ડીવાય ચંદ્રચૂડ બાદ કઇ રીતે પસંદ કરવામાં આવશે નવા CJI ? જાણો શું હોય છે તેની પ્રૉસેસ
CJI Process: ભારતમાં મુખ્ય ન્યાયાધીશની પસંદગી સ્થાપિત પ્રક્રિયા અનુસાર કરવામાં આવે છે. સામાન્ય રીતે આ પદ ફક્ત સુપ્રીમ કોર્ટના સૌથી વરિષ્ઠ જજને આપવામાં આવે છે
CJI Process: ભારતના વર્તમાન મુખ્ય ન્યાયાધીશ ડી.વાય. ચંદ્રચૂડ નિવૃત્ત થયા પછી જસ્ટિસ સંજીવ ખન્નાને તેમના અનુગામી તરીકે નામાંકિત કરવામાં આવ્યા છે. તમને જણાવી દઈએ કે CJI ચંદ્રચૂડ 10 નવેમ્બર 2024ના રોજ નિવૃત્ત થવા જઈ રહ્યા છે. સંજીવ ખન્નાની નિમણૂક પરંપરાગત પ્રક્રિયાને અનુસરે છે જેમાં વર્તમાન મુખ્ય ન્યાયાધીશ તેમના અનુગામીનું સૂચન કરે છે.
ન્યાયમૂર્તિ સંજીવ ખન્ના કોણ છે ?
જસ્ટિસ ખન્નાએ તેમની કારકિર્દી વકીલ તરીકે શરૂ કરી અને બાદમાં દિલ્હી હાઈકોર્ટ અને સુપ્રીમ કોર્ટમાં જજ તરીકે સેવા આપી. તેમણે દિલ્હીના મુખ્ય પ્રધાન અરવિંદ કેજરીવાલને વચગાળાના જામીન આપવા અને ઈલેક્ટ્રોનિક વોટિંગ મશીન દ્વારા પડેલા મતોની ચકાસણીની માંગ કરતી અરજીને ફગાવી દેવા સહિત ઘણા મહત્વપૂર્ણ કેસોમાં ચુકાદાઓ આપ્યા છે.
નવા મુખ્ય ન્યાયાધીશની પસંદગી કઇ રીતે થાય છે ?
ભારતમાં મુખ્ય ન્યાયાધીશની પસંદગી સ્થાપિત પ્રક્રિયા અનુસાર કરવામાં આવે છે. સામાન્ય રીતે આ પદ ફક્ત સુપ્રીમ કોર્ટના સૌથી વરિષ્ઠ જજને આપવામાં આવે છે. જો કે, એવું જરૂરી નથી કે માત્ર સૌથી વરિષ્ઠ જજને જ આ પદ મળે. કેટલીકવાર સરકાર અન્ય પરિબળોને પણ ધ્યાનમાં લઈ શકે છે, જેમ કે ન્યાયાધીશની લાયકાત અને અનુભવ.
નવી નિયુક્તિનું મહત્વ
જસ્ટિસ ખન્નાની નિમણૂક એ ભારતના ન્યાયતંત્ર માટે એક મહત્વપૂર્ણ ઘટના છે. તેઓ દેશની સર્વોચ્ચ અદાલતના વડા હશે અને તેમના નિર્ણયોની દેશની કાયદો અને ન્યાય વ્યવસ્થા પર ઊંડી અસર પડશે.
આગળ શું હશે ?
સરકાર ટૂંક સમયમાં જસ્ટિસ ખન્નાની નિમણૂકનું નૉટિફિકેશન બહાર પાડશે. આ પછી તેઓ 10 નવેમ્બર, 2024 થી ભારતના 51મા મુખ્ય ન્યાયાધીશ તરીકે કાર્યભાર સંભાળશે.
આ પણ વાંચો
General Knowledge: આ છે વિશ્વનું સૌથી લાંબું જીન્સ પેન્ટ, માત્ર બટનનું વજન છે 3600 કિલો
Before You Go
Electricity Crisis: રાજ્યમાં વીજ સંકટ પર સરકારે તોડ્યું મૌન?
ટોપ સ્ટોરી
ટ્રેન્ડિંગ સમાચાર
