પૂર્વ મુખ્યમંત્રીના પૌત્ર પ્રજ્વલ રેવન્નાને બળાત્કાર કેસમાં આજીવન કેદની સજા, નોકરાણી પરના અત્યાચાર બદલ કોર્ટે દોષિત ઠેરવ્યો
આ કેસ હાસન જિલ્લાના હોલેનારસીપુરામાં તેમના ફાર્મહાઉસમાં કામ કરતી એક 48 વર્ષીય મહિલા (ગૃહિણી) પર બળાત્કાર કરવા સંબંધિત છે. પ્રજ્વલ પર 50 થી વધુ મહિલાઓનું જાતીય શોષણ કરવાનો આરોપ છે.
Prajwal Revanna rape case: પૂર્વ સાંસદ પ્રજ્વલ રેવન્નાને બળાત્કારના એક કેસમાં કોર્ટે દોષિત ઠેરવીને આજીવન કેદની સજા સંભળાવી છે. આ કેસ હાસન જિલ્લાના હોલેનારસીપુરામાં તેમના ફાર્મહાઉસમાં કામ કરતી એક 48 વર્ષીય ગૃહિણી સાથે સંબંધિત છે, જેની સાથે 2021 માં બે વાર બળાત્કાર થયો હતો અને આરોપીએ તેનો વીડિયો પણ રેકોર્ડ કર્યો હતો. ગયા વર્ષે કર્ણાટક સેક્સ કૌભાંડ સામે આવ્યા બાદ પ્રજ્વલ નું નામ ચર્ચામાં આવ્યું હતું, જેમાં તેમના પર 50 થી વધુ મહિલાઓનું શોષણ કરવાનો આરોપ છે. JDS એ તેમને પાર્ટીમાંથી સસ્પેન્ડ કર્યા હતા અને 35 દિવસ સુધી ગુમ રહ્યા બાદ તેમની બેંગલુરુ એરપોર્ટ પરથી ધરપકડ કરવામાં આવી હતી.
ગૃહિણી પર બળાત્કારનો કેસ
આ કેસ હસન જિલ્લાના હોલેનારસીપુરામાં રેવન્ના પરિવારના ફાર્મહાઉસમાં નોકરાણી તરીકે કામ કરતી એક 48 વર્ષીય મહિલા સાથે સંબંધિત છે. તપાસમાં બહાર આવ્યું છે કે 2021 માં આ મહિલા પર ફાર્મહાઉસ અને બેંગલુરુ સ્થિત રેવન્નાના નિવાસસ્થાને બે વાર બળાત્કાર કરવામાં આવ્યો હતો. આ કૃત્યની ગંભીરતા એ વાતથી વધી જાય છે કે આરોપીએ આ ઘટનાઓનો વીડિયો પણ પોતાના મોબાઈલ ફોનમાં રેકોર્ડ કર્યો હતો.
કર્ણાટક સેક્સ કૌભાંડ અને પ્રજ્વલ
ગયા વર્ષે, એટલે કે 2024 ની લોકસભા ચૂંટણી દરમિયાન, કર્ણાટક સેક્સ કૌભાંડ સામે આવ્યા બાદ પ્રજ્વલ રેવન્ના નું નામ દેશભરમાં ચર્ચામાં આવ્યું હતું. તેમના પર 50 થી વધુ મહિલાઓનું જાતીય શોષણ કરવાનો ગંભીર આરોપ છે. અત્યાર સુધી તેમના વિરુદ્ધ બળાત્કાર, છેડતી, બ્લેકમેલિંગ અને ધમકી આપવા જેવા આરોપો હેઠળ 4 FIR નોંધવામાં આવી છે. આ કૌભાંડની શરૂઆત ત્યારે થઈ જ્યારે પ્રજ્વલના ઘરમાં કામ કરતી એક મહિલાએ તેમની સામે જાતીય શોષણની ફરિયાદ કરી.
Karnataka | Expelled JDS Leader and former Lok Sabha MP Prajwal Revanna sentenced to life imprisonment by the Special Court for People's Representatives in connection with a rape case of a domestic worker at a farmhouse in Holenarasipura in Hassan district
— ANI (@ANI) August 2, 2025
(file pic) pic.twitter.com/YGEVpwzICR
પેન ડ્રાઇવ અને SIT તપાસ
એપ્રિલ 26, 2024 ના રોજ, બેંગલુરુના જાહેર સ્થળોએ અનેક પેન ડ્રાઇવ મળી આવી હતી. એવો દાવો કરવામાં આવ્યો હતો કે આ પેન ડ્રાઇવ્સમાં 3,000 થી 5,000 વીડિયો ક્લિપ્સ હતી, જેમાં પ્રજ્વલ અનેક મહિલાઓનું જાતીય શોષણ કરતો જોવા મળ્યો હતો. આ વીડિયોમાં મહિલાઓના ચહેરા પણ સ્પષ્ટ રીતે દેખાતા હતા. આ મામલો વધુ વકરતા રાજ્ય સરકારે SIT (સ્પેશિયલ ઇન્વેસ્ટિગેશન ટીમ) ની રચના કરી. SIT ની તપાસમાં ખુલાસો થયો કે પ્રજ્વલે 22 થી 61 વર્ષની ઉંમરની 50 થી વધુ મહિલાઓનું જાતીય શોષણ કર્યું હતું. આમાંથી લગભગ 12 મહિલાઓ પર બળજબરીથી બળાત્કાર કરવામાં આવ્યો હતો, જ્યારે બાકીની મહિલાઓને સબ-ઇન્સ્પેક્ટર, તહસીલદાર, કે ફૂડ વિભાગમાં નોકરી જેવા વિવિધ પ્રકારના લાભોની લાલચ આપીને શિકાર બનાવવામાં આવી હતી.
દેશ છોડીને ભાગી જવું અને ધરપકડ
પ્રજ્વલ રેવન્ના 2024 ની લોકસભા ચૂંટણીમાં હાસન સંસદીય બેઠક પરથી વર્તમાન સાંસદ હોવા છતાં, ચૂંટણીના બીજા જ દિવસે, એપ્રિલ 27, 2024 ના રોજ, તે દેશ છોડીને જર્મની ભાગી ગયા. 35 દિવસ સુધી ગુમ રહ્યા બાદ, જ્યારે તે મે 31 ના રોજ ભારત પાછા ફર્યા, ત્યારે પોલીસે તેમને બેંગલુરુ એરપોર્ટ પરથી જ ધરપકડ કરી લીધી. તેમના દાદા અને પૂર્વ વડાપ્રધાન એચ.ડી. દેવેગૌડાએ પણ તેમને ભારત પાછા ફરવાની ચેતવણી આપી હતી અને કહ્યું હતું કે જો તે કાયદાનો સામનો નહીં કરે, તો તેમને પરિવારનો ગુસ્સો સહન કરવો પડશે. JDS એ પણ આ કેસ બાદ તેમને પાર્ટીમાંથી સસ્પેન્ડ કર્યા હતા. આ આજીવન કેદની સજા આ કેસમાં એક મહત્વપૂર્ણ ન્યાયિક વળાંક દર્શાવે છે.
ટોપ સ્ટોરી
ટ્રેન્ડિંગ સમાચાર
