Tamil Nadu Elections Results 2021: પ્રથમ વખત ચૂંટણી લડી રહેલો આ સ્ટાર એક્ટર હારશે કે જીતશે ? કોણ આપી રહ્યું છે ટક્કર

Tamil Nadu Assembly Election Vote Counting Results 2021: તમિલનાડુની કોયંબટૂર દક્ષિણ વિધાનસભા સીટથી ચૂંટણી લડી રહેલા એક્ટર અને નેતા કમલ હાસન શાનદાર દેખાવ કરી રહ્યા છે. પ્રથમ વખત પોતોની રાજકીય પાર્ટી બનાવીને વિધાનસભા ચૂંટણી લડી રહેલા કમલ હાસનની પ્રતિષ્ઠા પણ દાવ પર લાગી છે.

ફાઈલ તસવીર

ચેન્નઈઃ  દેશભરમાં કોરોના મહામારીના કેર વચ્ચે આસામ, પશ્ચિમ બંગાળ, કેરળ, તામિલનાડુ અને પુડુચેરીમાં વિધાનસભા ચૂંટણીઓ યોજાઈ હતી. આ ચૂંટણીઓના પરિણામ આજે જાહેર થઈ રહ્યા છે. પાંચ રાજ્યોની ચૂંટણીના પરિણામોમાં ભાજપની નજર વધુ રાજ્યોમાં તેનું શાસન ફેલાવવા પર છે.

તમિલનાડુની કોયંબટૂર દક્ષિણ વિધાનસભા સીટથી ચૂંટણી લડી રહેલા એક્ટર અને નેતા કમલ હાસન શાનદાર દેખાવ કરી રહ્યા છે. પ્રથમ વખત પોતોની રાજકીય પાર્ટી બનાવીને વિધાનસભા ચૂંટણી લડી રહેલા કમલ હાસનની પ્રતિષ્ઠા પણ દાવ પર લાગી છે. જોકે સામે આવેલા વલણમાં  સાઉથનો આ સ્ટાર અભિનેતાએ લીડ લીધી છે.  તેનો મુકાબલો કોંગ્રેસના એસ જયકુમાર અને ભાજપના વાનથી શ્રીનિવાસન સાથે છે.

ચૂંટણી પંચની વેબસાઇટ મુજબ, તમિલનાડુ 234 બેઠક પૈકી 230 બેઠકના વલણ સામે આવ્યા છે. જે મુજબ AIADMK 79 સીટ પર, બીજેપી 4 સીટ પર, સીપીઆઈ 2 સીટ પર, સીપીઆઈ(એમ) 2 સીટ પર, ડીએમકે 117 સીટ પર, કોંગ્રેસ 12 પર, કમલ હાસનની એસએનએમ 1 સીટ પર, પીએમકે 10 સીટ પર, વીસીકે 3 સીટ પર આગળ ચાલી રહી છે.

પાંચ રાજ્યોમાં કેટલા બૂથ પર મત ગણતરી

ચૂંટણી પંચે મતગણતરી કેન્દ્રો પર કોરોના માર્ગદર્શિકાઓના પાલનની પૂરી ખાતરી રાખી છે. પાંચ રાજ્યોની કુલ ૮૨૨ વિધાનસભા બેઠકોમાં મતગણતરી માટે ૨,૩૬૪ કેન્દ્રો બનાવવામાં આવ્યા છે, જે ૨૦૧૬માં ૧,૦૦૨ની સરખામણીમાં બમણાથી વધુ છે. દરેક મતગણતરી કેન્દ્ર પર સેનિટાઈઝેશનના ૧૫ રાઉન્ડ કરવામાં આવશે. ઉપરાંત સોશિયલ ડિસ્ટન્સ અને માસ્ક પહેરવા જેવા નિયમોનું કડકાઈથી પાલન કરાશે.

એક્ઝિટ પોલમાં શું થઈ આગાહી

દેશમાં વિવિધ એક્ઝિટ પોલે આગાહી કરી છે કે પશ્ચિમ બંગાળમાં મમતા બેનરજી અને ભાજપ વચ્ચે કાંટે કી ટક્કર જેવી સ્થિતિ છે. જોકે, કેટલાક સર્વે મુજબ મમતા બેનરજી બંગાળમાં સત્તા જાળવી રાખશે અને ભાજપ બીજા નંબરના પક્ષ તરીકે ઊભરી આવશે. આસામમાં ભાજપનું શાસન યથાવત્ રહેશે જ્યારે કેરળમાં ડાબેરી જોડાણ જીતી જવાની સંભાવના વ્યક્ત કરાઈ છે. એક્ઝિટ પોલ મુજબ આસામ અને કેરળમાં કોંગ્રેસનો પનો થોડોક ટૂંકો પડશે જ્યારે પુડુચેરીમાં તે સત્તા ગુમાવે તેવી સંભાવના છે. કોંગ્રેસ માટે એકમાત્ર સારા સમાચાર તામિલનાડુમાંથી મળે છે, જ્યાં ડીએમકેના નેતૃત્વમાં વિપક્ષી જોડાણના વિજયની આગાહી કરવામાં આવી છે. અહીં ભાજપે શાસક અન્નાદ્રમુક સાથે જોડાણ કર્યું છે.