ઠંડીને લઈને અંબાલાલ પટેલની મોટી આગાહી, આ તારીખથી ગુજરાતમાં ગાત્રો થીજવતી ઠંડી પડશે

Gujarat cold weather forecast: આઠ ડિસેમ્બર બાદ રાજ્યભરમાં ઠંડીનો ચમકારો, અંબાલાલ પટેલની આગાહી મુજબ ઉત્તર ગુજરાતમાં પારો 10 ડિગ્રીથી નીચે જઈ શકે છે.

અંબાલાલ પટેલ (ફાઈલ ફોટો)

Ambalal Patel weather prediction: ગુજરાતમાં ફરી એકવાર ઠંડીનું જોર વધવાની શક્યતા છે. અંબાલાલ પટેલની આગાહી મુજબ, 8 ડિસેમ્બર બાદ રાજ્યમાં ઠંડીનું પ્રમાણ વધશે. ખાસ કરીને ઉત્તર ગુજરાતમાં તાપમાન 10 ડિગ્રી સેલ્સિયસથી નીચે જવાની સંભાવના છે.

પંચમહાલમાં પણ લઘુતમ તાપમાન 10 ડિગ્રી સેલ્સિયસથી નીચે જવાની શક્યતા છે. મધ્ય ગુજરાતમાં પણ ઠંડીનું પ્રમાણ વધશે. ગાંધીનગરમાં લઘુતમ તાપમાન 10 ડિગ્રી સેલ્સિયસથી નીચે અને અમદાવાદમાં 15 ડિગ્રી સેલ્સિયસ સુધી પહોંચવાની શક્યતા છે.

કચ્છમાં નલિયામાં લઘુતમ તાપમાન નીચું જવાની શક્યતા છે. વલસાડ, જુનાગઢ, અમરેલી અને ભાવનગરમાં પણ ઠંડી પડવાની શક્યતા છે.

અંબાલાલ પટેલના જણાવ્યા મુજબ, આગામી દિવસોમાં ઉત્તર પશ્ચિમ દિશાનો પવન ફૂંકાશે અને વાદળછાયું વાતાવરણ રહેશે. આ કારણે હાલમાં ઠંડીમાં થોડો ઘટાડો જોવા મળી રહ્યો છે.

આઠ થી 12 ડિસેમ્બર દરમિયાન અરબી સમુદ્રમાં લો પ્રેશર સિસ્ટમ બનવાની શક્યતા છે. જેનો માર્ગ ઓમાન તરફ જઈ શકે છે. 16 થી 20 ડિસેમ્બરમાં વેસ્ટર્ન ડિસ્ટર્બન્સની અસર થવાની શક્યતા છે. 16 થી 20 ડિસેમ્બરમાં બંગાળની ખાડીમાં એકલો પ્રેશર સિસ્ટમ સક્રિય થવાની શક્યતા છે.

અંબાલાલ પટેલની આગાહી મુજબ, 23 ડિસેમ્બરથી 2025 જાન્યુઆરી દરમિયાન ગાત્રો થીજવતી ઠંડી પડવાની શક્યતા છે. આ વર્ષે હળવા અલનીનો બનવાની શક્યતા છે જેના કારણે ભારતીય ચોમાસા ઉપર અસર થવાની શક્યતા છે. જો કે, બીજા સામુદ્રિક પરિબળો મજબૂત હશે તો ભારતીય ચોમાસુ સારું પણ થઈ શકે છે.

ચક્રવાત ફેંગલની અસરને કારણે દક્ષિણ ભારતના ઘણા રાજ્યોમાં છેલ્લા 24 કલાકથી ભારે વરસાદ થઈ રહ્યો છે. હવામાન વિભાગના જણાવ્યા અનુસાર આગામી 24 કલાક દરમિયાન કેરળ, કર્ણાટક, તમિલનાડુમાં ભારે વરસાદ પડી શકે છે. બેંગલુરુ અને તેની આસપાસના વિસ્તારોમાં આગામી 24 કલાકમાં આંશિક વાદળછાયું આકાશ અને હળવા વરસાદની શક્યતા છે.

IMDએ દક્ષિણ કન્નડ, ઉડુપી અને ચિક્કામગાલુરુ જિલ્લામાં કેટલાક સ્થળોએ ભારે વરસાદની ચેતવણી આપી છે. ઉત્તરા કન્નડમાં મોટા ભાગના સ્થળોએ અને ગદગ, હાવેરી, રાયચુર, યાદગીર, ધારવાડ, કોડાગુ, હસન, શિવમોગા, મૈસુર, મંડ્યા, ચિત્રદુર્ગ અને બલ્લારી જિલ્લામાં કેટલાક સ્થળોએ હળવાથી મધ્યમ વરસાદની શક્યતા છે.

હવામાન વિભાગે જણાવ્યું કે ચક્રવાતી તોફાન ફેંગલના કારણે તટીય કર્ણાટક, આંધ્રપ્રદેશ, કેરળ અને તમિલનાડુ સહિત દક્ષિણ ભારતના ઘણા ભાગોમાં ભારે વરસાદ થયો છે. હવામાન વિભાગે જણાવ્યું હતું કે ફેંગલ આગામી બે દિવસ દરમિયાન પૂર્વ-મધ્ય અરબી સમુદ્ર પર પશ્ચિમ-ઉત્તરપશ્ચિમ તરફ આગળ વધે તેવી શક્યતા છે. IMDએ જણાવ્યું હતું કે તેની તીવ્રતા આગામી 24 કલાક સુધી અકબંધ રહેવાની અને ત્યારબાદ ધીમે ધીમે નબળી પડવાની શક્યતા છે.

આ પણ વાંચો...