DGCAની એર ઇન્ડિયા સામે લાલ આંખ, કડક એક્શન, 3 અધિકારીને ફરજ મુકત કરવાનો આપ્યો આદેશ
એર ઇન્ડિયામાં ક્રૂ શેડ્યુલિંગ અને રોસ્ટરિંગમાં થયેલી ખામીઓને ગંભીરતાથી લેતા, DGCA એ ત્રણ વરિષ્ઠ અધિકારીઓને બધી જવાબદારીઓ પરથી દૂર કરવાનો આદેશ આપ્યો છે.
એર ઇન્ડિયામાં ક્રૂ શેડ્યુલિંગ અને રોસ્ટરિંગમાં થયેલી ખામીઓની ગંભીર નોંધ લેતા, ભારતના નાગરિક ઉડ્ડયન મહાનિર્દેશાલય (DGCA) એ ત્રણ વરિષ્ઠ અધિકારીઓને તમામ સંબંધિત જવાબદારીઓમાંથી દૂર કરવાનો નિર્દેશ આપ્યો છે. સૂત્રોના જણાવ્યા અનુસાર, આ ત્રણ અધિકારીઓ ઓપરેશનલ ખામીઓ માટે જવાબદાર હોવાનું જાણવા મળ્યું છે અને હવે તેમને કોઈપણ ક્રૂ મેનેજમેન્ટ કાર્યથી દૂર રાખવામાં આવશે.
અમદાવાદ વિમાન દુર્ઘટના બાદ લેવાયેલી કાર્યવાહી
12 જૂને અમદાવાદ એરપોર્ટથી લંડન જતી એર ઇન્ડિયાની ફ્લાઇટ ક્રેશ થયા બાદ, નાગરિક ઉડ્ડયન મહાનિર્દેશાલય (DGCA) એ આ નિર્ણય લીધો છે. DGCA એ એર ઇન્ડિયાને તેની સમયપત્રક પ્રક્રિયાઓ સુધારવા કહ્યું છે જેથી ભવિષ્યમાં આવી ભૂલો ફરી ન થાય. DGCA એ એ પણ સ્પષ્ટ કર્યું છે કે હવે ફ્લાઇટ સલામતી સાથે કોઈ સમાધાન કરવામાં આવશે નહીં.
12 જૂને થયેલr આ ભયાનક વિમાન દુર્ઘટનામાં, વિમાનમાં સવાર ૨૪૨ મુસાફરોમાંથી ૨૪૧ લોકોએ જીવ ગુમાવ્યા. આ અકસ્માત ત્યારે થયો જ્યારે વિમાને ટેકઓફ દરમિયાન સંતુલન ગુમાવ્યું અને નજીકની મેડિકલ કોલેજની ઇમારત સાથે અથડાયું.આ ઘટનામાં મેડિકલ કોલેજના મેશમાં જમતા ઘણા ડોકટરોના પણ મોત થયા. આ ભયાનક અકસ્માતે માત્ર ભારતને જ નહીં પરંતુ સમગ્ર વિશ્વને હચમચાવી નાખ્યું છે.
ઉલ્લેખનિય છે કે,
શુક્રવારે એર ઇન્ડિયાએ 8 ફ્લાઇટ્સ રદ કરી હતી. એર ઇન્ડિયાએ જણાવ્યું હતું કે મેન્ટેનન્સ અને સંચાલનના કારણોસર ફ્લાઇટ્સ રદ કરવામાં આવી છે. ANI સમાચાર અનુસાર, એર ઇન્ડિયાની દુબઈથી ચેન્નાઈની આંતરરાષ્ટ્રીય ફ્લાઇટ્સ AI906, દિલ્હીથી મેલબોર્નની AI308, મેલબોર્નથી દિલ્હીની AI309, દુબઈથી હૈદરાબાદની AI2204 અને પુણેથી દિલ્હીની સ્થાનિક ફ્લાઇટ્સ AI874, અમદાવાદથી દિલ્હીની AI456, હૈદરાબાદથી મુંબઈની AI-2872 અને ચેન્નાઈથી મુંબઈની AI571 રદ કરવામાં આવી છે. એવું માનવામાં આવે છે કે અમદાવાદ વિમાન દુર્ઘટનામાંથી બોધપાઠ લઈને એરલાઇન આ વિમાનોની સમીક્ષા કરશે.
આ ફ્લાઇટ્સ 21 જૂનથી ઘટાડવામાં આવશે
એર ઇન્ડિયાએ બોઇંગ 787 અને 777 એરક્રાફ્ટ દ્વારા સંચાલિત સેવાઓમાં કામચલાઉ ઘટાડાની જાહેરાત કરી છે, જે 21 જૂનથી ઘણી ફ્લાઇટ્સને અસર કરશે. આ ઘટાડો સ્વેચ્છાએ ફ્લાઇટ પહેલા સુરક્ષા તપાસમાં વધારો કરવાના નિર્ણય તેમજ મધ્ય પૂર્વમાં એરસ્પેસ બંધ થવાથી ઉદ્ભવતા વધારાના ફ્લાઇટ સમયને સમાવવાના નિર્ણયથી ઉદ્ભવ્યા છે. એર ઇન્ડિયાએ કહ્યું છે કે તેનો ઉદ્દેશ્ય સમયપત્રક સ્થિરતા પુનઃસ્થાપિત કરવાનો અને મુસાફરોને છેલ્લી ઘડીની અસુવિધા ઘટાડવાનો છે.
સમાચાર એજન્સીના અહેવાલ મુજબ, એર ઇન્ડિયાએ તેના નિવેદનમાં જણાવ્યું હતું કે આ પગલું ફ્લાઇટ શિડ્યૂલને સ્થિર કરવા અને મુસાફરોને છેલ્લી ઘડીની અસુવિધાથી બચાવવા માટે છે. એરલાઇને એ પણ સ્પષ્ટ કર્યું કે આ એક કામચલાઉ નિર્ણય છે અને 15 જૂલાઈ સુધી અમલમાં રહેશે.
ત્રણ આંતરરાષ્ટ્રીય રૂટ જ્યાં ફ્લાઇટ્સ સંપૂર્ણપણે સ્થગિત કરવામાં આવી છે તેમાં દિલ્હી-નૈરોબી, અમૃતસર-લંડન (ગેટવિક) અને ગોવા (મોપા)-લંડન (ગેટવિક)નો સમાવેશ થાય છે. ઉત્તર અમેરિકા, યુરોપ, ઓસ્ટ્રેલિયા અને અન્ય 16 રૂટ્સ પર આંતરરાષ્ટ્રીય ફ્લાઇટ્સની સંખ્યા ઘટાડવામાં આવી છે.
એર ઇન્ડિયાના જણાવ્યા અનુસાર, આ નિર્ણય બે મુખ્ય કારણોસર લેવામાં આવ્યો છે. પ્રથમ બધી ફ્લાઇટ્સ પહેલાં સુરક્ષા ધોરણોની કડક તપાસ માટે સમય આપવો, અને બીજું મધ્ય પૂર્વમાં એરસ્પેસ બંધ થવાને કારણે ફ્લાઇટ્સનો સમયગાળો વધ્યો છે.
ટોપ સ્ટોરી
ટ્રેન્ડિંગ સમાચાર
