મધ્યપ્રદેશ, ગુજરાત, રાજસ્થાન અને મહારાષ્ટ્ર વચ્ચે દાયકાઓ જૂનો નર્મદા વિવાદ ઉકેલાયો, અમિત શાહની હાજરીમાં થયો ઐતિહાસિક કરાર

રાજ્યો વચ્ચેના પાણી વિવાદોને કારણે સામાન્ય જનતા અને ખેડૂતોને નુકસાન થઈ રહ્યું હતું. હવે ગૃહમંત્રી અમિત શાહની હાજરીમાં વર્ષોથી પડતર નર્મદા પ્રોજેક્ટ સંબંધિત ચુકવણી વિવાદનું આજે સમાધાન થયું.

રાજ્યો વચ્ચેના પાણી વિવાદોને કારણે સામાન્ય જનતા અને ખેડૂતોને નુકસાન થઈ રહ્યું હતું

Source : ફોટોઃ એબીપી live

Show Quick Read

Key points generated by AI, verified by newsroom

• કેન્દ્રીય ગૃહમંત્રીએ નર્મદા પ્રોજેક્ટનો વર્ષો જૂનો વિવાદ ઉકેલ્યો.
• ગુજરાત, મધ્યપ્રદેશ, રાજસ્થાન, મહારાષ્ટ્ર વચ્ચે ચુકવણી કરાર કરાયો.
• સરદાર સરોવર પ્રોજેક્ટ ખર્ચ વહેંચણી મુદ્દે એક-વખતનું સમાધાન થયું.
• અન્ય રાજ્યોના જળ વિવાદો પણ ઉકેલવા નોંધપાત્ર પ્રગતિ થઈ.

કેન્દ્રીય ગૃહમંત્રી અમિત શાહે છેલ્લા કેટલાક દિવસોમાં રાજ્યો વચ્ચે અનેક જળ વિવાદો ઉકેલ્યા છે. રાજ્યો વચ્ચેના પાણી વિવાદોને કારણે સામાન્ય જનતા અને ખેડૂતોને નુકસાન થઈ રહ્યું હતું. હવે ગૃહમંત્રી અમિત શાહની હાજરીમાં વર્ષોથી પડતર નર્મદા પ્રોજેક્ટ સંબંધિત ચુકવણી વિવાદનું આજે સમાધાન થયું. ગૃહમંત્રી સાથેની આજે બેઠકમાં ચાર રાજ્યોના મુખ્યમંત્રીઓ વચ્ચે એક કરાર થયો. મધ્યપ્રદેશ, ગુજરાત, રાજસ્થાન અને મહારાષ્ટ્ર આંતરરાજ્ય સહયોગ અને સર્વસંમતિના આધારે દાયકાઓ જૂના વિવાદોને ઉકેલવા તરફ આ કરારને એક મહત્વપૂર્ણ સિદ્ધિ માનવામાં આવી રહી છે.

આ કરાર મધ્યપ્રદેશ, ગુજરાત, રાજસ્થાન અને મહારાષ્ટ્ર રાજ્યો વચ્ચે સરદાર સરોવર પ્રોજેક્ટના નિર્માણ માટે ખર્ચ-વહેંચણી અંગે લાંબા સમયથી ચાલતા વિવાદોને ઉકેલવામાં એક ઐતિહાસિક સીમાચિહ્નરૂપ છે, જેમાં વન ટાઈમ સેટલમેન્ટના રૂપમાં ઉકેલ લાવવામાં આવશે.

आज नई दिल्ली में सरदार सरोवर परियोजना पर महाराष्ट्र, गुजरात, राजस्थान और मध्य प्रदेश के बीच एक महत्वपूर्ण समझौता हुआ। नर्मदा अवार्ड से जुड़े इन दशकों से लंबित भुगतान संबंधी मुद्दों का वन-टाइम सेटलमेंट से समाधान हुआ।

यह समझौता मोदी सरकार के जल सुरक्षा को मजबूत करने और जल क्षेत्र… pic.twitter.com/YiRE4YOrOY

— Amit Shah (@AmitShah) July 7, 2026

ગૃહમંત્રી અમિત શાહે જણાવ્યું હતું કે નર્મદા એવોર્ડ હેઠળ બાકી ચૂકવણી અંગે મહારાષ્ટ્ર, ગુજરાત, રાજસ્થાન અને મધ્યપ્રદેશ વચ્ચે લાંબા સમયથી ચાલતા વિવાદનો આજે સૌહાર્દપૂર્ણ ઉકેલ લાવવામાં આવ્યો છે. ગૃહમંત્રીએ જણાવ્યું હતું કે વડાપ્રધાન નરેન્દ્ર મોદીના નેતૃત્વમાં જળ સુરક્ષાને મજબૂત બનાવવા અને જળ ક્ષેત્રમાં સહકારી સંઘવાદને પ્રોત્સાહન આપવા માટે ઘણી ઐતિહાસિક પહેલ કરવામાં આવી છે. તેમણે જણાવ્યું હતું કે વડા પ્રધાન મોદીના નેતૃત્વ હેઠળ અનેક રાજ્યોમાં ડબલ-એન્જિન સરકારોની રચનાના પરિણામે પરસ્પર સમજણમાં વધારો થયો છે, રાજકીય મુદ્દાઓમાં ઘટાડો થયો છે અને દેશમાં ઘણા વિવાદોનો ઝડપી નિરાકરણ આવ્યો છે. 

કેન્દ્રીય જળશક્તિ મંત્રી સીઆર પાટીલે જણાવ્યું હતું કે તાજેતરના વર્ષોમાં રાજ્યો અને આંતરરાજ્ય નદી પ્રોજેક્ટ્સ વચ્ચે પાણીની વહેંચણી સંબંધિત લાંબા સમયથી ચાલતા મુદ્દાઓને ઉકેલવા તરફ નોંધપાત્ર પ્રગતિ થઈ છે. તાજેતરમાં હિમાચલ પ્રદેશ અને ઉત્તરાખંડ વચ્ચે કિશાઉ ડેમ પ્રોજેક્ટ સંબંધિત મુદ્દાઓને ઉકેલવા તરફ નોંધપાત્ર પગલાં લેવામાં આવ્યા છે. તેવી જ રીતે રાજસ્થાન અને હરિયાણા વચ્ચે લાંબા સમયથી ચાલતા પાણી વહેંચણી વિવાદોના ઉકેલ તરફ સકારાત્મક પ્રગતિ થઈ છે. વધુમાં દેશના અન્ય ભાગોમાં ચાલી રહેલા નદી સંબંધિત વિવાદોનો પણ ભવિષ્યમાં ઉકેલ લાવવામાં આવશે.