Radhika Anant Wedding: જાણો અનંત અંબાણીના શાહી લગ્નમાં ક્યા ક્યા ખેલાડીઓને આપવામાં આવ્યું છે આમંત્રણ

Radhika Merchant Anant Ambani Pre Wedding: મુકેશ અને નીતા અંબાણીના નાના પુત્ર અનંતના લગ્નની તૈયારીઓ જોરશોરથી ચાલી રહી છે. ટૂંક સમયમાં અનંત તેની પ્રેમિકા રાધિકા મર્ચન્ટ સાથે શાહી લગ્ન કરશે.

( Image Source : Social Media )

Radhika Merchant Anant Ambani Pre Wedding: મુકેશ અને નીતા અંબાણીના નાના પુત્ર અનંતના લગ્નની તૈયારીઓ જોરશોરથી ચાલી રહી છે. ટૂંક સમયમાં અનંત તેની પ્રેમિકા રાધિકા મર્ચન્ટ સાથે શાહી લગ્ન કરશે. ગુજરાતના જામનગરમાં 1-3 માર્ચના રોજ કપલની પ્રી-વેડિંગ સેરેમની યોજાવા જઈ રહી છે. આ સમારોહમાં ભારત અને વિદેશમાંથી લગભગ 1000 લોકો ભાગ લેશે. આંતરરાષ્ટ્રીય નેતાઓ અને હસ્તીઓ અનંત-રાધિકાને આશીર્વાદ આપશે. 

 

રમતગમતની દુનિયામાંથી સચિન તેંડુલકર અને મહેન્દ્ર સિંહ ધોનીથી લઈને અભિનવ બિન્દ્રા સુધીના ખેલાડીઓને આમંત્રણ આપવામાં આવ્યું છે. આ ઉપરાંત નવદંપત્તિને આશિર્વાદ આપવા સદગુરુ જગ્ગી વાસુદેવને પણ આમંત્રણ પાઠવવામાં આવ્યું છે.

1. સચિન તેંડુલકર અને પરિવાર
2. એમએસ ધોની અને પરિવાર
3. રોહિત શર્મા
4. કેએલ રાહુલ
5. હાર્દિક અને કૃણાલ પંડ્યા
6. ઈશાન કિશન

આ સ્ટાર્સ કરશે પરફોર્મ 
આ વર્ષની સૌથી મોટી ઈવેન્ટ એટલે કે 2024માં અનંત રાધિકાના લગ્ન થવા જઈ રહ્યા છે જેમાં પોપ સ્ટાર્સ રીહાન્ના, દિલજીત દોસાંઝ પ્રી-વેડિંગ ફંક્શનમાં પરફોર્મ કરશે. આ ઉજવણી 1 થી 3 માર્ચ દરમિયાન ગુજરાતના જામનગરમાં થશે. ભવ્ય લગ્નના પ્રથમ દિવસે, 'એન ઇવનિંગ ઇન એવર' થીમ પાર્ટી હશે જેમાં મહેમાનોને ભવ્ય કોકટેલ ડ્રેસ પહેરવાનું કહેવામાં આવશે. બીજા દિવસે, અ વોક ઓન ધ વાઇલ્ડ સાઇડનું આયોજન કરવામાં આવશે જેમાં જંગલ ફિવર ડ્રેસ કોડ હશે. ત્રીજા દિવસે, મેલા રૂજ પાર્ટીનું આયોજન કરવામાં આવશે જેમાં સ્વદેશી પ્રવૃત્તિઓનું મિશ્રણ હશે અને મહેમાનો તેમના મનપસંદ કપડાં પહેરશે.

ગયા વર્ષે ડિસેમ્બરમાં અનંત અંબાણી -રાધિકા મર્ચન્ટની રોકા સેરેમની થઈ હતી

તમને જણાવી દઈએ કે ગયા વર્ષે ડિસેમ્બરમાં અનંત અંબાણીએ લાંબા સમયથી ગર્લફ્રેન્ડ રાધિકા મર્ચન્ટ સાથે સગાઈની જાહેરાત કરી હતી. રાજસ્થાનના નાથદ્વારામાં આવેલા શ્રીનાથજી મંદિરમાં દંપતીએ રોકા સેરેમની કરી હતી. બાદમાં અનંત અને રાધિકાએ મુંબઈમાં અંબાણીના એન્ટિલિયા નિવાસસ્થાને ભવ્ય પાર્ટી સાથે તેમના રોકાની ઉજવણી કરી. હવે આ પ્રેમી યુગલે 19 જાન્યુઆરીએ સત્તાવાર રીતે સગાઈ કરી લીધી છે. ગુરુવારે તેમની સગાઈ દરમિયાન ગોળધાણા અને ચુંદડી ઓઢાળવાની વિધિ જેવા પરંપરાગત સમારોહનું પણ આયોજન કરવામાં આવ્યું હતું. હવે ટૂંક સમયમાં જ અનંત અને રાધિકા સાત ફેરા લીધા બાદ લગ્નના બંધનમાં બંધાશે.

Join Our Official Telegram Channel: https://t.me/abpasmitaofficial