ઓપરેશન સિંદૂર: પાકિસ્તાનનું ભયંકર જૂઠાણું ખુલ્યું, નાયબ વડાપ્રધાન ઇશાક ડારે સ્વીકાર્યું: 'હા, ભારતે અમારા એરબેઝ…..'

Operation Sindoor: ભારતે બ્રહ્મોસ મિસાઇલોથી રાવલપિંડી અને શોરકોટ એરબેઝને નિશાન બનાવ્યા, 45 મિનિટમાં સાઉદી પ્રિન્સની મધ્યસ્થી.

, નાયબ વડાપ્રધાન ઇશાક ડારે ભારતના હુલમાં પાકિસ્તાનને નુકસાન થયાનું સ્વીકાર્યું

Source : Twitter

BrahMos missile strike: ભારત દ્વારા કરવામાં આવેલા 'ઓપરેશન સિંદૂર' અંગે પાકિસ્તાન ઘણા સમયથી જે જૂઠાણું બોલી રહ્યું હતું, તેનો હવે ખુદ પાકિસ્તાનના નાયબ વડા પ્રધાન અને વિદેશ પ્રધાન ઇશાક ડારે ભાંડો ફોડ્યો છે. ડારે સત્તાવાર રીતે પુષ્ટિ કરી છે કે ભારતે 7 મેના રોજ ઓપરેશન સિંદૂર દરમિયાન પાકિસ્તાનના બે મહત્વપૂર્ણ એરબેઝ – રાવલપિંડીમાં નૂર ખાન એરબેઝ અને શોરકોટ એરબેઝ – પર હવાઈ હુમલા કર્યા હતા. અત્યાર સુધી પાકિસ્તાન સરકાર અને તેની સેના આ હુમલાઓથી થયેલા નુકસાન વિશે સત્ય છુપાવી રહ્યા હતા, પરંતુ હવે ઇશાક ડારના ખુલાસાથી પાકિસ્તાનના તમામ જૂઠાણાં દુનિયા સામે આવી ગયા છે.

ભારતનો ઝડપી પ્રતિકાર અને પાકિસ્તાનનું આશ્ચર્ય

પાકિસ્તાનની ખાનગી ન્યૂઝ ચેનલ જિયો ન્યૂઝ સાથે વાત કરતા, ઇશાક ડારે ખુલાસો કર્યો કે ભારતીય હવાઈ હુમલાઓ ત્યારે જ થયા જ્યારે પાકિસ્તાન વળતો હુમલો કરવાની તૈયારી કરી રહ્યું હતું. આનો સ્પષ્ટ અર્થ એ છે કે ભારતે અત્યંત ઝડપી કાર્યવાહી કરી અને પાકિસ્તાનને આશ્ચર્યચકિત કરી દીધું, જેના કારણે તેમને વળતો પ્રહાર કરવાનો મોકો જ ન મળ્યો.

'ઓપરેશન સિંદૂર' 22 એપ્રિલના રોજ જમ્મુ અને કાશ્મીરના પહેલગામમાં થયેલા ક્રૂર આતંકવાદી હુમલાનો ભારતનો સૈન્ય જવાબ હતો. આ ઓપરેશન હેઠળ પાકિસ્તાન અને પાકિસ્તાન અધિકૃત કાશ્મીર (PoK) માં સ્થિત ફક્ત આતંકવાદી છાવણીઓને નિશાન બનાવીને ચોક્કસ અને માપેલા હુમલા કરવામાં આવ્યા હતા.

સાઉદી પ્રિન્સની તાત્કાલિક મધ્યસ્થી

ઇશાક ડારે વધુમાં એક ચોંકાવનારો ખુલાસો કર્યો કે ભારતીય હુમલાના માત્ર 45 મિનિટ પછી, સાઉદી પ્રિન્સ ફૈઝલ બિન સલમાને વ્યક્તિગત રીતે તેમનો સંપર્ક કર્યો હતો. ડારે જિયો ન્યૂઝને જણાવ્યું કે, "સાઉદી પ્રિન્સ ફૈઝલ બિન સલમાને ફોન કરીને પૂછ્યું હતું કે શું તેઓ ભારતના વિદેશ મંત્રી એસ. જયશંકરને કહી શકે છે કે પાકિસ્તાન રોકવા માટે તૈયાર છે."

આ ઘટના દર્શાવે છે કે રિયાધે ભારત અને પાકિસ્તાન વચ્ચે તણાવ ઘટાડવાના પ્રયાસમાં શાંત, પરંતુ અત્યંત મહત્વપૂર્ણ ભૂમિકા ભજવી હતી. ડારે એમ પણ કહ્યું કે પાકિસ્તાને ભારત તરફથી લશ્કરી હુમલો અટકાવવાની આશામાં અમેરિકાનો પણ સંપર્ક કર્યો હતો.

Pakistani Dy PM Ishaq Dar admits

>it went begging to Saudi and US that Pakistan was ready to stop! So Pak surrendered not Bharat..

>Pakistan admits Nur Khan & other bases were hit hard by India.. so Op Sindoor was not Chut Put or a failure or surrender

So let’s put it… pic.twitter.com/8t6XoR2qXK

— Shehzad Jai Hind (Modi Ka Parivar) (@Shehzad_Ind) June 19, 2025

શાહબાઝ શરીફની કબૂલાત અને પાકિસ્તાનની બદલાની યોજના નિષ્ફળ

ડારની આ કબૂલાત પાકિસ્તાનના વડા પ્રધાન શાહબાઝ શરીફ અને અન્ય ટોચના પાકિસ્તાની અધિકારીઓ દ્વારા અગાઉ કરવામાં આવેલા દાવાઓનો સીધો વિરોધાભાસ કરે છે. અગાઉ, પાકિસ્તાને દાવો કર્યો હતો કે તેણે ભારતને "કડક જવાબ" આપ્યો છે, પરંતુ હવે શાહબાઝ શરીફે પણ સ્વીકાર્યું છે કે ભારતે રાવલપિંડી એરપોર્ટ સહિત અનેક વિસ્તારોને નિશાન બનાવીને બ્રહ્મોસ મિસાઇલ ચલાવી હતી.

વડા પ્રધાન શાહબાઝ શરીફે તાજેતરના એક ઇન્ટરવ્યુમાં જણાવ્યું હતું કે, "ભારતે બ્રહ્મોસ મિસાઇલો છોડી હતી અને રાવલપિંડી એરપોર્ટ અને અન્ય સ્થળો સહિત પાકિસ્તાનના વિવિધ પ્રાંતોને નિશાન બનાવવામાં આવ્યા હતા." તેમણે સ્વીકાર્યું કે પાકિસ્તાને 10 મેના રોજ સવારે 4:30 વાગ્યે બદલો લેવાની યોજના બનાવી હતી, પરંતુ 9-10 મેની રાત્રે ભારતના બીજા રાઉન્ડના હુમલાએ તે યોજનાઓને નિષ્ફળ બનાવી દીધી. આ ઘટનાક્રમ પાકિસ્તાનના જુઠ્ઠાણાં અને તેની સંરક્ષણ ક્ષમતાની વાસ્તવિકતાને દુનિયા સમક્ષ ખુલ્લી પાડે છે.