Budget 2025: સરકારી કર્મચારીઓ માટે બજેટ 2025માં થઈ મોટી જાહેરાત, હવે જબરદસ્ત...

બજેટ 2025માં કર્મચારી મંત્રાલયને મોટી ફાળવણી, મિશન કર્મયોગીને પ્રોત્સાહન.

સરકારી કર્મચારીઓ માટે બજેટ 2025 થઈ મોટી જાહેરાત

Union Budget 2025: નાણાં પ્રધાન નિર્મલા સીતારમણે શનિવારે 2025-26નું સામાન્ય બજેટ રજૂ કર્યું, જેમાં સરકારી કર્મચારીઓ માટે પણ મહત્વની જાહેરાતો કરવામાં આવી છે. હવે સરકારી કર્મચારીઓને દેશ-વિદેશમાં તાલીમ આપવા અને ઇન્ફ્રાસ્ટ્રક્ચર સંબંધિત જરૂરી તાલીમ માટે કર્મચારી મંત્રાલયને રૂ. 334 કરોડથી વધુની ફાળવણી કરવામાં આવી છે. આ સાથે વહીવટી સુધારા માટે 100 કરોડ રૂપિયાની રકમ ફાળવવામાં આવી છે.

સરકારી કર્મચારીઓને ટેક-ફ્રેન્ડલી બનાવવામાં આવશે

કર્મચારી મંત્રાલયને કરાયેલી કુલ રૂ. 334.45 કરોડની ફાળવણીમાંથી રૂ. 105.99 કરોડ તાલીમ વિભાગ, સચિવાલય તાલીમ અને વ્યવસ્થાપન સંસ્થા (ISTM) અને લાલ બહાદુર શાસ્ત્રી નેશનલ એકેડેમી ઓફ એડમિનિસ્ટ્રેશન (LBSNAA)ની સ્થાપના માટેના ખર્ચ માટે છે. રૂ. 118.46 કરોડ અન્ય રૂ. 110 કરોડ રાષ્ટ્રીય નાગરિક સેવા ક્ષમતા નિર્માણ કાર્યક્રમ અથવા મિશન કર્મયોગી માટે છે. મિશન કર્મયોગીનો ઉદ્દેશ્ય સરકારી કર્મચારીઓને વધુ સર્જનાત્મક, સક્રિય, વ્યાવસાયિક અને ટેક-ફ્રેન્ડલી બનાવવાનો છે.

આ સંસ્થાઓમાં થશે તાલીમ

બજેટ દસ્તાવેજો અનુસાર, રૂ. 105.99 કરોડની જોગવાઈમાં દિલ્હીમાં ISTM, મસૂરીમાં લાલ બહાદુર શાસ્ત્રી નેશનલ એકેડેમી ઓફ એડમિનિસ્ટ્રેશન (LBSNAA) અને ડિપાર્ટમેન્ટ ઓફ પર્સોનેલ એન્ડ ટ્રેનિંગ (DoPT)ના પ્રશિક્ષણ વિભાગનો સમાવેશ થાય છે. આ સંસ્થાઓમાં ઘણા ફાઉન્ડેશન કોર્સ, રિફ્રેશર્સ કોર્સ અને મિડ-કરિયર ટ્રેનિંગ આપવામાં આવશે જેથી કરીને તમામ ગ્રેડના સેક્રેટરીયલ કર્મચારીઓને નવા નિયમો અને યોગ્યતાઓથી વાકેફ કરી શકાય. આ ઉપરાંત, તેમાં દેશ અને વિદેશમાં કેન્દ્રીય સચિવાલય સેવા (CSS) અને કેન્દ્રીય સચિવાલય સ્ટેનોગ્રાફર સેવા (CSSS) ના અધિકારીઓના પ્રવાસ ખર્ચ અને કોર્સ ફીનો પણ સમાવેશ થાય છે.

આ સિવાય રૂ. 118.46 કરોડ પ્રશિક્ષણ યોજનાઓ અને રાષ્ટ્રીય નાગરિક સેવા ક્ષમતા નિર્માણ કાર્યક્રમ માટે છે. આ ઉપરાંત, આગામી નાણાકીય વર્ષ દરમિયાન માહિતી અધિકાર (RTI) કાયદાના પ્રચાર માટે 3 કરોડ રૂપિયાનું ભંડોળ પણ રાખવામાં આવ્યું છે.

બજેટમાં બીજી મોટી જાહેરાત

મધ્યમ વર્ગ

12 લાખ રૂપિયા સુધીની આવક પર કોઈ ટેક્સ નહીં.

12 લાખથી 16 લાખ રૂપિયા સુધીની આવક પર 15 ટકા ટેક્સ લાગશે.

ખેડૂતો

પ્રધાનમંત્રી ધન-ધાન્ય કૃષિ યોજના શરૂ થશે, જેમાં 100 જિલ્લાઓના 1.7 કરોડ ખેડૂતોને લાભ થશે.

કિસાન ક્રેડિટ કાર્ડ (KCC)ની મર્યાદા વધારીને 5 લાખ રૂપિયા કરવામાં આવી છે.

બીજ માટે રાષ્ટ્રીય મિશન શરૂ કરવામાં આવશે.

કઠોળ ઉત્પાદનમાં આત્મનિર્ભરતા માટે 6 વર્ષનું મિશન શરૂ કરવામાં આવશે.

બિહારમાં મખાના બોર્ડની રચના કરવામાં આવશે.

મહિલાઓ

કેન્સર જેવી ગંભીર બીમારી માટેની 36 દવાઓને કસ્ટમ ડ્યુટીમાંથી મુક્તિ આપવામાં આવી છે.

ગ્રામીણ મહિલાઓને રોજગાર અને નાણાકીય સ્વતંત્રતા પ્રદાન કરવા માટે કાર્યક્રમ શરૂ કરવામાં આવશે.

ઉદ્યોગ

સ્ટાર્ટઅપ્સને ભંડોળ આપવા માટે નવા ભંડોળની જોગવાઈ કરવામાં આવશે.

ફૂટવેર અને લેધર સેક્ટર માટે ફોકસ પ્રોડક્ટ સ્કીમ શરૂ કરવામાં આવશે.

MSME માટે લોન લેવી સરળ બનશે.

આ પણ વાંચો...