ઘરે બેઠા આ રીતે બનાવો ઇ-શ્રમ કાર્ડ, મળશે અનેક ફાયદાઓ, જાણો સમગ્ર પ્રોસેસ
પોર્ટલ પર નોંધણી કર્યા પછી કામદારોને સરકારી યોજનાઓનો લાભ મળે છે
E-Shram Card Registration: સરકાર દેશના ગરીબ અને શ્રમિકો માટે ઘણી યોજનાઓ ચલાવી રહી છે. માત્ર અસંગઠિત ક્ષેત્રમાં કામ કરતા મજૂરો, ખેતમજૂરો અને ભૂમિહીન ખેડૂતો જ તેનો લાભ લઈ શકે છે. પોર્ટલ પર નોંધણી કર્યા પછી કામદારોને સરકારી યોજનાઓનો લાભ મળે છે
મફત વીમો મળે છે.
ઈ-શ્રમિક કાર્ડ યોજના એ ભારત સરકારની એક યોજના છે, જેનો ઉદ્દેશ્ય અસંગઠિત કામદારોને ઈ-શ્રમિક કાર્ડ તરીકે ઓળખાતા ડિજિટલ ઓળખ કાર્ડ આપવાનો છે. આ કામદારોમાં બાંધકામ, કૃષિ અને ઉત્પાદન જેવા વિવિધ ક્ષેત્રોના કામદારોનો સમાવેશ થાય છે, જેઓ ઘણીવાર નોકરીની સુરક્ષા અથવા લાભો વિના કામ કરે છે.
કોને લાભ મળી શકે?
-શેરી વિક્રેતાઓ
-રિક્ષાચાલક
-વાળંદ
-ધોબી
-દરજી
-મોચી
-ફળ, શાકભાજી અને દૂધ વગેરે વેચનારા લોકો
2 લાખ સુધીનો વીમો ઉપલબ્ધ છે
હાલમાં ઇ-શ્રમ પોર્ટલ પર નોંધાયેલા કામદારોને પ્રધાનમંત્રી સુરક્ષા વીમા યોજના (PMSBY) હેઠળ 2 લાખ રૂપિયા સુધીના વીમા લાભો મળે છે. આમાં કામદારોએ વીમા માટે પ્રીમિયમ ચૂકવવાની જરૂર નથી. જો ઈ-શ્રમિક કાર્ડ ધારક અકસ્માતમાં મૃત્યુ પામે છે અથવા સંપૂર્ણપણે દિવ્યાંગ થઈ જાય છે તો 2 લાખ રૂપિયાની વીમા રકમ મળે છે. આંશિક વિકલાંગતાના કિસ્સામાં 1 લાખ રૂપિયા સુધીનો વીમો મળે છે.
આ દસ્તાવેજોની જરૂર પડશે
ઈ-શ્રમ સાઈટ (SHRAM) પર નોંધણી માટે તમારી ઉંમર 16-59 વર્ષની વચ્ચે હોવી જોઈએ. આ સિવાય શૈક્ષણિક લાયકાત (વૈકલ્પિક) અને વ્યવસાય અને કૌશલ્ય સાથે સંબંધિત દસ્તાવેજો (વૈકલ્પિક) હોવા જોઈએ. આ પોર્ટલ 26 ઓગસ્ટ 2021ના રોજ શરૂ કરવામાં આવ્યું હતું.
ઈ-શ્રમિક કાર્ડ બનાવવા માટે જરૂરી દસ્તાવેજો
-આધાર નંબર
-મોબાઈલ નંબર
-મોબાઈલ નંબર આધાર નંબર સાથે લિંક હોવો જોઈએ.
-બેન્ક એકાઉન્ટ
-શૈક્ષણિક લાયકાત સંબંધિત દસ્તાવેજો. (વૈકલ્પિક)
-વ્યવસાય અને કુશળતા સંબંધિત દસ્તાવેજો. (વૈકલ્પિક)
ઈ-શ્રમ કાર્ડ માટે કેવી રીતે નોંધણી કરવી
-ઇ-શ્રમ register.eshram.gov.in ની સત્તાવાર વેબસાઇટ પર જાવ.
-હોમ પેજ પર અહીં રજીસ્ટ્રેશન પર ક્લિક કરો.
-આ પછી તમારે તમારો આધાર લિંક્ડ મોબાઈલ નંબર નાખવો પડશે.
-તમને એક OTP પ્રાપ્ત થશે, જેમ તમે તેને દાખલ કરશો કે તરત જ ઈ-શ્રમ રજીસ્ટ્રેશન ફોર્મ દેખાશે.
-ફોર્મમાં તમારી વ્યક્તિગત વિગતો, લાયકાત અને બેન્ક વિગતો દાખલ કરો.
-આ પછી તમારું રજીસ્ટ્રેશન પૂર્ણ થઈ જશે.
ટોપ સ્ટોરી
ટ્રેન્ડિંગ સમાચાર
