દિલ્લી પોલીસની ક્રાઈમ બ્રાન્ચે ત્રણ દેશોના 536 જમાતીઓ વિરુદ્ધ દાખલ કરી ચાર્જશીટ

ક્રાઈમ બ્રાન્ચે અત્યાર સુધી 35 દેશોના કુલ 910 જમાતીઓ વિરુદ્ધ 47 ચાર્જશીટ દાખલ કરી ચૂકી છે. આ તમામ પર વીઝા નિયમોનના ઉલ્લંઘનનો આરોપ છે.

નવી દિલ્લી: દિલ્લી પોલીસની ક્રાઈમ બ્રાન્ચે ગુરુવારે 536 વિદેશી જમાતીઓ વિરુદ્ધ સાકેત કોર્ટમાં ચાર્જશીટ દાખલ કરી છે. આ તમામ જમાતીઓ ઈન્ડોનેશિયા, મલેશિયા અને કિર્ગિઝસ્તાન દેશના નાગરિક છે. ક્રાઈમ બ્રાન્ચે આ તમામ આરોપીઓ વિરુદ્ધ 12 હજાર પાનાની 12 ચાર્જશીટ દાખલ કરી છે. આ પહેલા ક્રાઈમ બ્રાન્ચે છેલ્લા 2 દિવસમાં 32 દેશોના 374 જમાતીઓ વિરુદ્ધ ચાર્જશીટ દાખલ કરી ચૂકી છે. ક્રાઈમ બ્રાન્ચે અત્યાર સુધી 35 દેશોના કુલ 910 જમાતીઓ વિરુદ્ધ 47 ચાર્જશીટ દાખલ કરી ચૂકી છે. આ તમામ પર વીઝા નિયમોનના ઉલ્લંઘનનો આરોપ છે. ક્રાઈમ બ્રાન્ચે તેમના પર ધારા 144ના ઉલ્લંઘનથી લઈ મહામારી એક્ટના નિયમોનું ઉલ્લંઘન, ડિઝાસ્ટર મેનેજમેન્ટ એક્ટના ઉલ્લંઘનનો પણ આરોપ લગાવ્યો છે. આ પહેલા ભારત સરકારે વીઝા કેન્સર કરી તેમને બ્લેક લિસ્ટ પણ કર્યા હતા. દિલ્લીપોલીસ દ્વારા દાખલ કરવામાં આવેલી ચાર્જશીટ આ વાતનો પણ ઉલ્લેખ કરાયો છે કે, આ તમામ આરોપીએ કલમ 144નું ઉલ્લંઘ કર્યું છે, સાથે ભેગા થઈને ક્વોરંન્ટાઈન કાયદાના પણ ધજાગરા ઉડાડ્યા છે.