ડોનાલ્ડ ટ્રમ્પના ટેરિફને જડબાતોડ જવાબ આપવા જઇ રહ્યું છે ભારત, હવે મેદાનમાં આવશે EFTA

Global Tariff War: EFTA એ યૂરોપિયન યૂનિયનની બહારના ચાર દેશોનું સંગઠન છે. સ્વિટ્ઝર્લૅન્ડ, નૉર્વે, આઇસલેન્ડ અને લિક્ટેંસ્ટાઇન જેવા દેશો આ હેઠળ આવે છે

(તસવીર- એબીપી લાઇવ)

Source : એબીપી અસ્મિતા

Global Tariff War: ટ્રમ્પના ટેરિફ એટેક વચ્ચે ભારતે યોગ્ય જવાબ આપ્યો છે. વૈશ્વિક ટેરિફ યુદ્ધના પડકારોનો સામનો કરવા માટે ભારત ચાર યૂરોપિયન દેશો સાથે મુક્ત વેપાર લાગુ કરવા જઈ રહ્યું છે. આનાથી ભારત આ દેશો સાથે અવરોધ વિના વેપાર કરી શકશે.

ભારત અને આ ચાર યૂરોપિયન દેશો સાથે બેસીને ટેરિફ અવરોધોનો સામનો કરવા માટે ઉકેલો શોધશે. આ માટે ભારત વાણિજ્ય મંત્રાલય હેઠળ EFTA ડેસ્ક સ્થાપવા જઈ રહ્યું છે. EFTA એટલે યૂરોપિયન ફેડરેશન ટ્રેડ એગ્રીમેન્ટ. ગયા વર્ષે 10 માર્ચે EFTA સાથે આ માટે એક કરાર પર હસ્તાક્ષર કરવામાં આવ્યા હતા. આ માહિતી સોમવારે ભારત સરકારે આપી હતી.

યૂરોપિયન યૂનિયનમાંથી બહારના ચાર દેશો છે ઇએફટીએમાં 
EFTA એ યૂરોપિયન યૂનિયનની બહારના ચાર દેશોનું સંગઠન છે. સ્વિટ્ઝર્લૅન્ડ, નૉર્વે, આઇસલેન્ડ અને લિક્ટેંસ્ટાઇન જેવા દેશો આ હેઠળ આવે છે. ભારત સાથેના આ કરારને TEPA એટલે કે વેપાર અને આર્થિક ભાગીદારી કરાર નામ આપવામાં આવ્યું છે. આ વર્ષના અંત સુધીમાં તેનો અમલ થવાની અપેક્ષા છે. ભારત મંડપમ ખાતે EFTA ડેસ્કનું ઉદ્ઘાટન વાણિજ્ય અને ઉદ્યોગ મંત્રી પિયુષ ગોયલ EFTA બ્લોકના પ્રતિનિધિઓ સાથે કરશે.

આ પ્રસંગે સ્વિટ્ઝર્લૅન્ડના વિદેશ પ્રધાન હેલેન બુડલિગર આર્ટેડા, નોર્વેના વેપાર અને ઉદ્યોગ પ્રધાન ટોમસ નોર્વોલ, આઇસલેન્ડના કાયમી વિદેશ પ્રધાન માર્ટિન એજોલ્ફસન અને લિક્ટેંસ્ટાઇનના વિદેશ પ્રધાન ડોમિનિક હાસ્લર પણ હાજર રહેશે.

ગ્લૉબલ ટ્રેડ વૉરની વચ્ચે આટલા માટે જરૂરી છે ઇએફટીએ 
ડોનાલ્ડ ટ્રમ્પ દ્વારા ટેરિફ હુમલા બાદ વૈશ્વિક નેતાઓની ચિંતાઓ વચ્ચે ભારતમાં EFTA ડેસ્કની સ્થાપના મહત્વપૂર્ણ બની રહી છે. છેલ્લા 15 વર્ષમાં ભારતને આ જૂથ તરફથી US$ 100 બિલિયનના રોકાણ પ્રસ્તાવો મળ્યા છે. વળી, સ્વિસ ઘડિયાળો, ચોકલેટ અને કટ અને પોલિશ્ડ હીરા જેવા ઘણા ઉત્પાદનો ખૂબ ઊંચા ભાવે ઉપલબ્ધ છે. ભારત 27 દેશોના જૂથ, યુરોપિયન યુનિયન સાથે એક વ્યાપક મુક્ત વેપાર કરાર માટે અલગથી વાટાઘાટો કરી રહ્યું છે.

આ પણ વાંચો