Kiran Kumar Reddy Joins BJP: આંધ્રપ્રદેશના પૂર્વ CM કિરણ કુમાર રેડ્ડી ભાજપમાં સામેલ, ગત મહિને આપ્યો હતો કોગ્રેસને ઝટકો

આંધ્રપ્રદેશમાં ભાજપે કોંગ્રેસને મોટો ઝટકો આપ્યો છે

ફોટોઃ ટ્વિટર

આંધ્રપ્રદેશમાં ભાજપે કોંગ્રેસને મોટો ઝટકો આપ્યો છે. આંધ્રના પૂર્વ સીએમ કિરણ કુમાર રેડ્ડી ભાજપમાં જોડાયા છે. કિરણ કુમાર રેડ્ડીએ સંયુક્ત આંધ્ર પ્રદેશના મુખ્યમંત્રી તરીકે સેવા આપી હતી. તેઓ નવી દિલ્હીમાં ભારતીય જનતા પાર્ટીમાં જોડાયા હતા. આ પ્રસંગે કેન્દ્રીય મંત્રી પ્રહલાદ જોશીએ કહ્યું કે 'કિરણ કુમાર રેડ્ડીના પરિવારના ઘણા સભ્યો કોંગ્રેસમાં હતા. થોડા સમય પહેલા જ્યારે હું તેમને મળ્યો ત્યારે તેમણે મને કહ્યું કે તેઓ પીએમ મોદીથી પ્રભાવિત છે. આજે એક મોટી છલાંગ લગાવીને તેઓ ભાજપમાં જોડાઈ રહ્યા છે.

#WATCH | Kiran Kumar Reddy, who served as the CM of united Andhra Pradesh, joins Bharatiya Janata Party in Delhi pic.twitter.com/WrlGjG5Uwr

— ANI (@ANI) April 7, 2023

જોશીએ કહ્યું કે તેઓ ભ્રષ્ટાચાર સામેની અમારી લડાઈને વધુ મજબૂત કરશે કારણ કે ધારાસભ્ય અને મંત્રી તરીકે તેમની છબી ખૂબ જ સ્વચ્છ છે. આંધ્રપ્રદેશમાં ભાજપ માટે આ એક મોટું પ્રોત્સાહન હશે.શુક્રવારે કેન્દ્રીય મંત્રી પ્રહલાદ જોશી, ભાજપના રાષ્ટ્રીય મહાસચિવ અરુણ સિંહ અને પાર્ટીના મુખ્ય પ્રવક્તા અનિલ બલુનીની હાજરીમાં કોંગ્રેસના પૂર્વ નેતા અને અવિભાજિત આંધ્રપ્રદેશના છેલ્લા મુખ્યમંત્રી સ્વ. એન. કિરણ કુમાર રેડ્ડી ભાજપમાં જોડાયા. આ વર્ષે માર્ચમાં રેડ્ડીએ કોંગ્રેસના પ્રાથમિક સભ્યપદેથી રાજીનામું આપી દીધું હતું.

#WATCH | "I had never imagined that I'll have to leave Congress...There is a saying- 'My king is very intelligent, he doesn't think on his own, doesn't listens to anyone's advice', "says former Congress leader Kiran Kumar Reddy on joining BJP in Delhi. pic.twitter.com/8s43F09WxK

— ANI (@ANI) April 7, 2023

આંધ્રપ્રદેશના પૂર્વ મુખ્યમંત્રી કિરણ કુમાર રેડ્ડી કોંગ્રેસમાં જોડાયા

સપ્ટેમ્બર 1959 માં જન્મેલા રેડ્ડીએ 25 નવેમ્બર 2010 થી 01 માર્ચ 2014 સુધી અવિભાજિત આંધ્ર પ્રદેશના 16મા મુખ્ય પ્રધાન તરીકે સેવા આપી હતી. 2 જૂન, 2014ના રોજ તેલંગાણા રાજ્યની રચના પહેલા તેઓ સંયુક્ત આંધ્રપ્રદેશના છેલ્લા મુખ્યમંત્રી હતા. કિરણ કુમાર રેડ્ડીએ કોંગ્રેસ પાર્ટી અધ્યક્ષ મલ્લિકાર્જુન ખડગેને રાજીનામું પત્ર મોકલીને કોંગ્રેસ છોડવાનો નિર્ણય લીધો હતો. નવી દિલ્હીમાં બીજેપી હેડક્વાર્ટર ખાતે ભાજપમાં જોડાવાનો સમારોહ યોજાયો હતો. કિરણ કુમારે 2014માં આંધ્ર પ્રદેશનું વિભાજન કરીને તેલંગણાને અલગ રાજ્ય બનાવવાના તત્કાલીન યુપીએ સરકારના નિર્ણયના વિરોધમાં કોંગ્રેસ પાર્ટીમાંથી રાજીનામું આપ્યું હતું. તેમણે પોતાની પાર્ટી 'જય સમૈક્ય આંધ્ર'ની રચના કરી અને 2014ની ચૂંટણીમાં કેટલાક મતવિસ્તારોમાં ઉમેદવારો પણ ઊભા કર્યા.