RJD Supports JDU: નીતીશ કુમારને સમર્થન આપવા પર તેજસ્વી યાદવની પ્રથમ પ્રતિક્રિયા, જાણો શું કહ્યું ? 

બિહારમાં ચાલી રહેલી રાજકીય ઉથલપાથલ વચ્ચે આરજેડી નીતિશ કુમારને સમર્થન આપી શકે છે. આરજેડીના સૂત્રોના જણાવ્યા અનુસાર પાર્ટી નીતિશ કુમારને સમર્થન આપી શકે છે.

તેજસ્વી યાદવ અને નીતીશ કુમાર

Bihar Political Crisis: બિહારમાં ચાલી રહેલી રાજકીય ઉથલપાથલ વચ્ચે આરજેડી નીતિશ કુમારને સમર્થન આપી શકે છે. આરજેડીના સૂત્રોના જણાવ્યા અનુસાર પાર્ટી નીતિશ કુમારને સમર્થન આપી શકે છે. વિભાગોની ફાળવણી અંગે કોઈ મતભેદ રહેશે નહીં. તેજસ્વી યાદવે કહ્યું છે કે તેમની પાસે 160 ધારાસભ્યો છે. જો ભાજપ અસ્થિરતા પેદા કરવાનો કે રાષ્ટ્રપતિ શાસન લાદવાનો પ્રયાસ કરશે તો તેમને જડબાતોડ જવાબ આપવામાં આવશે.

અગાઉ બિહારમાં ઉભી થયેલી આ રાજકીય કટોકટી વચ્ચે આજે બેઠકોનો દોર ચાલ્યો હતો. સીએમ નીતિશ કુમારે જેડીયુના સાંસદો અને ધારાસભ્યો સાથે બેઠક કરી હતી. બેઠકમાં CMએ ભાજપ પર અપમાનિત કરવાનો આરોપ લગાવીને ગઠબંધન તોડી નાખ્યું. સીએમએ કહ્યું કે ભાજપે ષડયંત્ર રચીને જેડીયુને નબળો પાડવાનો પ્રયાસ કર્યો છે. જેડીયુના તમામ સાંસદો અને ધારાસભ્યોએ સીએમ નીતિશ કુમારના નિર્ણયનું સમર્થન કર્યું અને કહ્યું કે દરેક તેમની સાથે છે.

નીતિશ કુમાર સાથે મહાગઠબંધન

જેડીયુ નેતાઓએ કહ્યું કે તેઓ હંમેશા નીતીશ કુમારની સાથે રહેશે, પછી ભલે નિર્ણય કોઈ પણ હોય. આ ઉપરાંત મહાગઠબંધનની બેઠકનું પણ આયોજન કરવામાં આવ્યું હતું. આ બેઠકમાં આરજેડીના તમામ નેતાઓએ કહ્યું કે તમામ લોકો તેજસ્વી યાદવ પણ તેમની સાથે છે. કોંગ્રેસ અને ડાબેરી પક્ષોએ પણ કહ્યું કે તેઓ પણ તેજસ્વી યાદવના નિર્ણયનું સમર્થન કરશે.

ભાજપે પણ બેઠક યોજી હતી

ભાજપે પટનામાં ડેપ્યુટી સીએમ તારકિશોર પ્રસાદના ઘરે બેઠક યોજી છે. આ બેઠકમાં ભીખુભાઈ દલસાણિયા, રેણુ દેવી, મંગલ પાંડે, નીતિન નવીન, અમરેન્દ્ર પ્રતાપ સિંહ અને સમ્રાટ ચૌધરી હાજર રહ્યા હતા. ભાજપની કોર કમિટીની બેઠક આજે પટનામાં પાર્ટી કાર્યાલયમાં યોજાશે. ભાજપે નીતિશ કુમારના આરોપો પર કહ્યું છે કે અમે કોઈને નબળા નથી કર્યા, અમે ફક્ત અમારી પાર્ટીને મજબૂત બનાવીએ છીએ.