Cabinet Decisions: મોદી કેબિનેટનો મોટો ફેંસલોઃ કુપોષણ ખતમ કરવા સરકારી યોજનામાં ફોર્ટિફાઈડ ચોખાનું કરાશે વિતરણ, ત્રણ તબક્કમાં યોજના લાગુ થશે

ફોર્ટિફાઇડ ચોખામાં મોટી માત્રામાં પોષક તત્વો જોવા મળે છે. તે આયર્ન અને વિટામિન્સથી ભરપૂર છે. તેમાં વિટામિન A, વિટામિન B1, વિટામિન B12, ફોલિક એસિડ, ઝિંક જેવા ઘણા પોષક તત્વોનું મિશ્રણ હોય છે.

Anurag_Thakur

Cabinet Decisions:  કેન્દ્રીય કેબિનેટે સરકારી યોજનાઓમાં ફોર્ટિફાઇડ ચોખાના વિતરણને મંજૂરી આપી છે. કેન્દ્રીય મંત્રી અનુરાગ ઠાકુરે શુક્રવારે આ જાણકારી આપી. ચોખાના ફોર્ટિફિકેશન માટે દર વર્ષે આશરે રૂ. 2700 કરોડનો ખર્ચ થશે, જેનો ખર્ચ કેન્દ્ર ઉઠાવશે. તે વર્ષ 2024 સુધીમાં દેશના તમામ રાજ્યો અને કેન્દ્રશાસિત પ્રદેશોમાં તબક્કાવાર રીતે લાગુ કરવામાં આવશે.

ત્રણ તબક્કામાં વિતરણ યોજના લાગુ કરાશે

પ્રેસ ઇન્ફોર્મેશન બ્યુરો દ્વારા આપવામાં આવેલી માહિતી અનુસાર, ફોર્ટિફાઇડ ચોખાના વિતરણ માટેની યોજનાનો અમલ ત્રણ તબક્કામાં પૂર્ણ કરવામાં આવશે.

• પ્રથમ તબક્કોઃ સંકલિત બાળ વિકાસ સેવાઓ (ICDS) અને PM પોષણને માર્ચ 2022 સુધીમાં સમગ્ર દેશમાં આવરી લેવામાં આવશે.
• બીજો તબક્કો: માર્ચ 2023 સુધીમાં તમામ મહત્વાકાંક્ષી અને વધુ બોજ ધરાવતા જિલ્લાઓમાં લક્ષિત જાહેર વિતરણ પ્રણાલી અને અન્ય યોજનાઓમાં લાગુ કરવામાં આવશે.
• ત્રીજો તબક્કો: બીજા તબક્કા સાથે, આ યોજના બાકીના જિલ્લાઓમાં માર્ચ 2024 સુધીમાં લાગુ કરવામાં આવશે.

ફોર્ટિફાઇડ ચોખા સ્વાસ્થ્ય માટે ખૂબ જ ફાયદાકારક છે

ફોર્ટિફાઇડ ચોખામાં મોટી માત્રામાં પોષક તત્વો જોવા મળે છે. તે આયર્ન અને વિટામિન્સથી ભરપૂર છે. તેમાં વિટામિન A, વિટામિન B1, વિટામિન B12, ફોલિક એસિડ, ઝિંક જેવા ઘણા પોષક તત્વોનું મિશ્રણ હોય છે. આ ચોખા લોકોના આહારમાં જરૂરી પોષક તત્વોની જરૂરિયાતને પૂર્ણ કરે છે અને કુપોષણને નિયંત્રિત કરવામાં ઘણી હદ સુધી મદદરૂપ થઈ શકે છે.

Union Cabinet approves distribution of fortified rice across Government Schemes: Union Minister Anurag Thakur pic.twitter.com/hZdwKopwVO

— ANI (@ANI) April 8, 2022