Bihar Results 2025: ચૂંટણીના રિઝલ્ટ પર પપ્પુ યાદવનું નિવેદન, 'બિહારનું આ દુર્ભાગ્ચ....'
Bihar Results 2025: બિહાર વિધાનસભા ચૂંટણીના પરિણામો આવી રહ્યા છે. વલણો દર્શાવે છે કે, ભાજપ બહુમતીની નજીક છે. હવે, સાંસદ પપ્પુ યાદવે પરિણામો પર પોતાનું પહેલું નિવેદન આપ્યું છે. પપ્પુ યાદવે કહ્યું છે કે આપણે તેનો સ્વીકાર કરવો પડશે.
Bihar Assembly Election 2025: 2025 બિહાર વિધાનસભા ચૂંટણીના પરિણામો જાહેર થઈ રહ્યા છે. રાજ્યભરના વિવિધ જિલ્લાઓમાં મત ગણતરી ચાલી રહી છે. અત્યાર સુધીના ચૂંટણી પરિણામો અનુસાર, , એનડીએ, પ્રચંડ વિજય તરફ આગળ વધી રહ્યું છે. દરમિયાન, આરજેડી, કોંગ્રેસ અને અન્ય પક્ષોનું મહાગઠબંધન ઘણું પાછળ છે. વિવિધ નેતાઓ હવે ચૂંટણી પરિણામો પર પ્રતિક્રિયા આપી રહ્યા છે. પૂર્ણિયાના અપક્ષ સાંસદ પપ્પુ યાદવે જણાવ્યું છે કે તેમણે આ પરિણામ સ્વીકારવું જ પડશે.
પપ્પુ યાદવે શું કહ્યું?
બિહાર વિધાનસભા ચૂંટણી 2025 ના પરિણામો અંગે, પૂર્ણિયાના અપક્ષ સાંસદ પપ્પુ યાદવે કહ્યું, "આપણે આ (પ્રારંભિક વલણો) સ્વીકારવું પડશે. આ બિહાર માટે ખૂબ જ દુર્ભાગ્યપૂર્ણ છે. હું જનતાને કંઈ કહી શકતો નથી, હું ફક્ત તેમના નિર્ણયનું સ્વાગત કરું છું, પરંતુ આ બિહાર માટે દુર્ભાગ્યપૂર્ણ છે."
કોણ કેટલી બેઠકો જીતશે?
સવારે 11:૩૦ વાગ્યા સુધીમાં, ભાજપ, જેડીયુ, એલજેપી (આરવી), એચએએમ અને આરએલપીનું એનડીએ ગઠબંધન લગભગ 19૦ બેઠકો પર આગળ છે. દરમિયાન, આરજેડી, કોંગ્રેસ, ડાબેરીઓ અને વીઆઈપીના મહાગઠબંધનને 5૦ થી ઓછી બેઠકો મળવાનો અંદાજ છે.
વિશાખાપટ્ટનમ સમિટમાં, આંધ્રપ્રદેશના મુખ્યમંત્રી ચંદ્રબાબુ નાયડુએ જણાવ્યું હતું કે બિહાર વિધાનસભા ચૂંટણીમાં NDA 190 બેઠકો જીતવા માટે તૈયાર છે. નાયડુએ કહ્યું, "બિહાર વિધાનસભા ચૂંટણીના પરિણામોના વલણો દર્શાવે છે કે લોકો પીએમ મોદી સાથે છે." સીએમ નાયડુએ ઉમેર્યું હતું કે પીએમ મોદી જેટલો જનતાનો વિશ્વાસ અન્ય કોઈ નેતા પર નથી.
ભાજપ મોટાભાગની બેઠકો પર આગળ
બિહાર વિધાનસભા ચૂંટણીના મત ગણતરીમાંથી ચૂંટણી પંચના ડેટા અનુસાર, ભાજપ 83 બેઠકો પર આગળ, એકમાત્ર સૌથી મોટી પાર્ટી તરીકે ઉભરી આવી છે. નીતિશ કુમારની JDU 79 બેઠકો પર આગળ. તેજસ્વી યાદવની RJD 32 બેઠકો પર આગળ અને ચિરાગ પાસવાનની LJPR 22 બેઠકો પર આગળ. કોંગ્રેસ અને CMPIML છ બેઠકો પર આગળ.
ચૂંટણી પંચમાં ભાજપ સૌથી મોટો પક્ષ ડેટા
બિહાર વિધાનસભા ચૂંટણીમાં ચૂંટણી પંચે તમામ 243 બેઠકો માટે ટ્રેન્ડ જાહેર કર્યા છે. ભાજપ સૌથી મોટા પક્ષ તરીકે ઉભરી આવ્યો છે. ચૂંટણી પંચ અનુસાર, ભાજપ 85 બેઠકો પર આગળ છે. નીતિશ કુમારની JDU 76 બેઠકો પર આગળ છે. RJD 34 બેઠકો પર આગળ છે, જ્યારે રામવિલાસ પાસવાન LJP 22 બેઠકો પર આગળ છે.
ટોપ સ્ટોરી
ટ્રેન્ડિંગ સમાચાર
