અરૂણાચલ પ્રદેશ ટુરિઝમનો બ્રાંડ એમ્બેસેડર બન્યો જ્હોન અબ્રાહમ

મુંબઈ: બોલીવુડ અભિનેતા જ્હોન અબ્રાહમને અરૂણાચલ પ્રદેશના પર્યટન પ્રચાર માટે બ્રાંડ એમ્બેસેડર બનાવવામાં આવ્યો છે. અરૂણાચલના પર્યટન સચિવ જોરામ બેદાએ એક નિવેદન આપી આ જાણકારી આપી છે. બેદાએ જણાવ્યું કે, આ વર્ષે અમારુ ધ્યાન પર્યટન ક્ષેત્રને પ્રોત્સાહન આપવાનું છે. આ માટે અમને ભાગીદારોની જરૂર છે, જે અમારા વિચારોને સમજે અને આ કામમાં મદદ રૂપ સાબિત થાય. તેમણે કહ્યું કે વિયાકોમ 18ના રૂપમાં અમને એવા ભાગીદાર મળ્યા છે જેણે જ્હોન અબ્રાહમને અમારી સાથે જોડવામાં મદદ કરી હતી.