Uddhav Thackeray PC: ઉદ્ધવ ઠાકરેએ એકનાથ શિંદે પર સાધ્યું નિશાન, કહ્યુ- 'સત્તા માટે રાતોરાત થયો ખેલ, આ શિવસેનાના મુખ્યમંત્રી નથી'

મહારાષ્ટ્રના પૂર્વ મુખ્યમંત્રી અને શિવસેના પ્રમુખ ઉદ્ધવ ઠાકરે રાજીનામું આપ્યા બાદ પ્રથમવાર મીડિયા સમક્ષ આવ્યા હતા

ફાઇલ તસવીર

Uddhav Thackeray Press Conference: મહારાષ્ટ્રના પૂર્વ મુખ્યમંત્રી અને શિવસેના પ્રમુખ ઉદ્ધવ ઠાકરે રાજીનામું આપ્યા બાદ પ્રથમવાર મીડિયા સમક્ષ આવ્યા હતા. દરમિયાન પ્રેસ કોન્ફરન્સને સંબોધતા ઉદ્ધવે કહ્યું કે, એવું કહેવામાં આવી રહ્યું છે કે સીએમ શિવસેનાના છે, તે ખોટું છે. શિંદે શિવસેનાના સીએમ નથી. ઉદ્ધવે કહ્યું કે સત્તા માટે રાતોરાત રમત રમાઈ રહી છે. મુંબઈના લોકોને અપીલ કરતાં તેમણે કહ્યું કે પર્યાવરણને બગાડે એવું કોઈ કામ ન કરો. 

The manner in which Govt has been formed & a so-called Shiv Sena worker has been made CM, I had said the same to Amit Shah. This could've been done respectfully. The Shiv Sena was officially with you (at that time). This CM (Eknath Shinde) is not a Shiv Sena CM: Uddhav Thackeray pic.twitter.com/KBw0VeTvVd

— ANI (@ANI) July 1, 2022

ઉદ્ધવ ઠાકરેએ કહ્યું કે મારા દિલમાંથી મહારાષ્ટ્રને કોઈ દૂર કરી શકશે નહીં. તેમણે કહ્યું કે લોકશાહીના ચાર સ્તંભ છે. પરંતુ જો લોકોને તેમનામાં વિશ્વાસ ન હોય તો? ઉદ્ધવ ઠાકરેએ પણ આ દરમિયાન નવી સરકારને અભિનંદન પાઠવ્યા હતા. પરંતુ સાથે જ એમ પણ કહ્યું હતું કે મહારાષ્ટ્રને બરબાદ ના કરો. 

About what happened yesterday, I had told Amit Shah earlier as well that there should be a Shiv Sena CM for 2.5 years (during Shiv Sena-BJP alliance). Had they done this earlier, there would've been no Maha Vikas Aghadi: Shiv Sena leader and former Maharashtra CM Uddhav Thackeray pic.twitter.com/dFFrJ6qcyN

— ANI (@ANI) July 1, 2022

 ઠાકરેએ કહ્યું હતું કે દરેક મતદારને અધિકાર હોવો જોઈએ કે તે જેને વોટ આપી રહ્યો છે તેને પાછો બોલી શકે. બધાએ જોયું કે કેવી રીતે મારી પીઠ પર ખંજર મારવામાં આવ્યું હતું. જો ભાજપે મને આપેલું વચન પાળ્યું હોત તો ઓછામાં ઓછા અઢી વર્ષ માટે તેમનો પોતાનો મુખ્યમંત્રી હોત. મહારાષ્ટ્રમાં બધું જ અગાઉથી નક્કી હતું. પરંતુ હું મહારાષ્ટ્રના લોકોનો આભારી છું. હું વચન આપું છું કે સત્તા માટે હું ક્યારેય દગો નહીં કરું.

 વાત માની લીધી હોત તો MVAનો જન્મ ના થયો હોત 

આ પ્રેસ કોન્ફરન્સમાં ઉદ્ધવે કહ્યું કે, મારો ગુસ્સો મુંબઈના લોકો પર ન કાઢો. મેટ્રો શેડની દરખાસ્તમાં ફેરફાર કરશો નહીં. મુંબઈના પર્યાવરણ સાથે રમત ન કરો. તેમણે કહ્યું કે, ગઈકાલે જે થયું, હું અમિત શાહને 2.5 વર્ષ સુધી શિવસેનાના મુખ્યપ્રધાન રહેવાનું કહી રહ્યો હતો અને એવું જ થયું. જો પહેલાથી જ આવું કર્યું હોત તો મહા વિકાસ અઘાડીનો જન્મ થયો ન હોત. જે રીતે સરકાર બની અને શિવસેનાના કહેવાતા કાર્યકરને મુખ્યમંત્રી બનાવવામાં આવ્યો.