શોધખોળ કરો
Advertisement
![ABP Premium](https://cdn.abplive.com/imagebank/Premium-ad-Icon.png)
INDvNZ: રવિન્દ્ર જાડેજાએ તોડ્યો ધોનીનો મોટો રેકોર્ડ, જાણો વિગત
જાડેજા વન ડેમાં ટીમ ઈન્ડિયા તરફથી સાતમા ક્રમે બેટિંગ કરીને સૌથી વધારે ફિફ્ટી ફટકારનારો પ્રથમ બેટ્સમેન બની ગયો છે. ટીમ ઈન્ડિયા તરફથી સાતમા ક્રમે બેટિંગ કરતી વખતે ફિફ્ટી મારનારા ખેલાડીઓમાં ધોની-કપિલ દેવ સંયુક્ત રીતે બીજા ક્રમે છે.
![INDvNZ: રવિન્દ્ર જાડેજાએ તોડ્યો ધોનીનો મોટો રેકોર્ડ, જાણો વિગત India vs New Zealand Ravindra Jadeja becomes fist indian batsman to hit most fifties batting at no 7 INDvNZ: રવિન્દ્ર જાડેજાએ તોડ્યો ધોનીનો મોટો રેકોર્ડ, જાણો વિગત](https://static.abplive.com/wp-content/uploads/sites/7/2020/02/08222555/jadeja.jpg?impolicy=abp_cdn&imwidth=1200&height=675)
(જાડેજાએ ન્યૂઝીલેન્ડ સામે બીજી વન ડેમાં 73 બોલમાં 55 રન બનાવ્યા હતા.)
ઓકલેન્ડઃ ભારત-ન્યૂઝીલેન્ડ વચ્ચે રમાયેલી બીજી વન ડેમાં ટીમ ઈન્ડિયાની 22 રનથી હાર થઈ હતી. મેચ જીતવા 274 રનના લક્ષ્યાંક સામે ભારતીય ટીમ 48.3 ઓવરમાં 251 રન બનાવી ઓલઆઉટ થઈ ગઈ હતી. ભારત તરફથી રવિન્દ્ર જાડેજાએ સર્વાધિક 55 રન બનાવ્યા હતા. શ્રેયસ ઐયરે 52, નવદીપ સૈનીએ 45 રન બનાવ્યા હતા. બીજી વન ડે જીતીને ન્યૂઝીલેન્ડે ત્રણ મેચની સીરિઝમાં 2-0ની લીડ લઈ લીધી છે. પ્રથમ વન ડેમાં ન્યૂઝીલેન્ડે ભારતને 4 વિકેટથી હાર આપી હતી. હાર સાથે જ ભારતના નામે એક શરમજનક રેકોર્ડ નોંધાઈ ગયો છે. ન્યૂઝીલેન્ડ સામે બીજી વન ડે હારવાની સાથે ભારતીય ટીમ સૌથી વધારે વન ડે હારનારી ટીમ બની ગઈ છે. ભારતની વન ડેમાં 423મી હાર હતી.
જાડેજાએ ધોનીનો કયો રેકોર્ડ તોડ્યો
આ દરમિયાન ટીમ ઈન્ડિયાના સર્વાધિક સ્કોરર રવિન્દ્ર જાડેજાએ ભારતને 2011નો વર્લ્ડકપ અને 2007નો ટી-20 વર્લ્ડકપ જીતાડનારા પૂર્વ કેપ્ટન મહેન્દ્ર સિંહ ધોનીનો રેકોર્ડ તોડ્યો હતો. જાડેજાએ 73 બોલમાં 55 રન બનાવ્યા હતા. જાડેજાની વન ડે કરિયરની સાતમા ક્રમે બેટિંગ કરતી વખતે આ સાતમી ફિફ્ટી હતી. જેની સાથે જ તેણે મહેન્દ્ર સિંહ ધોનીનો રેકોર્ડ તોડી નાંખ્યો હતો.
ધોની-કપિલ દેવ છ વખત કરી ચુક્યા છે આ કારનામું
જાડેજા વન ડેમાં ટીમ ઈન્ડિયા તરફથી સાતમા ક્રમે બેટિંગ કરીને સૌથી વધારે ફિફ્ટી ફટકારનારો પ્રથમ બેટ્સમેન બની ગયો છે. જાડેજાએ વન ડેમાં 12 ફિફ્ટી મારી છે. ધોની અને ભારતને 1983નો વર્લ્ડકપ જીતાડનારો પૂર્વ કેપ્ટન કપિલ દેવ સાતમા ક્રમે બેટિંગ કરતી વખતે છ-છ ફિફ્ટી મારી ચુક્યા છે. ટીમ ઈન્ડિયા તરફથી સાતમા ક્રમે બેટિંગ કરતી વખતે ફિફ્ટી મારનારા ખેલાડીઓમાં ધોની-કપિલ દેવ સંયુક્ત રીતે બીજા ક્રમે છે.
રોસ ટેલર ફરી બન્યો ન્યૂઝીલેન્ડનો સંકટ મોચક
મેચમાં પ્રથમ બેટિંગ કરતા ન્યૂઝીલેન્ડની ટીમે 50 ઓવરમાં 8 વિકેટના નુકસાન પર 273 રન બનાવ્યા હતા. ન્યૂઝીલેન્ડ તરફથી માર્ટિન ગપ્ટિલે સર્વાધિક 79 રન બનાવ્યા હતા. રેસ ટેલર 74 રન બનાવી નોટ આઉટ રહ્યો હતો. એક સમયે ન્યૂઝીલેન્ડનો સ્કોર 1 વિકેટના નુકસાન પર 141 રન હતો ત્યાંથી 41.3 ઓવરમાં 8 વિકેટ પર 197 રન થઈ ગયો હતો. જે બાદ ભારતના બેટ્સમેનો ન્યૂઝીલેન્ડના બેટ્સમેનોને ઓલઆઉટ કરી શક્યા નહોતા. જે ભારતની હારનું કારણ બન્યો હતો.
INDvNZ: બીજી વન ડેમાં હાર સાથે ટીમ ઈન્ડિયાના નામે નોંધાયો શરમજનક રેકોર્ડ, આ મામલે બની ‘નંબર 1’ ટીમ
Khelo khul ke, sab bhool ke - only on Games Live
વધુ જુઓ
Advertisement
ટ્રેન્ડિંગ સમાચાર
Advertisement
Advertisement
ટોપ સ્ટોરી
ક્રિકેટ
ગુજરાત
ગુજરાત
ક્રિકેટ
Advertisement
![ABP Premium](https://cdn.abplive.com/imagebank/metaverse-mid.png)