Coronavirus Cases Today: કોરોના ધારણ કરી રહ્યો છે વિકરાળ રૂપ, એક્ટિવ કેસનો આંકડો 40 હજારને પાર

Covid-19: કોરોના સંક્રમણના મામલા ફરી એકવાર હાહાકાર મચાવી રહ્યા છે. છેલ્લા એક સપ્તાહમાં દેશના ઘણા રાજ્યોમાં કોરોના સંક્રમણના ચોંકાવનારા આંકડા સામે આવ્યા છે.

ફાઈલ તસવીર

Source : Getty

India Corona Cases: ભારતમાં કોરોનાના કેસમાં સતત વધારો થઈ રહ્યો છે. સ્વાસ્થ્ય મંત્રાલયના જણાવ્યા મુજબ, દેશમાં છેલ્લા 24 કલાકમાં કોરોનાના 7830 નવા કેસ નોંધાયા છે, એક્ટિવ કેસનો આંકડો 40,215 પર પહોંચ્યો છે. દેશમાં કોરોનાથી કુલ મૃત્યુઆંક 5,31,016 પર પહોંચ્યો છે, જ્યારે અત્યાર સુધીમાં 4,42,04,771 લોકો કોરોનાને મ્હાત આપી ચુક્યા છે. દેશમાં રસીકરણનો આંકડો 220,66,24,326 પર પહોંચ્યો છે.

કોરોના સંક્રમણના મામલા ફરી એકવાર હાહાકાર મચાવી રહ્યા છે. છેલ્લા એક સપ્તાહમાં દેશના ઘણા રાજ્યોમાં કોરોના સંક્રમણના ચોંકાવનારા આંકડા સામે આવ્યા છે. દિલ્હી, મહારાષ્ટ્ર અને કેરળમાં લોકોની ચિંતા વધી રહી છે. સંક્રમણની ઝડપને જોતા ફરી એકવાર કોરોનાની નવી લહેર આવવાની સંભાવના વ્યક્ત કરવામાં આવી રહી છે. કેન્દ્રીય સ્વાસ્થ્ય મંત્રાલયે રાજ્યોને વાયરસના વધતા જતા ફેલાવાને ધ્યાનમાં રાખીને એલર્ટ રહેવા જણાવ્યું છે.

Covid-19 | India's active caseload jumps to 40,215 with 7,830 new cases in the last 24 hours pic.twitter.com/vpJHbMKVfF

— ANI (@ANI) April 12, 2023

કોવિન પોર્ટલ પર બુક કરાવી શકાય છે કોવોવેક્સ બૂસ્ટર ડોઝ

દેશના ઘણા રાજ્યોમાં કોરોના વાયરસના વધતા જતા કેસોની વચ્ચે, સોમવારે કેન્દ્ર સરકારે કોવિન પોર્ટલમાં સીરમ ઇન્સ્ટિટ્યૂટની કોવેક્સ રસીને પુખ્ત વયના લોકો માટે હેટરોલોગસ બૂસ્ટર ડોઝ તરીકે સામેલ કરવાની મંજૂરી આપી છે. મંગળવારે (11 એપ્રિલ) SERUM સંસ્થાના CEO અદાર પૂનાવાલાએ જણાવ્યું કે Covax હવે COWIN પોર્ટલ પર ઉપલબ્ધ છે.

અદાર પૂનાવાલાએ ટ્વિટ કર્યું કે ઓમિક્રોન XBB અને તેના પ્રકારો સાથે કોવિડના કેસ ફરી વધી રહ્યા છે, તે વૃદ્ધો માટે ગંભીર હોઈ શકે છે. હું વૃદ્ધો માટે સૂચન કરીશ કે માસ્ક પહેરો અને Covax બૂસ્ટર લો જે હવે Covin એપ પર ઉપલબ્ધ છે. તે તમામ વેરિઅન્ટ સામે અસરકારક છે અને અમેરિકા અને યુરોપમાં માન્ય છે.

કોવેક્સનો કેટલો ખર્ચ થશે?

કોવેક્સની કિંમત રૂ. 225 પ્રતિ ડોઝ હશે. આ સિવાય કિંમત પર પણ GST લાગુ થશે. હેટરોલોગસ બૂસ્ટરનો અર્થ એ છે કે જો કોઈ વ્યક્તિએ અગાઉ રસી લીધી હોય, તો તેને બૂસ્ટર ડોઝ તરીકે બીજી કંપની દ્વારા રસી અપાવી શકાય છે.

મંજૂરી ક્યારે મળી?

સીરમ ઈન્સ્ટિટ્યૂટ ઓફ ઈન્ડિયાના ડાયરેક્ટર પ્રકાશ કુમાર સિંહે 27 માર્ચે કેન્દ્રીય સ્વાસ્થ્ય મંત્રાલયને એક પત્ર લખ્યો હતો, ત્યારબાદ સોમવારે કોવિન પોર્ટલ માટે તેને મંજૂરી આપવામાં આવી હતી. ડ્રગ્સ કંટ્રોલર જનરલ ઓફ ઈન્ડિયા (GCGI) એ 16 જાન્યુઆરીએ કોવિશિલ્ડ અથવા કોવેક્સિનના બે ડોઝ લીધા હોય તેવા લોકો માટે કોવેક્સ રસીના બજાર અધિકૃતતાને મંજૂરી આપી હતી. આ રસીને પહેલાથી જ વર્લ્ડ હેલ્થ ઓર્ગેનાઈઝેશન (WHO) અને USFDA વગેરેની મંજૂરી મળી ગઈ છે.