ABP Exit Poll: દિલ્હીમાં ભાજપની સીટો વધશે, કેજરીવાલની બનશે સરકાર, જાણો કેટલી બેઠક મળશે

ABP એક્ઝિટ પોલ મુજબ, આમ આદમી પાર્ટી સતત ત્રીજી વાર સત્તામાં આવી શકે છે. જોકે પાર્ટીને સીટોનું નુકસાન થઈ શકે છે.

નવી દિલ્હીઃ દિલ્હી વિધાનસભા ચૂંટણીનું આજે વોટિંગ પૂર્ણ થયા બાદ વિવિધ ન્યૂઝ ચેનલો અને એજન્સીઓ દ્વારા એક્ઝિટ પોલ જાહેર કરવામાં આવ્યા હતા. એક્ઝિટ પોલમાં કેજરીવાલ સરકાર ફરીથી બની શકે છે. 2015ની દિલ્હી વિધાનસભા ચૂંટણીની તુલનામાં ચાલુ વર્ષે ચૂંટણીમાં ભાજપના પ્રદર્શનમાં સુધારો જોવા મળી રહ્યો છે. પરંતુ બહુમતના આંકડાથી ઘણી પાછળ રહેતી જોવા મળી છે. ABP એક્ઝિટ પોલ મુજબ, આમ આદમી પાર્ટી સતત ત્રીજી વાર સત્તામાં આવી શકે છે. જોકે પાર્ટીને સીટોનું નુકસાન થઈ શકે છે. જ્યારે ભાજપને ફાયદો થઈ રહ્યો છે પરંતુ સત્તાથી ઘણી દૂર છે.  2015 વિધાનસભા ચૂંટણીમાં AAPને 54.5 ટકા, બીજેપીને 32.3 ટકા અને કોંગ્રેસને 9.7 ટકા વોટ મળ્યા હતા. એબીપી એક્ઝિટ પોલ પ્રમાણે 2015ની વિધાનસભા ચૂંટણીની સરખામણીએ આ ચૂંટણીમાં આમ આદમી પાર્ટીનો વોટ શેયર ઘટી શકે છે. જ્યારે ભાજપને થતો જોવા મળી રહ્યો છે. કોંગ્રેસનો વોટ શેરમાં ખાસ બદલાવ જોવા મળ્યો નથી. શું કહે છે   ABP Exit Poll?

પાર્ટી	સીટ	વોટ ટકાવારી
AAP (આપ)	51 થી 65	50.6 ટકા
BJP (બીજેપી)	3 થી 17	36.7 ટકા
Congress (કોંગ્રેસ)	0 થી 3	9.3 ટકા
અન્ય	0	4.7 ટકા