Covid-19 Vaccine: કોરોનાના મિક્સ બૂસ્ટર ડોઝને જલદી મળી શકે છે મંજૂરી, જાણો વિગતે

Covid-19 Vaccine: હોમોલોગસ અથવા હેટરોલોગસ એન્ટી-કોવિડ રસીઓનું મિશ્રણ કરીને મિશ્ર બૂસ્ટર ડોઝ તૈયાર કરવાની મંજૂરી આપવા પર વિચારણા કરવામાં આવશે.

ફાઈલ તસવીર

Covid-19 Vaccine: કેરળના વેલ્લોરમાં ક્રિશ્ચિયન મેડિકલ કોલેજ (CMC) એ કોવિડની રોકથામ માટે મિક્સ બૂસ્ટર ડોઝરની ટ્રાયલ પૂર્ણ કરી છે. તે ટૂંક સમયમાં તેનો રિપોર્ટ સેન્ટ્રલ ડ્રગ્સ સ્ટાન્ડર્ડ કંટ્રોલ ઓર્ગેનાઈઝેશન (CDSCO)ને સુપરત કરશે. આ પછી, ડ્રગ રેગ્યુલેટર બૂસ્ટર ડોઝને મિશ્રિત કરવાની મંજૂરી આપી શકે છે. આ રસીઓની અસરકારકતામાં વધારો કરી શકે છે.

ક્યારે મળી શકે છે મંજૂરી ?

આ પછી હોમોલોગસ અથવા હેટરોલોગસ એન્ટી-કોવિડ રસીઓનું મિશ્રણ કરીને મિશ્ર બૂસ્ટર ડોઝ તૈયાર કરવાની મંજૂરી આપવા પર વિચારણા કરવામાં આવશે. વેલોર કોલેજને રાષ્ટ્રીય દવા નિયમનકાર દ્વારા ગયા વર્ષે મિક્સ બૂસ્ટર ડોઝનું પરીક્ષણ કરવાની પરવાનગી આપવામાં આવી હતી. CMC વેલ્લોરે તેનો અભ્યાસ પૂર્ણ કર્યો છે. તે હવે અભ્યાસનો ડેટા તૈયાર કરી રહ્યો છે. સેન્ટ્રલ ડ્રગ સ્ટાન્ડર્ડ કંટ્રોલ ઓર્ગેનાઈઝેશન બે અઠવાડિયામાં અભ્યાસ અહેવાલની સમીક્ષા કરશે.

વરિષ્ઠ રસી નિષ્ણાત ગગનદીપ કાંગની આગેવાની હેઠળ CMCએ આ અભ્યાસ હાથ ધર્યો હતો. તેમનું કહેવું છે કે કેન્દ્રીય સ્વાસ્થ્ય મંત્રાલયની સ્ક્રિનિંગ કમિટીએ ગયા અઠવાડિયે નમૂનાઓનું પરીક્ષણ કરવાની મંજૂરી આપી હતી. ડો.કાંગ પોતે આ કોલેજના ફેકલ્ટી છે. CMCના અભ્યાસ અહેવાલની સમીક્ષા કર્યા પછી, કેન્દ્ર સરકાર મિશ્ર બૂસ્ટર ડોઝને મંજૂરી આપવા અંગે અંતિમ નિર્ણય લેશે.

અભ્યાસના પ્રારંભિક પરિણામો રાષ્ટ્રીય ટેકનિકલ એડવાઈઝરી ગ્રુપ ઓન ઈમ્યુનાઈઝેશન (NTAGI) ને પહેલેથી જ જણાવવામાં આવ્યા છે. આ જૂથે એન્ટિબોડીઝ પર મિશ્ર બૂસ્ટર ડોઝની અસરોનું મૂલ્યાંકન કરવા માટે અભ્યાસ ટીમને કેટલાક વધુ ડેટા માંગ્યા. હવે એન્ટિબોડી ડેવલપમેન્ટ અને સ્પાઇક પ્રોટીન પર મિશ્ર ડોઝની અસરનું મૂલ્યાંકન કરવામાં આવશે.

બે સમાન રસીઓ અથવા અલગ રસીઓના મિશ્રણ દ્વારા તૈયાર કરાયેલ ડોઝની વધુ અસર જોવા મળી છે. તો CMC વેલ્લોરના ટેસ્ટ પરિણામો પણ સારા આવવાની અપેક્ષા છે. બ્રિટનમાં કરવામાં આવેલા એક અભ્યાસમાં જાણવા મળ્યું છે કે મિશ્ર બૂસ્ટર ડોઝ શરીરમાં વધુ એન્ટિબોડીઝ ઉત્પન્ન કરે છે અને તે કોરોનાને રોકવામાં વધુ અસરકારક છે.