(Source: ECI/ABP News/ABP Majha)
Mumbai News: મુંબઈને અડીને આવેલા રાયગડમાં બે શંકાસ્પદ બોટ મળી, હથિયારો મળ્યા બાદ વિસ્તારમાં હાઈ એલર્ટ
ATS આ સમગ્ર મામલાની તપાસ કરી શકે છે. બોટ ક્યાંથી આવી અને તેમાં કોણ જોડાઈ શકે છે, એટીએસની ટીમ તમામ કડીઓની તપાસ કરી શકે છે.
Mumbai News: મુંબઈને અડીને આવેલા રાયગડમાં બે શંકાસ્પદ બોટ મળી આવી છે. બોટમાંથી હથિયારો મળી આવ્યા હોવાના અહેવાલ છે. જણાવવામાં આવી રહ્યું છે કે, એક માછીમારે મુંબઈ પોલીસને જાણ કરી, જેના પછી પોલીસે ઘટનાસ્થળે પહોંચીને તપાસ શરૂ કરી. આ સાથે જ બોટમાંથી હથિયારો મળી આવ્યા બાદ સમગ્ર વિસ્તારમાં હાઈ એલર્ટ જારી કરવામાં આવ્યું છે.
કહેવામાં આવી રહ્યું છે કે આ હથિયારોમાંથી AK-47 રાઈફલ્સ પણ મળી આવી છે. પોલીસ પાસેથી મળતી માહિતી મુજબ બોટમાં કોઈ વ્યક્તિ હાજર ન હતી. એમાં હથિયાર જ હતા. તે જ સમયે, નવીનતમ અપડેટ અનુસાર, ATS આ સમગ્ર મામલાની તપાસ કરી શકે છે. બોટ ક્યાંથી આવી અને તેમાં કોણ જોડાઈ શકે છે, એટીએસની ટીમ તમામ કડીઓની તપાસ કરી શકે છે.
Maharashtra | Security tightened in Raigad district and nearby areas after a suspected boat was found near Harihareshwar Beach. Police investigation underway. pic.twitter.com/UObgOxkB30
— ANI (@ANI) August 18, 2022
એટીએસ હસ્તક્ષેપ કરી શકે છે
તમને જણાવી દઈએ કે, મુંબઈ ભૂતકાળમાં બે વખત દરિયાઈ માર્ગે હચમચી ગયું છે. અગાઉ પણ બોટ મારફતે મુંબઈની અંદર હથિયારો લાવવામાં આવ્યા હતા અને મોટી ઘટનાઓને અંજામ આપવામાં આવ્યો હતો. પોલીસ હાલ મામલાના ઉંડાણમાં જવાનો પ્રયાસ કરી રહી છે, સાથે જ એટીએસ પણ ચાંપતી નજર રાખી રહી છે. જોકે, Ak-47 હથિયારો મળી આવ્યા બાદ હવે ATS આ મામલે તપાસ કરી શકે છે.
દરિયાઈ વિસ્તારમાં આતંકવાદીઓ આવવાની આશંકા હંમેશા રહે છે. આ પહેલા 26 નવેમ્બર 2008ના રોજ મુંબઈમાં આતંકી હુમલો થયો હતો. તે સમયે લશ્કરના 10 આતંકવાદીઓ પાકિસ્તાનથી દરિયાઈ માર્ગે ભારત આવ્યા હતા. બોટને બીચ પર છોડ્યા બાદ આતંકીઓએ અલગ-અલગ જગ્યાએ ફાયરિંગ શરૂ કરી દીધું હતું. આતંકવાદીઓએ બે હોટલ, એક હોસ્પિટલ અને રેલવે સ્ટેશનને નિશાન બનાવ્યા હતા. આ હુમલામાં 160 લોકોના મોત થયા હતા.
ટ્રેન્ડિંગ સમાચાર
ટોપ સ્ટોરી
