(Source: ECI/ABP News/ABP Majha)
Bihar News: બિહારમાં નવાજૂનીના એંધાણ! નીતિશ કુમારે તમામ કાર્યક્રમો રદ્દ કરી બધા ધારાસભ્યોને પટના બોલાવતા ચકચાર
Bihar News: બિહારમાં આ દિવસોમાં રાજકીય ગરમાવો જોવા મળી રહ્યો છે. ઈન્ડિયા એલાયન્સની પહેલ કરનાર સીએમ નીતિશ કુમારની પાર્ટી જેડીયુ તેનો હિસ્સો બની શકશે કે નહીં તે અંગે શંકાના વાદળો ઘેરાઈ ગયા છે.
Bihar News: બિહારમાં આ દિવસોમાં રાજકીય ગરમાવો જોવા મળી રહ્યો છે. ઈન્ડિયા એલાયન્સની પહેલ કરનાર સીએમ નીતિશ કુમારની પાર્ટી જેડીયુ તેનો હિસ્સો બની શકશે કે નહીં તે અંગે શંકાના વાદળો ઘેરાઈ ગયા છે. આનું કારણ આરજેડી અને જેડીયુ વચ્ચેનો કથિત તણાવ છે, જ્યારે પૂર્વ સીએમ કર્પૂરી ઠાકુરને ભારત રત્ન આપવાની જાહેરાત બાદ નીતિશ કુમારે જે પ્રકારના નિવેદનો આપ્યા છે તેનાથી લાગે છે કે ભાજપને લઈને તણાવ છે. તેમનો સૂર બદલાઈ ગયો છે. તે જ સમયે, લાલુ યાદવની પુત્રીએ પણ પરિવારવાદને લઈને તાજેતરમાં આપેલા નિવેદન પર નામ લીધા વિના તેમના પર નિશાન સાધ્યું હતું. આવી સ્થિતિમાં મહાગઠબંધન તૂટવાની અને નીતીશ કુમારની એનડીએમાં વાપસીની અટકળોએ જોર પકડ્યું છે. બિહારના આ તાજેતરના રાજકીય ઘટનાક્રમ પર એક નજર કરીએ તો...
#WATCH | Delhi: On Bihar CM & JD(U) leader Nitish Kumar's statement on dynastic politics and Rohini Acharya's tweet, Union Minister Giriraj Singh says, "Yahan (Bihar) 6-5 ka khel chal raha hai, dono hard bargainer hai...The moment Nitish Kumar jibed on dynastic politics using… pic.twitter.com/ACjOpLcX86
— ANI (@ANI) January 25, 2024
- સીએમ નીતિશ કુમારના તમામ કાર્યક્રમો રદ્દ
- જેડીયુના તમામ ધારાસભ્યોને પટના બોલાવવામાં આવ્યા
- સીએમ આવાસ પર જેડીયુ નેતાઓની બેઠક
- લાલુ યાદવની પુત્રી રોહિણી આચાર્યએ સીએમ નીતિશ કુમારનું નામ લીધા વગર નિશાન સાધ્યું.
- સીએમ નીતિશ કુમાર રાહુલ ગાંધીની યાત્રાથી અળગા રહ્યા
- બિહાર બીજેપી અધ્યક્ષ સમ્રાટ ચૌધરી દિલ્હી જવા રવાના થયા છે
- નીતીશ કેબિનેટની બેઠક માત્ર 25 મિનિટમાં પૂરી થઈ ગઈ
- બિહાર કેબિનેટની બેઠકમાં તેજસ્વી યાદવ મૌન રહ્યા અને કોઈની સાથે વાત કરી ન હતી.
- સૂત્રોના જણાવ્યા અનુસાર બુધવારે બીજેપીના કેન્દ્રીય નેતૃત્વએ બિહાર પર ચર્ચા કરી હતી.
- સૂત્રોના જણાવ્યા અનુસાર, બીજેપી નેતાઓને સૂચના - સીએમ નીતિશ પર બોલતી વખતે સાવચેતી રાખો
- બુધવારે સીએમ નીતિશે લાલુ યાદવનું નામ લીધા વગર પરિવારવાદ પર નિશાન સાધ્યું.
- સીએમ નીતિશે કર્પૂરી ઠાકુરને ભારત રત્ન આપવા પર પીએમ નરેન્દ્ર મોદીનો આભાર માન્યો
- ઈન્ડિયા એલાયન્સના સંયોજક પદનો અસ્વીકાર કર્યો
- લલન સિંહને હટાવીને સીએમ નીતિશ પોતે પાર્ટીના અધ્યક્ષ બન્યા.
બિહારની રાજનીતિમાં ફરી એક વખત ખળભળાટ મચી ગયો છે. નીતિશ કુમાર RJD સાથેના સંબંધો તોડવાની અટકળો વચ્ચે, લાલુ કેમ્પે 122ના જાદુઈ આંકડા સુધી પહોંચવા માટે વધુ 8 ધારાસભ્યોને જોડવાના પ્રયાસો શરૂ કર્યા છે. હાલમાં 243 બેઠકોની વિધાનસભામાં બેઠકોનું ગણિત કંઈક આ પ્રકારનું છે. જો RJD+કોંગ્રેસ+લેફ્ટની સીટો જોડવામાં આવે તો સંખ્યા 79+19+16 એટલે કે 114 થાય છે. સ્પષ્ટ છે કે બહુમત માટે 8 ધારાસભ્યોની ઘટ છે. લાલુ કેમ્પ આ 8 ધારાસભ્યોને આકર્ષવામાં વ્યસ્ત છે.
તે જ સમયે, નીતિશ કુમાર તેમના નિવાસસ્થાને જેડીયુના અગ્રણી નેતાઓ સાથે બેઠક કરી રહ્યા છે. લાલુ જાદુઈ આંકડાઓ એકત્રિત કરે તે પહેલા જ નીતિશ વિધાનસભા ભંગ કરી શકે છે. સત્તા મેળવવા માટે બેઠકોના સમીકરણની વાત કરીએ તો જીતન રામ માંઝીની પાર્ટી HAM પાસે 4 ધારાસભ્યો છે. AIMIM પાસે 1 ધારાસભ્ય અને એક અપક્ષ ધારાસભ્ય (સુમિત સિંહ) છે. જો લાલુ તેમને પણ લઈ લે તો સંખ્યા 120 થઈ જાય છે. લાલુને હજુ વધુ 2 ધારાસભ્યોની જરૂર છે. સાથે જ સીએમ હાઉસ બાદ રાબડી આવાસમાં પણ ધમાલ તેજ થઈ ગઈ છે. તેમના નજીકના સહયોગી ભોલા યાદવ અને શક્તિ સિંહ યાદવ લાલુને મળવા માટે રાબડીના ઘરે પહોંચ્યા છે. તેમના સિવાય અન્ય કેટલાક ધારાસભ્યો પણ આવી રહ્યા છે.
ટ્રેન્ડિંગ સમાચાર
ટોપ સ્ટોરી
