, અરવલ્લી, પાટણ, મહેસાણા, મહીસાગર, પંચમહાલ અને વડોદરા જિલ્લામાં ભારે વરસાદની આગાહી કરવામાં આવી છે. 
 
આવતીકાલે બુધવારે રાજ્યમાં  અરવલ્લી, મહીસાગર, દાહોદ, પંચમહાલ, છોટાઉદેપુર, ભરૂચ, નર્મદા, સુરત, તાપી, નવસારી, ડાંગ અને વલસાડ જિલ્લામાં ભારે વરસાદની  આગાહી કરાઈ છે.  ગુજરાતમાં અત્યાર સુધી સીઝનનો 123 ટકા વરસાદ વરસી ચૂક્યો છે. 

અમદાવાદ: ગુજરાતમાં વરસાદને છેલ્લા ઘણા સમયથી વિરામ લીધો છે. રાજ્યમાં આ વર્ષે ખૂબ જ સારો વરસાદ વરસ્યો છે.  હવામાન વિભાગની આગાહી અનુસાર રાજ્યમાં  આજે દાહોદ, છોટાઉદેપુર, નર્મદા, વલસાડ, દમણ, દાદરા નગર હવેલીમાં છુટા છવાયા સ્થળોએ ભારે વરસાદની આગાહી કરવામાં આવી છે.  મોનસુન ટ્રફના કારણે વરસાદની આગાહી કરવામાં આવી છે.  હવામાન વિભાગ દ્વારા આજે અમદાવાદ શહેરમાં મધ્યમ વરસાદની આગાહી કરવામાં આવી છે. 

10 સપ્ટેમ્બરના રોજ દાહોદ,  અરવલ્લી,  મહીસાગર,  પંચમહાલ,  છોટાઉદેપુર અને નર્મદામાં છુટા છવાયા સ્થળોએ ભારે વરસાદ સાથે યલો એલર્ટ આપવામાં આવ્યું છે.   

જ્યારે 11 સપ્ટેમ્બરના રોજ દાહોદ,  પંચમહાલ,  છોટા ઉદેપુર, વડોદરામાં છુટા છવાયા સ્થળોએ ભારે વરસાદ સાથે યલો એલર્ટ આપવામાં આવ્યું છે.   

ગુજરાતમાં સિઝનનો  કેટલો વરસાદ વરસ્યો?

ચોમાસાની સિઝનનો રાજ્યમાં અત્યાર સુધીમાં  116.22 ટકા વરસાદ વરસી ચૂક્યો છે. સૌથી વધુ કચ્છમાં અત્યાર સુધીમાં 179.34 ટકા વરસાદ વરસી ચૂક્યો છે. તો સૌરાષ્ટ્રમાં ચોમાસાની સિઝનનો અત્યાર સુધીમાં 125.50 ટકા વરસાદ વરસી ચૂક્યો છે.દક્ષિણ ગુજરાતમાં ચોમાસાની સિઝનનો અત્યાર સુધીમાં 117.42 ટકા વરસાદ  વરસી ચૂક્યો છે.તો મધ્ય ગુજરાતમાં 113.56 ટકા અને ઉત્તર ગુજરાતમાં ચોમાસાની સિઝનનો અત્યાર સુધીમાં 94 ટકા વરસાદ વરસ્યો છે.

રાજ્યના ખેડૂતોને મોટુ નુકસાન

ગુજરાતમાં છેલ્લા બે અઠવાડિયાથી વધુ સમયથી પડી રહેલા ભારે વરસાદના કારણે રાજ્યના ખેડૂતોને મોટુ નુકસાન પહોંચ્યુ છે. તાજા આંકડા પ્રમાણે, રાજ્યમાં વરસાદે વિનાશ નોતર્યો છે. શ્રાવણ માસમાં પડેલા અવિરત વરસાદના કારણે ખેડૂતોના મોટાભાગના પાકો બળીને ખાખ થઇ ગયો છે. હજુ પણ રાજ્યમાં અતિવૃષ્ટીનો કહેર યથાવત છે. 

રાજ્યના કેટલા ડેમ ઓવરફ્લો?

પાણીની ભરપૂર આવકથી રાજ્યના 207 પૈકી 111 છલોછલ છે.  કચ્છ સૌરાષ્ટ્રના 95 જળાશયો સંપૂર્ણ ભરાયા છે.  તો દક્ષિણ ગુજરાતના નવ, મધ્ય ગુજરાતના  છ અને ઉત્તર ગુજરાતનો એક ડેમ  છલોછલ ભરાઇ ચૂક્યો છે. સારા વરસાદ અને ઉપરવાસથી થયેલી પાણીની આવકથી રાજ્યના 157 જળાશયો હાઈએલર્ટ,એલર્ટ અને વોર્નિંગ પર.. 90 ટકાથી વધુ ભરાયેલા 134 જળાશયો હાઈએલર્ટ પર છે.  80થી 90 ટકા ભરાયેલા 14 ડેમ એલર્ટ, તો 70થી 80 ટકા ભરાયેલા નવ ડેમ વોર્નિંગ પર છે.