Road Rage Case: નવજોત સિંહ સિદ્ધુને સુપ્રીમ કોર્ટનો આંચકો, 34 વર્ષ જૂના કેસમાં 1 વર્ષની સજા ફટકારી
આ મામલો વર્ષ 1988નો છે. જેમાં માર મારતાં એક વૃદ્ધનું મોત થયું હતું.
રોડ રેજ કેસમાં નવજોત સિંહ સિદ્ધુને સુપ્રીમ કોર્ટમાંથી ઝટકો લાગ્યો છે. સુપ્રીમ કોર્ટે જૂના આદેશને બદલીને 1 વર્ષની જેલની સજા ફટકારી છે. આ મામલો વર્ષ 1988નો છે. જેમાં માર મારતાં એક વૃદ્ધનું મોત થયું હતું. અગાઉ સિદ્ધુને 1000 રૂપિયાનો દંડ ફટકારવામાં આવ્યો હતો.
સિદ્ધુ વિરુદ્ધ 33 વર્ષ પહેલા આઈપીસીની કલમ 323 હેઠળ કેસ નોંધવામાં આવ્યો હતો. તેમાં વધુમાં વધુ એક વર્ષની સજા થઈ શકે છે. મળતી માહિતી મુજબ, હવે પંજાબ પોલીસ સિદ્ધુને કસ્ટડીમાં લેશે.
SC allows review application, imposes one-year rigorous imprisonment on Congress leader Navjot Singh Sidhu in a three-decade-old road rage case pic.twitter.com/cyYfsXh92o
— ANI (@ANI) May 19, 2022
છ મુદ્દામાં સમજો આ કેસને
27 ડિસેમ્બર 1988ની સાંજે સિદ્ધુ તેના મિત્ર રુપિન્દર સિંહ સંધુ સાથે પટિયાલાના શેરાવલે ગેટના બજારમાં પહોંચ્યા. આ જગ્યા તેમના ઘરથી 1.5 કિમી દૂર છે. તે સમયે સિદ્ધુ ક્રિકેટર હતો. તેની આંતરરાષ્ટ્રીય કારકિર્દી શરૂ થયાને માત્ર એક વર્ષ થયું હતું.
તે જ માર્કેટમાં કાર પાર્કિંગને લઈને 65 વર્ષીય ગુરનામ સિંહ સાથે તેની દલીલ થઈ હતી. મામલો મારામારી સુધી પહોંચ્યો હતો. સિદ્ધુએ ગુરનામ સિંહને ઘૂંટણિયે પછાડ્યો. ત્યારપછી ગુરનામ સિંહને હોસ્પિટલમાં લઈ જવામાં આવ્યા, જ્યાં તેમનું મૃત્યુ થયું. અહેવાલો આવ્યા હતા કે ગુરનામ સિંહનું મૃત્યુ હાર્ટ એટેકથી થયું હતું.
તે જ દિવસે સિદ્ધુ અને તેના મિત્ર રુપિન્દર વિરુદ્ધ કોતવાલી પોલીસ સ્ટેશનમાં દોષિત હત્યાનો કેસ નોંધવામાં આવ્યો હતો. આ કેસ સેશન્સ કોર્ટમાં ચાલી ગયો હતો. 1999માં સેશન્સ કોર્ટે આ કેસને ફગાવી દીધો હતો.
2002માં પંજાબ સરકારે સિદ્ધુ વિરુદ્ધ હાઈકોર્ટમાં અપીલ કરી હતી. આ દરમિયાન સિદ્ધુએ રાજકારણમાં પ્રવેશ કર્યો. 2004ની લોકસભા ચૂંટણીમાં, તેઓ ભાજપની ટિકિટ પર અમૃતસર બેઠક પરથી લડ્યા અને જીત્યા.
હાઈકોર્ટનો નિર્ણય ડિસેમ્બર 2006માં આવ્યો હતો. હાઈકોર્ટે સિદ્ધુ અને સંધુને દોષિત ઠેરવ્યા અને ત્રણ વર્ષની જેલની સજા સંભળાવી. એક લાખનો દંડ પણ ફટકાર્યો છે. સિદ્ધુએ લોકસભામાંથી રાજીનામું આપી દીધું હતું.
હાઈકોર્ટના નિર્ણયને સુપ્રીમ કોર્ટમાં પડકારવામાં આવ્યો હતો. ભાજપના દિવંગત નેતા અરુણ જેટલીએ સિદ્ધુ વતી કેસ લડ્યો હતો. સુપ્રીમ કોર્ટે હાઈકોર્ટના નિર્ણય પર સ્ટે મુક્યો હતો.
ટ્રેન્ડિંગ સમાચાર
ટોપ સ્ટોરી
