Railway : વંદે ભારત ટ્રેનોમાં મુસાફરોને હવે મળશે આટલું પાણી, અગાઉ મળતી હતી એક લીટરની બોટલ
Railway : વંદે ભારત ટ્રેનમાં મુસાફરી કરતા મુસાફરો માટે મોટા સમાચાર છે
Vande Bharat Trains: વંદે ભારત ટ્રેનમાં મુસાફરી કરતા મુસાફરો માટે મોટા સમાચાર છે. હવેથી તેમને આ ટ્રેનમાં મુસાફરી કરતી વખતે એક લિટર પાણીની બોટલને બદલે અડધા લિટર એટલે કે 500 mlની રેલ નીરની બોટલ આપવામાં આવશે. ઉત્તર રેલવેએ આ અંગે એક પ્રેસ રિલીઝ પણ જાહેર કરી છે. રેલવેએ તેના નિર્ણય પાછળનું કારણ પણ આપ્યું છે.
હવે તમને અડધો લિટર પાણી મળશે
રેલવેએ કહ્યું કે તમામ સંબંધિતોને જાણ કરવામાં આવે છે કે કિંમતી પીવાના પાણીના બગાડને બચાવવા માટે રેલવેએ તમામ વંદે ભારત ટ્રેનમાં દરેક મુસાફરોને 500 મિલીની એક રેલ નીર પેકેજ્ડ ડ્રિંકિંગ વોટર (PDW) બોટલ આપવામાં આવશે. જો મુસાફરો માંગશે તો 500 ml ની બીજી રેલ નીર PDW બોટલ કોઈપણ વધારાના ચાર્જ વગર આપવામાં આવશે.
આ નિર્ણય પાછળ રેલવેનો તર્ક શું છે?
વંદે ભારત ટ્રેનોમાં પાણી ઘટાડા અંગે રેલવેની દલીલ એવી છે કે "કેટલાક મુસાફરો પાણીનો સંપૂર્ણ વપરાશ કરતા નથી, જેના કારણે પાણીનો બગાડ થાય છે." જો કે રેલવે મુસાફરોને 1 લીટર સુધીના પાણીની વ્યવસ્થા હજુ પણ ટ્રેનના ભાડામાં કોઈપણ વધારાની ફી વસૂલ્યા વિના સામેલ છે, પરંતુ તેને બે ભાગમાં વહેંચવામાં આવી છે. આનો અર્થ એ થયો કે મુસાફરોને હવે 1 લીટરને બદલે 500 mlની બોટલ મળશે અને ફરી માંગવા પર મુસાફરને 500 મિલીલીટરની બોટલ મફતમાં મળશે.
રેલવેએ મુસાફરોને માહિતી આપવી જોઈએ
જો કે દેશમાં શતાબ્દી એક્સપ્રેસ ટ્રેનોમાં અડધા લિટરની પાણીની બોટલ આપવાની વ્યવસ્થા પહેલેથી જ છે, પરંતુ વંદે ભારત અને શતાબ્દી ટ્રેનોના સંચાલનના સમયમાં તફાવત છે. ઘણી વંદે ભારત ટ્રેનો મુસાફરીમાં ઓછામાં ઓછા 8 કલાક લે છે અને આ સમય દરમિયાન અડધો લિટર પાણીનો વપરાશ થઈ શકે છે. રેલવે મુસાફરો 1 લીટરની બોટલમાંથી આખું પાણી પી શકતા ન હોવા છતાં જ્યારે તેમને 500 મિલી પાણી મળે છે, તો તેમને એ પણ જણાવવું જોઈએ કે જો તેઓ અડધો લિટર પાણી વધુ લેવા માંગે છે તો તેઓને વિનામૂલ્યે આપવામાં આવશે.
ટોપ સ્ટોરી
ટ્રેન્ડિંગ સમાચાર
