ગરીબોને ફ્લેટ, મેટ્રૉ-હાઇવે... દિલ્હીમાં પીએમ મોદી ફૂંકશે ચૂંટણી બ્યૂગલ, આપશે 45000 કરોડની ભેટ
Delhi Assembly Elections 2025: દિલ્હી વિધાનસભાની ચૂંટણી પહેલા ભાજપ સરકારે આ પ્રૉજેક્ટ દ્વારા પોતાના ઈરાદા સ્પષ્ટ કરી દીધા છે
Delhi Assembly Elections 2025: શુક્રવારે (3 જાન્યુઆરી, 2025), દિલ્હી વિધાનસભાની ચૂંટણી પહેલા વડાપ્રધાન નરેન્દ્ર મોદી દિલ્હીને 45 હજાર કરોડ રૂપિયાના વિકાસ પ્રૉજેક્ટ્સ ભેટ આપશે. પીએમ દિલ્હીના અશોક વિહારમાં એક મોટી રેલી દરમિયાન દિલ્હીના લોકોને કરોડોની ભેટ આપીને ચૂંટણીની શરૂઆત કરશે.
વડાપ્રધાન નરેન્દ્ર મોદી દિલ્હી માટે રૂ. 4300 કરોડથી વધુની કિંમતની અનેક વિકાસ યોજનાઓનું ઉદઘાટન અને શિલાન્યાસ કરશે. જેમાં સૌથી મહત્વપૂર્ણ નજફગઢના રોશનપુરામાં વીર સાવરકર કૉલેજનો શિલાન્યાસ સામેલ છે. દિલ્હી વિધાનસભાની ચૂંટણી પહેલા ભાજપ સરકારે આ પ્રૉજેક્ટ દ્વારા પોતાના ઈરાદા સ્પષ્ટ કરી દીધા છે.
ઘર યોજના અંતર્ગત 1675 ફ્લેટનું કરાવવામાં આવ્યું છે નિર્માણ -
વડાપ્રધાન મોદી 3 જાન્યુઆરીએ દિલ્હીના અશોક વિહારમાં આવેલા સ્વાભિમાન એપાર્ટમેન્ટમાં ઈન-સિટુ સ્લમ રિહેબિલિટેશન પ્રૉજેક્ટ હેઠળ ઝુગ્ગી ઝોપરી (JJ) ક્લસ્ટરના રહેવાસીઓ માટે નવનિર્મિત ફ્લેટની મુલાકાત લેશે લગભગ 12:10 વાગ્યે. તમામ ફ્લેટ કેન્દ્ર સરકારની 'ઘર યોજના' હેઠળ બાંધવામાં આવ્યા છે. વડાપ્રધાન મોદી 1675 ફ્લેટની ચાવી પાત્ર લોકોને સોંપશે. આ પ્રૉજેક્ટનો ઉદ્દેશ્ય દિલ્હીમાં ઝૂંપડપટ્ટીના રહેવાસીઓને યોગ્ય સુવિધાઓથી સજ્જ સારું અને સ્વસ્થ જીવન વાતાવરણ પૂરું પાડવાનો છે.
CBSE ની ઇન્ટીગ્રેટેડ ઓફિસ પરિસરનું પણ ઉદઘાટન કરશે પીએમ મોદી
આ ઉપરાંત વડાપ્રધાન નરેન્દ્ર મોદી બે શહેરી પુનર્વિકાસ પ્રૉજેક્ટ્સનું પણ ઉદઘાટન કરશે, જેમાં નરોજી નગરમાં વર્લ્ડ ટ્રેડ સેન્ટર (WTC) અને સરોજિની નગરમાં જનરલ પૂલ રેસિડેન્શિયલ એકોમૉડેશન (GPRA) Type-II ક્વાર્ટરનો સમાવેશ થાય છે. સરોજિની નગરમાં GPRA Type-II ક્વાર્ટરમાં 2,500 થી વધુ રહેણાંક ફ્લેટ્સ સાથે 28 ટાવરનો સમાવેશ થાય છે. વડાપ્રધાન દિલ્હીના દ્વારકામાં આશરે રૂ. 300 કરોડના ખર્ચે બનેલ CBSEના સંકલિત કાર્યાલય સંકુલનું પણ ઉદઘાટન કરશે.
રેલીમાં 50 હજારથી વધુ લોકો થઇ શકે છે સામેલ
વડાપ્રધાન નરેન્દ્ર મોદી દિલ્હી યૂનિવર્સિટીમાં રૂ. 600 કરોડથી વધુના ખર્ચના ત્રણ નવા પ્રૉજેક્ટનો શિલાન્યાસ પણ કરશે. તેમાં પૂર્વ દિલ્હીના સૂરજમલ વિહાર ખાતે પૂર્વ કેમ્પસમાં એક શૈક્ષણિક બ્લોક અને દ્વારકામાં પશ્ચિમી કેમ્પસમાં એક શૈક્ષણિક બ્લૉકનો સમાવેશ થાય છે. આ ઉપરાંત નજફગઢના રોશનપુરામાં વીર સાવરકર કૉલેજની ઇમારત પણ સામેલ છે, જેમાં શિક્ષણ માટે અત્યાધુનિક સુવિધાઓ છે. સૂત્રોનું માનીએ તો પીએમ મોદીની રેલીમાં દિલ્હીના વિવિધ ભાગોમાંથી 50 હજારથી વધુ લોકો ભાગ લેશે.
આ પણ વાંચો
'બોલાવો કુવેતના શેખોને ને પછી...', સંભલની જામા મસ્જિદ પર અસદુદ્દીન ઓવૈસીનું વિવાદિત નિવેદન
ટોપ સ્ટોરી
ટ્રેન્ડિંગ સમાચાર
