રાજ્યમાં કમોસમી વરસાદની આગાહી વચ્ચે આ જિલ્લામાં વરસાદ, રસ્તા પર વહ્યા પાણી
ગુજરાતના ખેડૂતો માટે ચિંતાજનક સમાચાર સામે આવ્યા છે. ઉત્તર ગુજરાત અને કચ્છમાં કાલે માવઠુ થઈ શકે છે.
રાજ્યમાં કમોસમી વરસાદની આગાહી વચ્ચે આ જિલ્લામાં વરસ્યો વરસાદ, ખેડૂતોની વધી ચિંતા
હવામાન વિભાગની આગાહી વચ્ચે કચ્છ જિલ્લાના વાતાવરણમાં પલટો આવ્યો છે. મળતી જાણકારી અનુસાર કચ્છના માંડવી તાલુકાના દરશડી વિસ્તારમાં બપોર બાદ કમોસમી વરસાદ વરસ્યો હતો. વેસ્ટર્ન ડિસ્ટર્બન્સને પગલે કચ્છમાં કમોસમી વરસાદની આગાહી કરવામાં આવી હતી. કમોસમી વરસાદના કારણે રસ્તા પર પાણી વહ્યા હતા. કમોસમી વરસાદને પગલે ખેડૂતોમાં ચિતાનો માહોલ છે.
બીજી તરફ બનાસકાંઠા જિલ્લામાં પણ બપોર બાદ વાતાવરણમાં પલટો આવ્યો હતો. ધાનેરા, થરાદ, વાવ વિસ્તારમાં બપોર બાદ વાદળછાયું વાતાવરણ થતા ખેડૂતોમાં ચિંતાનો માહોલ છે. જો જિલ્લામાં કમોસમી વરસાદ વરસશે તો રાયડો, જીરં, એરંડા જેવા પાકને નુકસાનીની ભીતી છે.
ઉલ્લેખનીય છે કે ગુજરાતના ખેડૂતો માટે ચિંતાજનક સમાચાર સામે આવ્યા છે. ઉત્તર ગુજરાત અને કચ્છમાં કાલે માવઠુ થઈ શકે છે. અમદાવાદમાં બુધવારથી ઠંડી વધી શકે છે. ગાંધીનગરમાં 12 અને અમદાવાદમાં નોંધાયુ 13.5 ડિગ્રી તાપમાન નોંધાયુ હતુ. હવામાન વિભાગે 28મીથી રાજ્યમાં કમોસમી વરસાદની આગાહી છે. તેમાં વેસ્ટર્ન ડિસ્ટર્બન્સને કારણે વરસાદ થશે તથા ઉત્તર ગુજરાતમાં વરસાદ પડી શકે છે. તેમજ 48 કલાક સુધી વરસાદી સિસ્ટમની અસર રહેશે.
વેસ્ટર્ન ડિસ્ટર્બન્સને કારણે ઉત્તર ગુજરાતના કેટલાક વિસ્તારોમાં કમોસમી વરસાદ પડી શકે છે. હવામાન વિભાગના મતે બનાસકાંઠા, સાબરકાંઠા, અરવલ્લી, કચ્છ, મોડાસા, મહિસાગર, દાહોદ, પાટણ સહિતના વિસ્તારોમાં બે દિવસ કમોસમી વરસાદ પડી શકે છે. તો પોરબંદર, અમરેલી, રાજકોટ સહિતના વિસ્તારોમાં વાદળછાયું વાતાવરણ રહેશે. હવામાન વિભાગે આજે અને આવતીકાલે માવઠાની આગાહી કરી છે. જો કે ૨૯ ડિસેમ્બરથી ફરીથી ઠંડીનું જોર વધશે.વાદળછાયા વાતાવરણ અને કમોસમી વરસાદ બાદ મંગળવારથી ફરીથી ઠંડીનો ચમકારો શરૂ થઈ શકે છે અને ત્રણથી ચાર ડિગ્રી તાપમાન ઘટશે. બાદમાં ફરીથી કડકડતી ઠંડીનો રાઉન્ડ શરૂ થશે.
ટોપ સ્ટોરી
ટ્રેન્ડિંગ સમાચાર
