Gujarat Rain Forecast: રાજ્યમાં આ જિલ્લામાં અતિભારે વરસાદની ચેતવણી, હવામાન વિભાગે આપ્યું રેડ એલર્ટ
હવામાન વિભાગે રાજ્યમાં ફરીથી ભારેથી અતિભારે વરસાદની આગાહી કરી છે, હવામાન વિભાગે ભારે વરસાદની ચેતાવણી આપતાં ત્રણ જિલ્લામાં એલર્ટ આપ્યું છે.
Gujarat Rain Forecast:બંગાળની ખાડીમાં ફરી એક લૉ-પ્રેશર સિસ્ટમ સર્જાઇ હતી જે હવે મજબૂત બનીને ડિપ્રેશનમાં ફેરવાઈ ગઇ છે. જેના કારણે હાલ આંધ્ર પ્રદેશ, તેલગાણામાં ભારે વરસાદ વરસી રહ્યો છે. આ સિસ્ટામ હવે મહારાષ્ટ્ર તરફ આ સિસ્ટમ આગળ તેની ભારે અસર ગુજરાત પર જોવા મળશે. હવામાન વિભાગે આજે ગુજરાતના દક્ષિણ ગુજરાતમાં સારા વરસાદનું અનુમાન વ્યક્ત કર્યું છે. દક્ષિણ ગુજરાતના ત્રણ જિલ્લામાં ભારે વરસાદની આગાહી સાથે હવામાન વિભાગે ત્રણ જિલ્લામાં રેડ એલર્ટ જાહેર કર્યું છે. સુરત,નર્મદા, છોટા ઉદેપુરમાં અત્યંત ભારે વરસાદનું રેડ એલર્ટ આપ્યું છે.
તાજેતરના અપડેટસ મુજબ રાજ્યમાં હવામાન વિભાગની આગાહી ચિંતાજનક છે. હવામાન વિભાગે રાજ્યના ત્રણ જિલ્લામાં વરસાદનું રેડ એલર્ટ આપ્યું છે. તો રાજ્યના નવ જિલ્લામાં વરસાદનું ઓરેન્જ એલર્ટ આપવામાં આવ્યું છે. સુરત,નર્મદા, છોટા ઉદેપુરમાં અત્યંત ભારે વરસાદનું રેડ એલર્ટ છે. નવસારી, વલસાડ, ડાંગ,તાપી, ભરૂચ,વડોદરા, પંચમહાલ, દાહોદ, બનાસકાંઠા જિલ્લામાં વરસાદનું ઓરેન્જ એલર્ટ આપવામાં આવ્યું છે. તો સૌરાષ્ટ્રના અમરેલી, ભાવનગરમાં વરસાદનું યલો એલર્ટ આપવામાં આવ્યું છે. આ સાથે અમદાવાદ, આણંદ, ખેડા,સાબરકાંઠા, અરવલ્લી, મહીસાગરમાં વરસાદનું યલો એલર્ટ આપવામાં આવ્યું છે.
ગુજરાતમાં હજુ ઓગસ્ટમાં વરસેલા ભારે વરસાદથી અનેક વિસ્તાર પુરની સ્થિતિમાંથી બેઠા નથી થયાં ત્યાં ફરી એકવાર બીજી વરસાદી સિસ્ટમ સક્રિય થતાં ગુજરાતમાં બીજા રાઉન્ડમાં ફરી ચોમાસુ સક્રિય થયું છે. 12 વાગ્યા સુધીમાં 91 તાલુકામાં વરસાદ વરસ્યો છે.
રાજ્યના ડેમ કેટલા ઓવરફ્લો
સારા વરસાદને પગલે રાજ્યના 207 પૈકી 110 જળાશયો છલોછલ થયા છે. કચ્છ-સૌરાષ્ટ્રના 94 જળાશયો સંપૂર્ણ ભરાયા છે. તો દક્ષિણ ગુજરાતના નવ, મધ્ય ગુજરાતના છ અને ઉત્તર ગુજરાતનો એક ડેમ છલોછલ થયો છે. પાણીની ભરપૂર આવકથી રાજ્યના 152 જળાશયો હાઈએલર્ટ, એલર્ટ અને વોર્નિંગ પર છે. 90 ટકાથી વધુ ભરાયેલા 131 જળાશયો હાઈએલર્ટ પર છે. 80થી 90 ટકા ભરાયેલા 15 જળાશયો એલર્ટ પર છે, તો 70થી 80 ટકા ભરાયેલા છ જળાશયો વોર્નિંગ પર છે.
સિઝનમાં ક્યાં કેટલા ટકા વરસ્યો વરસાદ
છેલ્લા ચાર વર્ષની તુલનાએ આ વર્ષે ઓગસ્ટમાં સૌથી વધુ 17.68 ઈંચ વરસાદ વરસ્યો છે. ખેરગામ તાલુકામાં સિઝનનો સૌથી વધુ 128.68 ઈંચ વરસાદ વરસ્યો છે. તો છ તાલુકાઓમાં 100 ઈંચથી વધુ વરસાદ વરસ્યો છે. રાજ્યમાં ચોમાસાની સિઝનનો અત્યાર સુધીમાં 111.21 ટકા વરસાદ વરસી ચૂક્યો છે. સૌથી વધુ કચ્છ જિલ્લામાં સિઝનનો 179.21 ટકા વરસાદ વરસ્યો, તો સૌરાષ્ટ્રમાં સિઝનનો 125 ટકા વરસાદ વરસી ચૂક્યો છે. દક્ષિણ ગુજરાતમાં ચોમાસાની સિઝનનો અત્યાર સુધીમાં 111.61 ટકા વરસાદ વરસી ચૂક્યો છે. જ્યારે મધ્ય ગુજરાતમાં સિઝનનો અત્યાર સુધીમાં 105 ટકા અને ઉત્તર ગુજરાતમાં સિઝનનો અત્યાર સુધીનો વરસ્યો 88.28 ટકા વરસાદ વરસી ચૂક્યો છે.
Gujarat Rain: અમદાવાદમાં અંબાલાલભાઈ પટેલ દ્વારા આ તારીખથી ભારેથી અતિભારે વરસાદની આગાહી કરાઈ
ટ્રેન્ડિંગ સમાચાર
ટોપ સ્ટોરી
