સોનુ સૂદ બન્યો રીયલ હીરો, એક્સિડન્ટમાં ઘાયલ ડ્રાઈવરને ઉઠાવીને રોડ પર દોડ્યો, કારમાં હોસ્પિટલ પહોંચાડી જીવ બચાવ્યો, જુઓ વીડિયો

કોરોના કાળમાં હજારો લોકોન મદદ કરીને હીરો સાબિત થયેલા અભિનેતા સોનુ સૂદે ફરી હીરોગીરી કરીને એક યુવકનો જીવ બચાવ્યો છે. પંજાબમાં અભિનેતા સોનૂ સૂદ ફરી એક વખત યુવકનો જીવ બચાવીને છવાઈ ગયો છે.

તસવીરઃ અકસ્માત ઘાયલ થયેલા વ્યક્તિને સોનુ સૂદે કરી મદદ.

મોગાઃ કોરોના કાળમાં હજારો લોકોન મદદ કરીને હીરો સાબિત થયેલા અભિનેતા સોનુ સૂદે ફરી હીરોગીરી કરીને એક યુવકનો જીવ બચાવ્યો છે. પંજાબમાં અભિનેતા સોનૂ સૂદ ફરી એક વખત યુવકનો જીવ બચાવીને છવાઈ ગયો છે. સોનૂએ રાત્રે રોડ એક્સિડેન્ટમાં ગંભીર રીતે ઘાયલ થયેલા એક યુવકનો જીવ બચાવ્યો હતો.

અકસ્માતમાં ઘાયલ યુવકને ઉંચકીને સોનુ સૂદ દોડ્યો હતો. બેભાન અવસ્થામાં પડેલા આ યુવકને સમયસર સારવાર મળી જતાં તેનો જીવ બચી ગયો હતો. લોકો સોનુ સૂદના આ કાર્યને વખાણીને રીયલ હીરો ગણાવી રહ્યા છે. આ ઘટનાનો વીડિયો પણ વાયરલ થયો છે કે જેને લોકો મુક્ત મને વખાણી રહ્યા છે.

Accident of 2 vehicles occured in Moga. Sonu Sood himself took out the unconscious boy from the car and took him to the hospital in his car. #sonusood pic.twitter.com/BM7fjvighU

— Gagandeep Singh (@Gagan4344) February 8, 2022

સત્તાવાર રીતે મળી રહેલી માહિતી પ્રમાણે પંજાબના મોગા-બઠિંડા રોડ પર મોડી રાતે અકસ્માતની ઘટના બની હતી આ ઘટનામાં રોડપર 2 કાર વચ્ચે જોરદાર અથડામણ થયા બાદ ડ્રાઈવિગં કરી રહેલો  યુવક ગાડીમાં ગંભીર રીતે ફસાઈ ગયો હતો. એ જ વખતે સોનૂ સૂદ પોતાની કારમાં ક્યાંક જઈ રહ્યો હતો. રસ્તામાં એક્સિડેન્ટ થયો હોવાનિં જોતાં જ સોનૂ ગાડીમાંથી નીચે ઉતરી આવ્યો હતો અને સેન્ટ્રલ લોક થઈ ગયેલી કારના દરવાજો ખેલીને યુવકને બહાર કાઢ્યો હતો. સોનૂ સુદે આ યુવકનો જીવ બચાવ્યો હતો. 

સોશિયલ મીડિયામાં આ ઘટનાનો વીડિયો પણ ખૂબ જ વાયરલ થઈ રહ્યો છે. વીડિયોમાં જોઈ શકાય છે કે, ખૂબ જ ભયંકર રીતે ઘાયલ એક યુવાન ગાડીમાં ફસાયેલો છે અને તે વખતે સોનૂ પોતાની ગાડી રોકીને મદદ કરવા પહોંચી જાય છે. સોનૂએ ગાડીનો દરવાજો ખોલીને યુવકને બહાર કાઢ્યો હતો અને બાદમાં પોતાના ખોળામાં ઉઠાવીને દોડ્યા હતા. સોનૂ તે યુવકને પોતાની ગાડીમાં હોસ્પિટલ લઈ ગયો હતો અને સમયસર સારવાર મળી જવાના કારણે તે યુવકનો જીવ બચી ગયો હતો. લોકો સોનુને રીયલ હીરો ગણાવીને વખાણ કરી રહ્યાં છે.