ઝારખંડ વિધાનસભા ચૂંટણીઃ ભાજપે આઠ ઉમેદવારોની પાંચમી યાદી કરી જાહેર, જાણો કોને ક્યાંથી મળી ટિકિટ

ઝારખંડમાં 81 સીટ પર 5 તબક્કામાં મતદાન થશે. નક્સલી સમસ્યાને ધ્યાનમાં રાખી રાજ્યમાં 30 નવેમ્બરે પ્રથમ તબક્કાનું મતદાન યોજાશે. બીજા તબક્કાનું મતદાન 7 ડિસેમ્બરે, ત્રીજા તબક્કાનું મતદાન 12 ડિસેમ્બરે, 16 ડિસેમ્બરે ચોથા તબક્કાનું મતદાન અને 20 ડિસેમ્બરે પાંચમાં અને છેલ્લા તબક્કાનું મતદાન થશે અને 23 ડિસેમ્બરે મતગણતરી થશે.

રાંચીઃ ભારતીય જનતા પાર્ટીએ ઝારખંડ વિધાનસભા ચૂંટણી માટે આઠ ઉમેદવારોની પાંચમી યાદી જાહેર કરી છે. જેમાં પાકુરથી બેની પ્રસાદ ગુપ્તાને ટિકિટ ફાળવવામાં આવી છે.

Bharatiya Janata Party (BJP) releases fifth list of eight candidates for Jharkhand Legislative Assembly. pic.twitter.com/sitbWJSeSE

— ANI (@ANI) November 20, 2019

થોડા દિવસો પહેલા ભાજપે ઝારખંડ વિધાનસભા ચૂંટણી માટે 40 સ્ટાર પ્રચારકોની યાદી જાહેર કરી હતી. જેમાં પીએમ નરેન્દ્ર મોદી, અધ્યક્ષ અમિત શાહ, કાર્યકારી અધ્યક્ષ જેપી નડ્ડા અને ઉત્તર પ્રદેષનાં મુખ્યમંત્રી યોગી આદિત્યનાથ સહિત મોટા નામનો સમાવેશ કરવામાં આવ્યો છે. રિપોર્ટમાં જણાવ્યા મુજબ કેંન્દ્રીય ગૃહ મંત્રી અને પાર્ટી અધ્યક્ષ અમિત શાહ 21 નવેમ્બરે ચૂંટણી અભિયાનની શરુઆત કરશે. અમિતશાહ ઝારખંડમાં લગભગ 20 રેલીઓ સંબોધિત કરશે તેમ માનવામાં આવી રહ્યું છે. પીએમ મોદી આ ચૂંટણી પ્રચારમાં 8થી 10 રેલીઓને સંબોધિત કરશે. આ ચૂંટણીમાં કલમ 370ને હટાવવા અને ઝારખંડ દ્વારા કરવામાં આવેલાં કામ નેતાઓનાં ભાષણનાં મુખ્ય મુદ્દા રહેશે. ઝારખંડમાં 81 સીટ પર 5 તબક્કામાં મતદાન થશે. નક્સલી સમસ્યાને ધ્યાનમાં રાખી રાજ્યમાં 30 નવેમ્બરે પ્રથમ તબક્કાનું મતદાન યોજાશે. બીજા તબક્કાનું મતદાન 7 ડિસેમ્બરે, ત્રીજા તબક્કાનું મતદાન 12 ડિસેમ્બરે, 16 ડિસેમ્બરે ચોથા તબક્કાનું મતદાન અને 20 ડિસેમ્બરે પાંચમાં અને છેલ્લા તબક્કાનું મતદાન થશે અને 23 ડિસેમ્બરે મતગણતરી થશે. મહારાષ્ટ્રમાં 2 થી 5 દિવસમાં નવી સરકાર બનશેઃ સંજય રાઉત