![ABP Premium](https://cdn.abplive.com/imagebank/Premium-ad-Icon.png)
RJD Dawat-e-Iftar in Bihar: પગપાળા ચાલીને જ રાબડીદેવીના ઘરે પહોંચ્યા સીએમ નીતિશ કુમાર, જુના સાથીઓએ કર્યું સ્વાગત
Nitish Kumar attended RJD's Iftar party : ચુસ્ત સુરક્ષા બંદોબસ્ત વચ્ચે CM તેમના નિવાસસ્થાનથી પગપાળા 10, સર્ક્યુલર રોડ પર રાબડી નિવાસસ્થાને પહોંચ્યા.
![RJD Dawat-e-Iftar in Bihar: પગપાળા ચાલીને જ રાબડીદેવીના ઘરે પહોંચ્યા સીએમ નીતિશ કુમાર, જુના સાથીઓએ કર્યું સ્વાગત CM Nitish Kumar attended RJD's Iftar party at Rabdi Devi's house RJD Dawat-e-Iftar in Bihar: પગપાળા ચાલીને જ રાબડીદેવીના ઘરે પહોંચ્યા સીએમ નીતિશ કુમાર, જુના સાથીઓએ કર્યું સ્વાગત](https://feeds.abplive.com/onecms/images/uploaded-images/2022/04/22/b4642c2db43fe569ab339ab3ddabf94a_original.jpg?impolicy=abp_cdn&imwidth=1200&height=675)
Patna : બિહારમાં ચાલી રહેલી રાજકીય ઉથલપાથલ વચ્ચે મુખ્યમંત્રી નીતિશ કુમાર શુક્રવારે આરજેડીના દાવત-એ-ઇફ્તારમાં સામેલ થયા હતા. ચુસ્ત સુરક્ષા બંદોબસ્ત વચ્ચે CM નીતિશ કુમાર તેમના નિવાસસ્થાનથી પગપાળા 10, સર્ક્યુલર રોડ પર રાબડી નિવાસસ્થાને પહોંચ્યા. પૂર્વ મંત્રી શ્યામ રજક સહિત અન્ય નેતાઓ પહેલાથી જ મુખ્યમંત્રીનું સ્વાગત કરવા ઉભા હતા, જેઓ તેમને તેમની સાથે અંદર લઈ ગયા હતા.
તેજસ્વીએ મુખ્યમંત્રીને આમંત્રણ મોકલ્યું હતું
જણાવી દઈએ કે પાંચ વર્ષ બાદ આ વખતે આરજેડી દ્વારા ઈફ્તાર પાર્ટીનું આયોજન કરવામાં આવ્યું છે, જેમાં મુખ્યમંત્રી સહિત અનેક પક્ષોના નેતાઓને હાજરી આપવા માટે આમંત્રણ આપવામાં આવ્યું હતું. આવી સ્થિતિમાં મુખ્યમંત્રી કાર્યક્રમમાં હાજરી આપી. મુખ્યમંત્રી ઈફ્તાર પાર્ટીમાં સામેલ થવાને કારણે બિહારનો રાજકીય પારો ઊંચકાયો છે. એવી અટકળો છે કે મુખ્યમંત્રી લાલુ સાથે ફરી જોડાશે.
કોઈ મોટો નિર્ણય લઈ શકે છે નીતિશ
આ અટકળોને વધુ હવા મળી રહી છે કારણ કે આજે આરજેડી સુપ્રીમો લાલુ પ્રસાદ યાદવને ચારા કૌભાંડ કેસમાં જામીન મળી ગયા છે. માનવામાં આવી રહ્યું છે કે નીતિશ જલ્દી કોઈ મોટો નિર્ણય લઈ શકે છે. નોંધનીય છે કે તેજસ્વીના નેતૃત્વમાં પટનામાં રાબડીના ઘરે ઈફ્તાર પાર્ટીનું આયોજન કરવામાં આવી રહ્યું છે. દાવત-એ-ઈફ્તાર સાંજે 6.17 વાગ્યાથી શરૂ થઈ ગઈ છે. બિહારના તમામ જિલ્લામાંથી મુસ્લિમ સમાજના પ્રતિનિધિઓને બોલાવવામાં આવ્યા છે. તેજસ્વીએ તમામ ઉપવાસીઓ અને બહેનોને તહેવારમાં હાજરી આપવા વિનંતી કરી હતી.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)