Independence Day 2025: ભારત જ નહીં આ 4 દેશો પણ 15મી ઓગસ્ટના દિવસે મનાવે છે સ્વતંત્રતા દિવસ
Independence Day 2025: હાલ દેશભરમાં સ્વતંત્રતા દિવસની તૈયારીઓ ચાલી રહી છે. 15 ઓગસ્ટ, 1947 ના રોજ દેશે ગુલામીની બેડીઓ તોડીને, આઝાદીનું સવાર જોયું હતું
Independence Day 2025: ભારતમાં આઝાદીના પર્વની ઉજવણીને લઇને તંત્ર સજ્જ છે, સાથે સાથે નાગરિકો પણ જોશીલા પર્વને મનાવવા માટે તૈયાર છે, આ વખતે 15મી ઓગસ્ટને ખાસ રીતે ઉજવવામાં આવશે. આ વખતે 79માં સ્વતંત્રતા દિવસને ખાસ બનાવવા માટે વિવિધ તૈયારીઓ શરૂ થઇ છે, પરતુ આ બધાની વચ્ચે કેટલાક ખાસ વાતો પણ જાણી લઇએ. આ વર્ષે દેશ તેનો 79મો સ્વતંત્રતા દિવસ ઉજવવા જઈ રહ્યો છે. 15 ઓગસ્ટ 1947ના રોજ દેશને અંગ્રેજોની ગુલામીથી આઝાદી મળી હતી. ત્યારથી દર વર્ષે આ દિવસે સ્વતંત્રતા દિવસની ઉજવણી કરવામાં આવે છે. જો કે 15મી ઓગસ્ટે આઝાદ થનારો ભારત એકમાત્ર દેશ નથી. આવો જાણીએ 15 ઓગસ્ટના રોજ આઝાદી મેળવનાર અન્ય કયા દેશો છે.
હાલ દેશભરમાં સ્વતંત્રતા દિવસની તૈયારીઓ ચાલી રહી છે. 15 ઓગસ્ટ, 1947 ના રોજ દેશે ગુલામીની બેડીઓ તોડીને, આઝાદીનું સવાર જોયું હતું. ત્યારથી દર વર્ષે 15 ઓગસ્ટને સ્વતંત્રતા દિવસ તરીકે ઉજવવામાં આવે છે. આ ક્રમમાં, ભારત આ વર્ષે તેનો 79મો સ્વતંત્રતા દિવસ ઉજવવા જઈ રહ્યું છે. જો કે, 15મી ઓગસ્ટે પોતાની સ્વતંત્રતાની ઉજવણી કરનાર ભારત એકમાત્ર દેશ નથી. ભારતની સાથે એવા ચાર દેશો પણ છે જે 15મી ઓગસ્ટે સ્વતંત્રતા દિવસની ઉજવણી કરે છે. ચાલો જાણીએ ક્યા છે આ દેશો છે.
ભારત સહિત આ ચાર દેશો પણ 15મી ઓગસ્ટે મનાવે છે સ્વતંત્રતા દિવસ
1. ઉત્તર અને દક્ષિણ કોરિયા -
ઉત્તર કોરિયા અને દક્ષિણ કોરિયા બંને દર વર્ષે 15 ઓગસ્ટને રાષ્ટ્રીય મુક્તિ દિવસ તરીકે ઉજવે છે. આ દિવસે બીજા વિશ્વયુદ્ધના અંતે કોરિયાએ જાપાનની 35 વર્ષની ગુલામીમાંથી મુક્તિ મેળવી હતી. આઝાદીના ત્રણ વર્ષ પછી કોરિયા ઉત્તર કોરિયા અને દક્ષિણ કોરિયામાં વિભાજિત થયું. દક્ષિણ કોરિયામાં આ દિવસને 'ગ્વાંગબોકજેઓલ' તરીકે ઓળખવામાં આવે છે (જેનો અર્થ છે પ્રકાશ પાછો ફર્યો,), જ્યારે ઉત્તર કોરિયામાં તે 'ચોગુખાએબાંગુઈ નાલ' (અર્થ, "પિતૃભૂમિની મુક્તિનો દિવસ") તરીકે ઓળખાય છે.
2. લિક્ટેનસ્ટેઇન -
લિક્ટેંસ્ટાઇન પણ 15 ઓગસ્ટે તેનો રાષ્ટ્રીય દિવસ ઉજવે છે. આ વિશ્વનો છઠ્ઠો સૌથી નાનો દેશ છે, લિક્ટેંસ્ટાઇને, 1866માં જર્મન શાસનથી આઝાદી મળી હતી. તે ઓસ્ટ્રિયા અને સ્વિટ્ઝર્લેન્ડ વચ્ચે યુરોપિયન આલ્પ્સમાં સ્થિત છે. આ દેશ 1940થી 15 ઓગસ્ટને તેના રાષ્ટ્રીય દિવસ તરીકે ઉજવે છે. 5 ઓગસ્ટ, 1940 ના રોજ, લિક્ટેંસ્ટાઇનની સરકારે સત્તાવાર રીતે 1રાષ્ટ્રીય રજા જાહેર કરી છે
3. રિપબ્લિક ઓફ કોર્ગો -
કોંગો એ આફ્રિકા ખંડની મધ્યમાં આવેલો લોકશાહી દેશ છે. ભારતની આઝાદીના 13 વર્ષ બાદ 15 ઓગસ્ટ 1960ના રોજ આ દેશને આઝાદી મળી હતી. આ પહેલા 1880 થી આઝાદી સુધી ફ્રાન્સના કબજામાં હતું. કોંગો એ આફ્રિકન ખંડનો વિસ્તારની દ્રષ્ટિએ ત્રીજો સૌથી મોટો દેશ છે.
4. બહેરીન -
15 ઓગસ્ટ, 1971ના રોજ બહેરીન પર બ્રિટિશ શાસનનો આવ્યો હતો. ભારતને આઝાદી મળ્યાના બે દાયકાથી વધુ સમય પછી બહેરીન આ દિવસે તેની સ્વતંત્રતા જાહેર કરી હતી. જો કે, આ દેશ આ દિવસે તેનો સ્વતંત્રતા દિવસ ઉજવતો નથી. 15 ઓગસ્ટને બદલે, બહેરીન સ્વર્ગસ્થ શાસક ઇસા બિન સલમાન અલ ખલીફાના સિંહાસન પર 16 ડિસેમ્બરને ધ્વજ ફરકાવે છે અને આ દિવસને રાષ્ટ્રીય દિવસ તરીકે ઉજવે છે.
ટોપ સ્ટોરી
ટ્રેન્ડિંગ સમાચાર
