Manipur: 'મણિપુર હિંસા પર ચર્ચા કરવા સરકાર તૈયાર, પરંતુ વિપક્ષ ગંભીર નહીં', સંસદમા હોબાળા વચ્ચે રાજનાથ સિંહનું નિવેદન

શુક્રવારે મણિપુર હિંસા પર ચર્ચાને લઈને વિપક્ષે લોકસભામાં હોબાળો મચાવ્યો હતો

રાજનાથ સિંહ

Source : PTI

શુક્રવારે મણિપુર હિંસા પર ચર્ચાને લઈને વિપક્ષે લોકસભામાં હોબાળો મચાવ્યો હતો અને કેન્દ્ર સરકાર વિરુદ્ધ સૂત્રોચ્ચાર કર્યા હતા. આ દરમિયાન રક્ષા મંત્રી રાજનાથ સિંહે કહ્યું હતું કે અમે ઈચ્છીએ છીએ કે મણિપુર હિંસા પર ચર્ચા થવી જોઈએ, પરંતુ ગૃહમાં એવા પક્ષો છે જેઓ આ મુદ્દા પર ચર્ચા થવા દેવા માંગતા નથી. આ મામલે વિપક્ષ જોઈએ તેટલો ગંભીર નથી. હાલમાં હોબાળાને કારણે ગૃહમાં માત્ર સાડા ચાર મિનિટ જ કાર્યવાહી થઇ શકી હતી. આ પછી કાર્યવાહી 12 વાગ્યા સુધી સ્થગિત કરી દેવામાં આવી હતી.

Lok Sabha adjourned till 12 noon, amid uproar in the House over Manipur issue, minutes after proceedings began on the second day of the #MonsoonSession pic.twitter.com/A82Njh3hav

— ANI (@ANI) July 21, 2023

આ દરમિયાન સ્પીકર ઓમ બિરલાએ વિરોધ પક્ષોને પણ કહ્યું કે ચર્ચા થવા દો. ચર્ચાથી ઉકેલ આવશે. નારા લગાવવાથી કંઈ નહીં થાય. સરકાર ઈચ્છે છે કે ચર્ચા થાય, પરંતુ તમે ચર્ચા થવા દેતા નથી. બીજી તરફ સંસદીય બાબતોના રાજ્યમંત્રી અર્જુન મેઘવાલે કહ્યું હતું કે અમે મણિપુર પર ચર્ચા કરવા તૈયાર છીએ, પરંતુ વિપક્ષ સતત પોતાનું સ્ટેન્ડ બદલી રહ્યો છે

#WATCH | Amid the uproar in Lok Sabha over the Manipur situation, Defence Minister Rajnath Singh said, "Manipur incident is definitely very serious and understanding the situation, PM himself has said that what happened in Manipur has put the entire nation to shame. PM has said… pic.twitter.com/QHW1KHfg0q

— ANI (@ANI) July 21, 2023

ચર્ચા માટે સંજય સિંહની નોટિસને ફગાવી દેવામાં આવી

બીજી તરફ AAP સાંસદ સંજય સિંહે કહ્યું કે મણિપુર જાતીય હિંસા પર ચર્ચા માટે તેમની નોટિસ ફગાવી દેવામાં આવી છે. તેમણે કહ્યું કે આ સરમુખત્યારશાહીની ટોચ છે. મણિપુરમાં હિંસા થશે, લોકોની હત્યા થશે, નગ્ન સ્ત્રીઓની પરેડ થશે, બળાત્કાર થશે, પરંતુ દેશના સર્વોચ્ચ ગૃહમાં બોલવાની પરવાનગી નહીં મળે. મને વહેલી સવારે આ પત્ર મળ્યો કે મણિપુર પરની મારી નોટિસ ફગાવી દેવામાં આવી છે. મોદીજી, તમારી સરમુખત્યારશાહીનો પણ અંત આવશે.

NCP (UBT) નેતા પ્રિયંકા ચતુર્વેદીએ ટ્વીટ કર્યું હતું કે  મણિપુરના સીએમએ ઓન રેકોર્ડ કહ્યું હતું કે આવા સેંકડો કેસ નોંધાયા છે તેથી ઇન્ટરનેટ પર પ્રતિબંધ મૂકવામાં આવ્યો છે, જો વીડિયો લીક થાય છે તો સોશિયલ મીડિયા પ્લેટફોર્મ્સ દૂર કરો અને ભારતીય કાયદાઓનું પાલન કરો, જ્યારે આવા સેંકડો કેસ રાજ્યમાં અરાજકતા તરફ દોરી શકે છે.