PM Modi Goa Visit: PM મોદી આજે ગોવામાં મોપા ઇન્ટરનેશનલ એરપોર્ટનું કરશે ઉદ્ધાટન

વડાપ્રધાન ગોવામાં મોપા ઈન્ટરનેશનલ એરપોર્ટનું ઉદ્ઘાટન કરવાના છે. ડાબોલિમ એરપોર્ટ પછી રાજ્યનું આ બીજું એરપોર્ટ છે

ફાઇલ તસવીર

PM Modi Goa Visit: વડાપ્રધાન નરેન્દ્ર મોદી આજે એટલે કે રવિવારે (11 ડિસેમ્બર) ગોવા જવાના છે. પીએમ મોદી અહીં મોપા ઈન્ટરનેશનલ એરપોર્ટનું ઉદ્ઘાટન કરશે. આ પહેલા વડાપ્રધાન મહારાષ્ટ્રની મુલાકાત લેશે. પીએમ મોદી મહારાષ્ટ્રના નાગપુરમાં નાગપુર મેટ્રોના પ્રથમ તબક્કાનું ઉદ્ઘાટન કરશે.

In Goa, I will be addressing the 9th World Ayurveda Congress. I will also be inaugurating the Mopa International Airport, Goa. This airport will promote the local economy and be a major boost for tourism. pic.twitter.com/DJaanG32Jh

— Narendra Modi (@narendramodi) December 10, 2022

વડાપ્રધાન ગોવામાં મોપા ઈન્ટરનેશનલ એરપોર્ટનું ઉદ્ઘાટન કરવાના છે. ડાબોલિમ એરપોર્ટ પછી રાજ્યનું આ બીજું એરપોર્ટ છે. PMO દ્વારા આપવામાં આવેલી માહિતી અનુસાર, વડાપ્રધાન નરેન્દ્ર મોદીએ 13 નવેમ્બર 2016ના રોજ આ એરપોર્ટ પ્રોજેક્ટનો શિલાન્યાસ કર્યો હતો અને હવે તેઓ તેનું ઉદ્ઘાટન કરવા જઈ રહ્યા છે. ઉત્તર ગોવાના મોપા ખાતે સ્થિત આ એરપોર્ટનો ખર્ચ રૂ. 2,870 કરોડ છે.

Tomorrow, 11th December is a special day for Maharashtra as projects worth Rs. 75,000 crore will either be inaugurated or their foundation stones would be laid. These include Vande Bharat Express, Nagpur Metro, AIIMS and the spectacular Mahamarg between Nagpur and Shirdi. pic.twitter.com/WpGFRNpABY

— Narendra Modi (@narendramodi) December 10, 2022

ગોવાનું બીજું એરપોર્ટ બનશે

પ્રથમ તબક્કામાં એરપોર્ટની વાર્ષિક ક્ષમતા 44 લાખ મુસાફરોની છે અને પ્રોજેક્ટ પૂર્ણ થયા બાદ તેની વાર્ષિક ક્ષમતા એક કરોડ મુસાફરોની રહેશે. ડાબોલિમ એરપોર્ટ વાર્ષિક 8.5 મિલિયન મુસાફરોની ક્ષમતા ધરાવે છે, પરંતુ તેમાં 'કાર્ગો' (સામાન) પરિવહનની સુવિધા નથી જ્યારે નવા એરપોર્ટમાં કાર્ગો સુવિધાઓ પણ છે. જ્યાં સુધી કેન્દ્રીય નાગરિક ઉડ્ડયન મંત્રાલય દ્વારા તેનું નામ ફાઈનલ કરવામાં ન આવે ત્યાં સુધી એરપોર્ટને ન્યૂ ગોવા ઈન્ટરનેશનલ એરપોર્ટ તરીકે ઓળખવામાં આવશે.

દેશને 3 આયુષ સંસ્થાઓ પણ મળશે

આ સિવાય પીએમ મોદી અહીં 9મી વર્લ્ડ આયુર્વેદ કોંગ્રેસના સમાપન સત્રને પણ સંબોધિત કરશે. પીએમ દેશને આયુષ સંસ્થાન ભેટ આપવા જઈ રહ્યા છે. પીએમ મોદી વીડિયો કોન્ફરન્સિંગ દ્વારા ગોવાની આયુષ સંસ્થા તેમજ ગાઝિયાબાદ અને દિલ્હીની આયુષ સંસ્થાનનું ઉદ્ઘાટન કરશે. આયુષ મંત્રાલયના જણાવ્યા અનુસાર, ત્રણેય સંસ્થાઓનું ઉદ્ઘાટન પરંપરાગત દવાના ક્ષેત્રમાં આંતરમાળખાના વિસ્તરણ અને સંશોધનને પ્રોત્સાહન આપવા તરફ એક મોટું પગલું હશે.

મહારાષ્ટ્રને આ પ્રોજેક્ટ્સ ગિફ્ટ કરશે

PM મોદી નાગપુર મેટ્રોના પ્રથમ તબક્કાનું ઉદ્ઘાટન કરશે. આ દરમિયાન પીએમ મોદી નાગપુર મેટ્રોના બીજા તબક્કાનો શિલાન્યાસ પણ કરશે. તેઓ નાગપુર અને શિરડીને જોડતા સમૃદ્ધિ મહામાર્ગના પ્રથમ તબક્કાનું ઉદ્ઘાટન કરશે. આ દરમિયાન પીએમ મોદી શહેરમાં નવનિર્મિત એઈમ્સ રાષ્ટ્રને સમર્પિત કરશે. વડાપ્રધાન નરેન્દ્ર મોદી વિદર્ભ શહેરમાં એક જાહેર સમારંભમાં રૂ. 1,500 કરોડથી વધુના રેલવે પ્રોજેક્ટ્સનું લોકાર્પણ કરશે.