ઇઝરાયલ સાથેના યુદ્ધ વચ્ચે ઈરાને 1,000 ભારતીયોને દિલ્હી મોકલવા પોતાનું હવાઈ ક્ષેત્ર ખોલ્યું!
ઈરાન અને ઈઝરાયેલ વચ્ચે તણાવ ચરમસીમાએ પહોંચ્યો છે, જેમાં બંને દેશો એકબીજા પર મિસાઈલ હુમલા કરી રહ્યા છે. આ પરિસ્થિતિમાં ત્યાં રહેતા સામાન્ય નાગરિકો અસુરક્ષિત અનુભવી રહ્યા છે.
Iran airspace reopens: ઈઝરાયેલ સાથે ચાલી રહેલા ભયાવહ યુદ્ધના તબક્કા વચ્ચે, ઈરાને એક મહત્વપૂર્ણ નિર્ણય લીધો છે. મિસાઈલ હુમલાઓને કારણે સામાન્ય નાગરિકો માટે વધતી મુશ્કેલીઓ અને બંધ કરાયેલા પોતાના હવાઈ ક્ષેત્રમાં અપવાદ આપીને, ઈરાને ભારતીય નાગરિકોને બહાર કાઢવા માટે તેને ફરીથી ખોલી દીધું છે. આના પરિણામે, આજે રાત્રે લગભગ 1,000 ભારતીય નાગરિકો ઈરાનથી પોતાના વતન નવી દિલ્હી પરત ફરશે.
ઓપરેશન સિંધુ હેઠળ વિશેષ એરલિફ્ટ
ઈરાન અને ઈઝરાયેલ વચ્ચે તણાવ ચરમસીમાએ પહોંચ્યો છે, જેમાં બંને દેશો એકબીજા પર મિસાઈલ હુમલા કરી રહ્યા છે. આ પરિસ્થિતિમાં ત્યાં રહેતા સામાન્ય નાગરિકો અસુરક્ષિત અનુભવી રહ્યા છે. આવા સમયે, ભારતીય સમુદાયના લોકોને સુરક્ષિત રીતે બહાર કાઢવા માટે ઈરાને આ માનવીય પગલું ભર્યું છે. ભારતીય નાગરિકોને ઈરાનથી દિલ્હી લાવવા માટે મશહદથી ખાસ એર ચાર્ટર્ડ ફ્લાઈટ્સનું આયોજન કરવામાં આવ્યું છે, અને આ ભારતીયો ઈરાનના જ વિમાનમાં પોતાના વતન પરત ફરશે.
ઈરાનના સ્થાનિક અધિકારીઓએ આ ચાર્ટર્ડ ફ્લાઈટ્સની વ્યવસ્થાની પુષ્ટિ કરી છે અને ભારપૂર્વક જણાવ્યું છે કે આ કામગીરીનો મુખ્ય હેતુ વધતા પ્રાદેશિક તણાવ વચ્ચે ભારતીય નાગરિકોની સલામતી સુનિશ્ચિત કરવાનો છે. ભારત સરકારે બે દિવસ પહેલા જ 'ઓપરેશન સિંધુ' શરૂ કર્યું હતું, જેનો હેતુ ઈરાનમાં ફસાયેલા ભારતીય નાગરિકોને વતન પરત ફરવામાં મદદ કરવાનો છે. ઈઝરાયેલ તરફથી વધતા લશ્કરી હુમલાઓને કારણે મધ્ય પૂર્વમાં તણાવ ચરમસીમાએ પહોંચ્યો છે.
#WATCH | Delhi | Iranian Deputy Chief of Mission in India Mohammad Javad Hosseini says, "...We have shown some of the new capabilities, even the Israelis were shocked... If they are looking for peace, we have told the countries that before condemning Israel, any ceasefire is… pic.twitter.com/P4Xo0Fk0eI
— ANI (@ANI) June 20, 2025
ઈરાનની ભારત પાસે નિંદાની માંગ
દરમિયાન, ઈરાને ભારતને ઈઝરાયેલ દ્વારા કરવામાં આવી રહેલા હુમલાઓની નિંદા કરવા માટે અપીલ કરી છે. ઈરાને જણાવ્યું છે કે જો ભારત આમ નહીં કરે, તો તે "હુમલાખોરોને પ્રોત્સાહન આપશે, જેઓ બીજાઓને પોતાનાથી નીચા માને છે અને ઇઝરાયલ પોતાને પીડિત કહીને આક્રમકની ભૂમિકા ભજવે છે."
ભારતમાં ઈરાની મિશનના ડેપ્યુટી ચીફ મોહમ્મદ જાવેદ હુસૈનીએ સમાચાર એજન્સી ANI સાથે વાત કરતા કહ્યું કે, "ઈરાને તાજેતરનો હુમલો કરીને પોતાની લશ્કરી ક્ષમતાઓ દર્શાવી છે, જેનાથી ઈઝરાયલ પણ આશ્ચર્યચકિત થઈ ગયું છે. જો તેઓ શાંતિ ઇચ્છતા હોય, તો અમે દેશોને કહ્યું છે કે તેઓ પહેલા ઇઝરાયલ દ્વારા કરવામાં આવી રહેલા હુમલાઓની નિંદા કરે. તે પહેલાં યુદ્ધવિરામ નકામું છે. ઈરાન લાંબા સંઘર્ષ માટે તૈયાર છે. ઈરાન અને ઇઝરાયલ વચ્ચેનો સંઘર્ષ ભારત જેવા પડોશી દેશોના હિતમાં નહીં હોય. આ સંઘર્ષથી દરેકને અસર થશે." આ નિવેદન દર્શાવે છે કે ઈરાન આંતરરાષ્ટ્રીય સ્તરે રાજદ્વારી સમર્થન મેળવવા પ્રયાસ કરી રહ્યું છે.
ટોપ સ્ટોરી
ટ્રેન્ડિંગ સમાચાર
