![ABP Premium](https://cdn.abplive.com/imagebank/Premium-ad-Icon.png)
કોરોનાનો નવો વેરિયન્ટ ખતરનાક, 18 રાજ્યમાં પ્રસર્યો ડબલ મ્યુટન્ટ
કોરોનાનો આ નવો ડબલ મ્યુટન્ટ વેરિયન્ટ રોગપ્રતિકારક શક્તિને ચકમો દેવામાં સક્ષમ છે.
![કોરોનાનો નવો વેરિયન્ટ ખતરનાક, 18 રાજ્યમાં પ્રસર્યો ડબલ મ્યુટન્ટ Corona's new variant Dangerous, Double Mutant spread in 18 states કોરોનાનો નવો વેરિયન્ટ ખતરનાક, 18 રાજ્યમાં પ્રસર્યો ડબલ મ્યુટન્ટ](https://feeds.abplive.com/onecms/images/uploaded-images/2021/03/25/f421fc5d613f27c9b65a908ffd051c4f_original.jpg?impolicy=abp_cdn&imwidth=1200&height=675)
ભારતમાં કોરોનાનો નવો ડબલ મ્યુટન્ટ વેરિયન્ટ 18 રાજ્યમાં પ્રસરી ચૂક્યો છે. કેંદ્રીય આરોગ્ય મંત્રાલયે જાહેર કરેલી માહિતીમાં કહ્યું કે ભારતમાં કોરોનાના બે ચિંતાજનક વેરિયન્ટ અને એક નવો ડબલ મ્યુટન્ટ કોરોના વેરિયન્ટ 18 રાજ્યોમાં પ્રસરી ચૂક્યો છે. તો વિદેશમાં મળી આવેલા કોરોનાના વેરિયન્ટ પણ હવે ભારતમાં જોવા મળી રહ્યા છે.
રાજ્યોએ મોકલેલા 10 હજાર 787 કોરોના પોઝિટીવ દર્દીના સેમ્પલની ચકાસણીમાં અત્યાર સુધીમાં કોરોનાના નવા 771 વેરિયન્ટ મળી આવ્યા છે. કોરોનાનો આ નવો ડબલ મ્યુટન્ટ વેરિયન્ટ રોગપ્રતિકારક શક્તિને ચકમો દેવામાં સક્ષમ છે.
આ નવા સ્ટ્રેઈનમાં કોરોનાના અગાઉ જોવા મળેલાં લક્ષણો કરતાં અલગ નવાં લક્ષણ જોવા મળ્યા છે. કોવિડના નવા સ્ટ્રેઈનમાં અલગ પ્રકારના લક્ષણ સામે આવ્યા છે. જેમાં માથાનો દુખાવો, ચામડીના રોગ, ઝાડા થવા, આંખ આવવી, શરીરમાં કળતર અને દુખાવો, ગળામાં દુખાવો, હાથની આંગળીઓ અને પગનાં ટેરવા ફિક્ક પડી જવા જેવા લક્ષણ ધરાવતા લોકોમાં કોરોના પોઝિટિવ જોવા મળ્યા છે. સુરતમાં એવા લોકો પણ પોઝિટિવ છે જેમાં કોવિડના કોઈ લક્ષણ પણ જોવા મળતા નથી એ લોકો માટે ચેતવણી છે.
132 દિવસ બાદ રેકોર્ડ કેસ
132 દિવસ બાદ રેકોર્ડ પ્રથમ વખત 47 હજારથી વધારે કોરોના કેસ આવ્યા હતા. સ્વાસ્થ્ય મંત્રાલયે જાહેર કરેલા આંકડા પ્રમાણે દેશમાં છેલ્લા 24 કલાકમાં 47 હજારથી વધુ કેસ નોધાયા હતા અને 275 લોકોના જીવ ગયા હતા. જોકે 23,907 લોકો કોરોનાથી ઠીક થયા છે. આ પહેલા 11 નવેમ્બર 2020ના રોજ 47,905 કોરોના કેસ નોંધાયા હતા. એક સમયે દેશમાં કોરોના કેસની સંખ્યા ઘટવા લાગી હતી. આ પહેલા 1 ફેબ્રુઆરીએ 8,635 નવા કોરોના કેસ નોંધાયા હતા. એક દિવસમાં કોરોના મામલાની ચાલુ વર્ષે આ સોથી ઓછી સંખ્યા છે.
આજે દેશમાં કોરોનાની શું છે સ્થિતિ
કુલ એક્ટિવ કેસની સંખ્યા 1,17,34,058
કુલ રિકવરી 1,12,05,160
કુલ એક્ટિવ કેસની સંખ્યા 3,68,457
કુલ મૃત્યુઆંક 1,60,441 પર પહોંચ્યો છે.
દેશમાં 5 કરોડ 8 લાખ લોકોથી વધુ લોકોને વેક્સિનના ડૉઝ આપવામાં આવી ચૂક્યા છે. જેમાં 79 લાખથી વધુ હેલ્થવર્કર્સ સામેલ છે. ઉપરાંત 83 લાખ 33 હજાર ફ્રન્ટ લાઈન વર્કસે પ્રથમ ડોઝ અને 30 લાખ 60 હજારે બીજો ડોઝ લીધો છે. 60 વર્ષથી વધુ ઉંમરના કુલ 2 કરોડ લાભાર્થી અને 45 વર્ષી વધુની ઉંમરના 50 લાખ લાભાર્થીએ ડોઝ લીધો છે. ગઈકાલે 23.46 લાખ લોકોએ રસીનો ડોઝ લીધો હતો.
દેશના પાંચ રાજ્યોમાં ફરી એકવાર કોરોના વાયરસે ઉથલો માર્યો છે, જેમાં ગુજરાત પણ સામેલ છે. આ સિવાય મહારાષ્ટ્ર, કેરળ, પંજાબ, કર્ણાટક અને મધ્યપ્રદેશ પણ સામેલ છે. મહારાષ્ટ્રની હાલત સૌથી ચિંતાજનક છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)