કાલે અરવિંદ કેજરીવાલ અમૃતસર પહોંચશે, ભગવંત માન સાથે કરશે રોડ શો

ભગવંત માનને વિધાયક દળના નેતા તરીકે પસંદ કરવામાં આવ્યા છે અને તેઓ 16 માર્ચે મુખ્યમંત્રી તરીકે શપથ લેશે.

પંજાબ વિધાનસભા ચૂંટણીના પરિણામોમાં આમ આદમી પાર્ટીએ બહુમતી મેળવીને ઇતિહાસ રચ્યો છે. ભગવંત માનને વિધાયક દળના નેતા તરીકે પસંદ કરવામાં આવ્યા છે અને તેઓ 16 માર્ચે મુખ્યમંત્રી તરીકે શપથ લેશે. આ પહેલા રવિવારે દિલ્હીના સીએમ અને AAP કન્વીનર અરવિંદ કેજરીવાલ અમૃતસર પહોંચશે. આ પછી તેઓ ભગવંત માન સાથે અમૃતસરમાં રોડ શો કરશે. તેઓ બંને હરમિંદર સાહિબ પણ જશે.

શેડ્યૂલ મુજબ કેજરીવાલ સવારે 11 વાગે અમૃતસર એરપોર્ટ પહોંચશે. અરવિંદ કેજરીવાલ અને ભગવંત માન એરપોર્ટથી હરમિંદર સાહિબ જશે. ત્યાંથી  જલિયાવાલા બાગ, દુર્ગ્યાના મંદિર અને પછી વાલ્મિકી ધામ દર્શન માટે  પહોંચશે. અરવિંદ કેજરીવાલ અને ભગવંત માનનો રોડ શો અમૃતસરમાં બપોરે 2 વાગ્યાથી શરૂ થશે. 10 માર્ચે વિધાનસભા ચૂંટણીના પરિણામો જાહેર થયા અને આમ આદમી પાર્ટીને જંગી બહુમતી મળી.

શપથ પહેલા ભગવંત માને આ વાત કહી

ભગવંત માન 16 માર્ચે પંજાબના આગામી મુખ્યમંત્રી તરીકે શપથ લેશે. આ પહેલા શનિવારે તેમણે મોટું નિવેદન આપ્યું હતું. ભગવંત માને કહ્યું, "અમારો પ્રયાસ રહેશે કે લોકોના કામ તેમના ઘરે થાય. જ્યારે અમે વોટ માંગવા તેમના ઘરે જઈએ છીએ, તો પછી અમે તેમને ચંદીગઢ કેમ બોલાવીએ છીએ. પંજાબ સરકાર લોકોના ઘર સુધી પહોંચશે."

પંજાબની ચૂંટણીમાં શાનદાર જીત બાદ આમ આદમી પાર્ટીના મુખ્યપ્રધાન પદના ઉમેદવાર ભગવંત માને શનિવારે ચંદીગઢમાં રાજભવન પહોંચીને રાજ્યપાલ બનવારી લાલ પુરોહિત સાથે મુલાકાત કરી હતી અને  રાજ્યમાં નવી સરકાર રચનાનો દાવો કર્યો હતો. ભગવંત માન 16 માર્ચ એટલે કે બુધવારે મુખ્યમંત્રી પદના શપથ લેશે. આ માટેની તમામ તૈયારીઓ લગભગ પૂર્ણ થઈ ગઈ છે.

આ અગાઉ મોહાલી ખાતે ગઈકાલે સાંજે યોજાયેલી ધારાસભ્ય દળની બેઠકમાં ભગવંત માનને નેતા તરીકે પસંદ કરવામાં આવ્યા હતા. ભગવંત માન શહીદ ભગતસિંહના ગામ ખટકરકલાંમાં શપથ લેશે. શપથગ્રહણ પહેલા ભગવંત માન 13 માર્ચે રવિવારે અમૃતસરમાં શ્રી હરમંદિર સાહિબમાં દર્શન કરવા જશે અને ત્યારબાદ અરવિંદ કેજરીવાલ સાથે ભવ્ય રોડ શો કરશે.  ભગવંત માને ગુરુવારે કેજરીવાલ અને મનીષ સિસોદિયાને શપથ સમારોહમાં ભાગ લેવા માટે આમંત્રણ આપ્યું હતું. ભગવંત માને  કહ્યું હતું કે દિલ્હીના ગવર્નન્સ મોડલને પંજાબમાં લાગુ કરવું પડશે. આમ આદમી પાર્ટીની સરકાર સામાન્ય લોકોમાંથી ચાલશે.