Delhi Excise Policy Case: દિલ્હી હાઇકોર્ટ પહોંચ્યા કેજરીવાલ, કહ્યું- 'EDને ધરપકડ કરતી રોકવામાં આવે'

Delhi Excise Policy Case:કેજરીવાલે દિલ્હી લિકર પોલિસી કેસમાં ઇડી દ્ધારા તેમની ધરપકડ થાય તેવો ભય વ્યક્ત કર્યો છે

અરવિંદ કેજરીવાલ

Source : PTI

Delhi Excise Policy Case: દિલ્હીના મુખ્યમંત્રી અરવિંદ કેજરીવાલે ફરી એકવાર દિલ્હી હાઈકોર્ટનો સંપર્ક કર્યો છે. તેમણે દિલ્હી લિકર પોલિસી કેસમાં વચગાળાની રાહતની માંગણી સાથે હાઈકોર્ટમાં અરજી કરી છે. દિલ્હીના મુખ્યમંત્રીએ પોતાની અરજીમાં કહ્યું છે કે તેઓ એક્સાઇઝ નીતિ કેસની તપાસમાં સહયોગ કરવા તૈયાર છે, પરંતુ એન્ફોર્સમેન્ટ ડિરેક્ટોરેટ (ED)ને તેમની ધરપકડ કરવાથી રોકવી જોઈએ. EDએ તેમને આ કેસમાં નવમી વખત ગુરુવારે (21 માર્ચ) સમન્સ મોકલી પૂછપરછ માટે બોલાવ્યા છે.

Excise Policy Case: Kejriwal moves fresh plea in Delhi HC, seeks 'no coercive action'

Read @ANI Story | https://t.co/XN7y2IJsBo#ExcisePolicyCase #ArvindKejriwal #DelhiHighCourt pic.twitter.com/Di0eZyaiHe

— ANI Digital (@ani_digital) March 21, 2024

અરવિંદ કેજરીવાલે EDના તમામ સમન્સની બંધારણીય માન્યતાને હાઈકોર્ટમાં પડકારી છે. આ મામલે બુધવાર (20 માર્ચ)ના રોજ સુનાવણી હાથ ધરવામાં આવી હતી, જેમાં કેજરીવાલના વકીલ અભિષેક મનુ સિંઘવીએ ધરપકડમાંથી રાહતની માંગ કરી હતી. તેના પર EDના વકીલ એસવી રાજુએ કહ્યું હતું કે દિલ્હીના મુખ્યમંત્રી તપાસ એજન્સી સમક્ષ હાજર થવાનું ટાળી રહ્યા છે અને બહાના બનાવી રહ્યા છે. સુનાવણી દરમિયાન EDએ કેજરીવાલની અરજી પર જવાબ દાખલ કરવા જણાવ્યું હતું. હવે આ મામલે આગામી સુનાવણી 22 એપ્રિલે થશે.

કેજરીવાલે અરજીમાં શું કહ્યું?

કેજરીવાલે દિલ્હી લિકર પોલિસી કેસમાં ED દ્વારા ધરપકડનો ભય વ્યક્ત કર્યો છે. તેમણે કહ્યું હતું કે તેઓ ED સમક્ષ હાજર થવા તૈયાર છે. જો તપાસ એજન્સી ખાતરી આપે કે તેમની ધરપકડ કરવામાં આવશે નહીં અથવા હાઈકોર્ટે આદેશ આપવો પડશે કે તેમની સામે કોઈ શિક્ષાત્મક પગલાં લેવામાં આવશે નહીં. કેજરીવાલે કહ્યું કે, "ઇડીએ કોર્ટ સમક્ષ ખાતરી આપવી જોઈએ કે જો હું સમન્સનું પાલન કરીશ તો તે મારી વિરુદ્ધ કોઈ શિક્ષાત્મક પગલાં લેશે નહીં."

આમ આદમી પાર્ટીએ ધરપકડનું ષડયંત્ર રચવાનો આરોપ લગાવ્યો

જ્યારથી EDએ કેજરીવાલને શરાબ નીતિ કેસમાં સમન્સ મોકલવાનું શરૂ કર્યું છે ત્યારથી આમ આદમી પાર્ટી (AAP) સરકાર પર દિલ્હીના મુખ્યમંત્રીની ધરપકડ કરવાનું ષડયંત્ર રચવાનો આરોપ લગાવી રહી છે. AAP નેતાઓનું કહેવું છે કે ED કેજરીવાલને પૂછપરછના બહાને બોલાવીને ધરપકડ કરવા માંગે છે. બુધવારે સુનાવણી દરમિયાન કેજરીવાલના વકીલ અભિષેક મનુ સિંઘવીએ પણ હાઈકોર્ટમાં આ જ વાત કહી.

સિંઘવીએ કોર્ટમાં AAP નેતાઓ સંજય સિંહ અને મનીષ સિસોદિયાની ધરપકડનો ઉલ્લેખ કર્યો. તેમણે દાવો કર્યો કે હવે તપાસ એજન્સીઓની કામ કરવાની નવી શૈલી પ્રચલિત છે. સિંઘવીએ કહ્યું કે કેજરીવાલ ED સમક્ષ હાજર થવા તૈયાર છે. તે તમામ પ્રશ્નોના જવાબ પણ આપશે, પરંતુ તેમને સુરક્ષાની જરૂર છે. તેઓ સમન્સ ટાળી રહ્યા નથી.