Rain News: આજે પણ આ 25થી વધુ જિલ્લાઓમાં સામાન્યથી ભારે વરસાદની આગાહી, જાણો વિગતે
Rain News: છેલ્લા 24 કલાકમાં ગુજરાતમાં 90 તાલુકાઓમાં ભારે વરસાદ ખાબક્યો છે, સૌથી વધુ વડોદરા અને વિસાવદરમાં સાડા ચાર ઇંચ વરસાદ ખાબક્યો છે
Rain News: છેલ્લા 24 કલાકમાં ગુજરાતમાં 90 તાલુકાઓમાં ભારે વરસાદ ખાબક્યો છે, સૌથી વધુ વડોદરા અને વિસાવદરમાં સાડા ચાર ઇંચ વરસાદ ખાબક્યો છે. વરસાદ વરસતાં ઠેર ઠેર પાણી ભરાયા અને જનજીવન અસ્તવ્યસ્ત થઇ ગયું છે. આજે પણ હવામાન વિભાગ દ્વારા મધ્યથી ભારે વરસાદની આગાહી કરવામાં આવી છે. રાજ્યમાં આજે 25થી વધુ જિલ્લાઓમાં વરસાદ ખાબકવાની આગાહી કરવામાં આવી છે.
હવામાન વિભાગે આજે પણ ભારે વરસાદની આગાહી કરી છે, આજે રાજ્યના મોટાભાગના જિલ્લામાં હળવાથી મધ્યમ અને ભારે વરસાદની આગાહી કરવામાં આવી છે. આમાં મધ્ય ગુજરાત, ઉત્તર ગુજરાતના જિલ્લામાં વરસાદની આગાહી છે. દક્ષિણ ગુજરાત, સૌરાષ્ટ્રના જિલ્લામાં હળવો વરસાદ વરસી શકે છે. નર્મદા, ભરૂચ, સુરત, ડાંગ, તાપી, નવસારી, વલસાડ, જૂનાગઢ, અમરેલી, ભાવનગર, ગીર સોમનાથ, બોટાદમાં હળવો વરસાદ વરસી શકે છે. આ ઉપરાંત મહેસાણા, સાબરકાંઠા, ગાંધીનગર, અરવલ્લી, ખેડા, આણંદ, પંચમહાલ, દાહોદ, મહીસાગરમાં પણ હળવાથી ભારે વરસાદની આગાહી કરવામાં આવી છે.
રાજ્યમાં આ સિઝનમાં જોરદાર વરસાદ ખાબક્યો છે. આંકડા પ્રમાણે, આ વખતે રાજ્યમાં સિઝનનો 137 ટકા વરસાદ ખાબક્યો છે, આમાં કચ્છમાં સિઝનનો 185 ટકા વરસાદ ખાબક્યો છે. આ ઉપરાંત ઉત્તર ગુજરાતમાં સિઝનનો 114 ટકા વરસાદ પડ્યો છે, મધ્ય ગુજરાતમાં સિઝનનો 133 ટકા વરસાદ થયો છે, સૌરાષ્ટ્રમાં સિઝનનો 147 ટકા વરસાદ વરસ્યો છે, અને દક્ષિણ ગુજરાતમાં સિઝનનો 141 ટકા વરસાદ પડી ચૂક્યો છે.
ચોમાસાની સિઝનમાં ક્યા ડેમ થયા ઓવરફ્લો
ધોધમાર વરસાદને લીધે રાજ્યના 207માંથી પૈકી 122 જળાશયો ઓવરફ્લો થયા છે. કચ્છ-સૌરાષ્ટ્રના 100 જળાશયો સંપૂર્ણ ભરાઇ ચૂક્યાં છે. તો મધ્ય ગુજરાતના 10 દક્ષિણ ગુજરાતના નવ અને ઉત્તર ગુજરાતના ત્રણ જળાશયો છલોછલ થયા છે. પાણીની ભરપૂર આવકથી રાજ્યના 179 ડેમ હાઈએલર્ટ,એલર્ટ અને વોર્નિંગ પર છે. 90 ટકાથી વધુ ભરાયેલા 158 ડેમ હાઈએલર્ટ, 80થી 90 ટકા ભરાયેલા 13 ડેમ એલર્ટ, જ્યારે 70થી 80 ટકા ભરાયેલા 8 ડેમ વોર્નિંગ પર છે.
આ પણ વાંચો
ટોપ સ્ટોરી
ટ્રેન્ડિંગ સમાચાર
